1 PEDRO 1:5 - Dios Rimashcata Quillcashcami

⁵ Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

Nuevo Testamento en Quichua Cañar 1996

⁵ Cancuna Taita Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca ña tucuri punzhacunapimi ricuchinga.

1 PEDRO 1:5 ပူးပေါင်းရင်းမြစ်များ

JOB 19:25

Ñucata quishpichic Dios causacushcataca yachanimi. Ñuto allpamanta jatarina cashcatapish yachanimi.

SALMOS 37:28

Mandac Diosca imatapish allita ruhuactaca cuyanmi. Paita caticcunataca mana shitashpa saquingachu. Tucui causaipimi huacaichinga. Ashtahuanpish paita mana manchaccunapac huahuacunataca tucuchingami.

PROVERBIOS 2:8

Cashcata ruhuashpa causaccunata cuidashpami, paipaclla causaccunapac ñantapish huacaichin.

ISAÍAS 45:17

Ashtahuanpish israelcunaca Mandac Dios quishpichicpimi, huiñaita causanga. Chashnami huiñaita mana pingaichishca, mana cumurichishca canga» ninimi.

ISAÍAS 51:6

Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

ISAÍAS 66:22

Cutinllatac Mandac Diosca: «Ñuca ruhuashca mushuc jahua pachapish, mushuc cai pachapish huiñaicamanmi ñuca ñaupapi canga. Cancunapac huahua huahuacunapish huiñaicaman mana chingaringa.

JEREMÍAS 23:4

Paicunata michichunca michiccunatami churasha. Shina churacpica, mana manchangacunachu, mana chucchungacunachu. Imapish mana illangachu.

JEREMÍAS 32:40

Paicunaman allita ruhuangapacmi paicunahuanca huiñai causaicaman ari ninacusha. Ñucamanta ama anchurichunmi, ñucata manchana yuyaita paicunapac shungupi churasha.

SAN JUAN 12:48

Maijanpish ñucata piñashpa ñuca rimashcata mana cazucca, taripashcami canga. Ñuca rimashcallatacmi, tucuri punzhapica juchanchinga.

SAN JUAN 17:15

Mana cai pachamanta paicunata anchuchichunchu mañanichu, ashtahuanpish tucui millaimanta huacaichichunmi mañani.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 5:24

Maijanpish ñuca nishcata uyashpa, ñucata cachac Taitata cricca, huiñai causaita charinmi. Paica huañushcamanta causaiman pasashcamantami, llaquimanca mana ringa. Chaica chashnatacmi can.

ROMANOS 11:20

Ari, chai israelcunaca mana crishcamantami, pitishca shina tucurcacuna. Ashtahuanpish canca crishcallamantami chai yurapi huiñashca cangui. Chaimanta ama canllatac “allimi cani” nirichu, ashtahuanpish Diosta manchai.

ROMANOS 8:18

Cunan punzha llaquita apacushcaca, quipa punzhapi alli nishca canahuan chimbapuracpica, ima mana canchu. Chaitaca yachanimi.

1 CORINTIOS 1:21

Diosca, cai pachapi causaccuna paicuna yachashcahuan paita ricsichunca mana saquinchu. Alli huillai paicunaman pucllashca shina cacpipish, Diosca maijanpish paita criccunatami cuyashpa quishpichisha nicun.

2 CORINTIOS 1:24

Cancunaca ña alli criccunami canguichic. Crishpa caita chaita ruhuachun nishpaca, mana mandanchicchu, ashtahuanpish cancuna crishcamanta cushicuihuan catichunmi ayudanata munanchic.

GÁLATAS 2:20

Ñucaca Cristohuanmi chacatashca shina cani. Ña mana ñucallachu causacuni, ashtahuanpish Cristomi ñucapica causacun. Cunan aichapi causacushpapish Diospac Churita crishpami causani. Paica ñucata cuyashpami, ñucamanta huañurca.

EFESIOS 2:8

Cancunaca Dios cuyashcallamantami Jesucristota crishpa quishpirishca canguichic. Chaitaca mana cancuna allita ruhuashcamantachu chasquircanguichic, ashtahuanpish chaica Dios cushcallami can.

EFESIOS 3:17

Crishcallamanta cancunapac shungupi Cristo causachun, shinallatac cancunaca cuyaipi sinchita sapiyashca shina cachunmi mañacuni.

FILIPENSES 1:6

Cancunapi callarimanta pacha allita ruhuac Diosca Jesucristo cutimuna punzhacaman, chai allita ruhuashpa catina cashcatami yachani.

FILIPENSES 4:7

Chashna ruhuacpimi, cancuna Jesucristohuan shuclla cashcamanta, gentecuna mana entendishca Diospac sumac causaica cancunapac shungutapish, yuyaitapish huacaichinga.

2 TIMOTEO 3:15

Huahuamanta pachami Dios quillcachishcataca yachangui. Chaillatacmi Jesucristota crishpa quishpirichun yachacta ruhuanga.

TITO 2:13

shinallatac ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactana cashcata shuyanata yachachicun.

HEBREOS 6:12

Quillacuna cachun mana munanchicchu, ashtahuanpish alli crishpa, mana piñarishpa, Dios cusha nishcata japiccuna cachunmi munanchic.

HEBREOS 9:28

Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Dios paipac sumaimana cuyaimanta ñucanchic japina cashcata cucpi japingapac cushicushpa shuyacuichic.

1 PEDRO 4:13

Chaipac randica, Cristo llaquita apashca shina llaquita apacushcamantaca cushicuichiclla. Chashna cashpami, Cristo sumaimana cashcahuan cutimucpica cushicunguichic.

1 PEDRO 5:1

Cunanca cancunapurapi cac tandanacushca criccunata pushaccunatami, ñucapish paicuna shinallatac pushac cashcamanta cunashpa rimasha nini. Ñucaca Cristo ima shina llaquita apashcata ricushpa, huillacmi cani. Shuc punzha Cristo sumaimana ricuricpica, ñucapish chaipimi paihuan pacta casha.

2 PEDRO 1:3

Diosca Jesucristota ricsichishpami, paipac poderhuan ñucanchic paita allita yuyariccuna cachun, tucui ima illashcatapish ñucanchicman cushca. Cristoca pai cashcata ruhuac cashcata, sumaimana cashcata ricuchingapacmi cayarca.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

SAN JUDAS 1:1

Jesucristopacta ruhuac, Santiagopac huauqui Judasmi, Dios cuyashpa cayashcacunata “allillachu canguichic” nishpa caita quillcashpa cachani. Cancunataca ima millaimantapish Jesucristomi huacaichicun.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

1 SAMUEL 2:9

Paimi paihuan causaccunataca maita purinapipish huacaichin. Ashtahuanpish paita mana manchaccunaca pura tutapimi chingaricun. Pipish paipac fuerzallahuanca imatapish mana ruhuai pudingachu.