1 PEDRO 1:13 - Dios Rimashcata Quillcashcami

¹³ Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Dios paipac sumaimana cuyaimanta ñucanchic japina cashcata cucpi japingapac cushicushpa shuyacuichic.

Nuevo Testamento en Quichua Cañar 1996

¹³ Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Taita Dios paipac sumaimana c'uyaimanta ñucanchic japina cashcata japingapac cushicushpa shuyacuichic.

1 PEDRO 1:13 ပူးပေါင်းရင်းမြစ်များ

1 REYES 18:46

Ashtahuanpish Eliasca Mandac Diosllata pushacpimi, alli chumbillirishpa, Acabta atishpa, Jezreel puebloman callpashpa chayarca.

2 REYES 4:29

Shina nicpi, Eliseoca paita servic Giezitaca: —Chumbillishpa ñuca taunata apashpa ri. Maijan tupacpipish, ama allillachu cangui ninguichu. Canta allillachu cangui nicpipish, upalla ringuilla. Ña huasiman chayashpaca, huahuapac ñahui jahuapi ñuca taunata churangui— nirca.

JOB 38:3

Cunanca sinchita chumbillirishpa, ñuca tapushcata cutichingapac allichiri.

JOB 40:7

«Cunanca alli chumbillirishca shina ñuca tapushcata cutichingapac allichiri.

ÉXODO 12:11

Cancunaca chai aichataca alli chumbillishpa, chaquipipish ushutata churarishpa, shinallatac tauna caspita maquipi apashpami, utcashpa micuna canguichic. Chai tutaca Mandac Dios ñucapac Pascuami canga.

ISAÍAS 11:5

Cashcata ruhuanahuanmi chumbillishca shina canga. Cutin pactachic canaca paipac cintura shinami canga.

JEREMÍAS 1:17

Canca alli chumbillirishpa, sinchita shayarishpa, ñuca imata mandashcata paicunaman huillangui. Paicunapac ñaupapi shayarinataca ama manchanguichu. Pacta canllatac paicuna manchachichun saquinguiman.

SAN MATEO 20:4

Paicunata ricushpaca: “Cancunapish ñuca chagrapi uvasta pallangapac richic. Mashnata pagana cashcataca pagashallami” nirca. Shina nicpica, paicunapish rircallami.

SAN LUCAS 12:35

Cancunaca churanatapish ña churarishca, mechata japichishpa shuyacuc shina chaparacuichic.

SAN LUCAS 17:30

Chashnallatacmi Runa Tucungapac shamushca cutimuna punzhapipish canga.

SAN LUCAS 17:8

Mana chashna ninguichicmanchu. Chaipac randica: “Utca mudarishpa, micunata ruhuashpa, ñucamanrac carai, ubiachi, quipata micunguillami, ubianguillami” ninguichicmanmi.

ROMANOS 13:13

Punzhapi puricuc shina, allita ruhuashpa causashunchic. Ama yalli micunallata, ubianallata munashunchic, ama huainayashunchic, ama piñanacuipi churashunchic, ama mana allicunata ruhuashunchic.

ROMANOS 8:19

Tucui Dios ruhuashcacunami, maijancunalla Diospac huahuacuna cashcata ricuna yuyailla shuyacun.

1 CORINTIOS 1:7

Shina cacpimi, Apunchic Jesucristo cutimunata cancuna shuyacuccunamanca, Dios cushcacunaca imapish mana illanga.

1 CORINTIOS 13:13

Caicunamanta nishpaca, crinapish, imata shuyana cashcata shuyanapish, cuyaita charinapish tiyashpa catingallami. Ashtahuanpish cai quimsacunamanta yallica cuyaimi.

EFESIOS 6:14

Shina cashpaca, cashcata nic huillashcahuanca chumbillishca shina sinchi caichic. Imatapish cashcata ruhuanataca, shunguta pacac fierro churanata churaric shina churashca caichic.

COLOSENSES 3:4

Cristollamantami cancunaca causaita charinguichic. Chaimanta pai cutimucpica, cancunaca paihuanmi pai shinallatac sumaimana ricuringuichic.

2 TESALONICENSES 1:7

Cutin cancuna llaquita apacuccunataca ñucanchicta samachic shinallatac samachingapacmi Apunchic Jesusca paipac poderyuc angelcunahuan jahua pachamanta nina culun nicuc chaupita shamunga.

2 TIMOTEO 4:5

Chashna cacpipish canca, tucuipi alli yuyaihuan cangui, quishpirinamanta alli huillaitaca huillacunguilla, llaquitapish apanguilla, cambac ruhuana cashcata pactachinguilla.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Diosca charicun. Chaitaca cashcata ruhuashpa taripac Apunchic Jesucristomi, taripana punzhapi, mana ñucallaman ashtahuanpish tucui pai cutimuna punzhata cuyaihuan shuyaccunaman cunga.

HEBREOS 10:35

Cancuna shuyacushcataca, amatac chingachinguichicchu. Chashna causashpami, sumac japinata japinguichic.

HEBREOS 3:6

Ashtahuanpish Jesucristoca Diospac churi cashpami, Diospac huasita mandacun. Tucuri punzhacaman tucui shunguhuan cushicushpa shuyashpaca, ñucanchicmi chai huasica canchic.

HEBREOS 6:19

Cai shuyacushca yuyaica, barcota charic llashac fierro anclas shinami, ñucanchic yuyaitaca alli sinchita charicun. Cai shuyacushcami, ñucanchictaca jahua pacha Diosta mañana huasipi tiyac, lienzo paño jarcashca Diospaclla ucuman yaicuchin.

HEBREOS 9:28

Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.

1 PEDRO 1:10

Diosmanta ñaupa huillaccunaca allita tapushpa yachashpami, cancunata Dios cuyashpa, quishpichina cashcataca huillarca.

1 PEDRO 3:15

Chaipac randica “Cristoca ñucanchic Mandacmi” nishpa, cancunapac shungupi alli nichic. Cancuna imata japina cashcata shuyacushcamanta maijan tapucpipish, huillangapac allichirishca caichic.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

1 PEDRO 5:12

Huauqui Silvanohuan tucushpami, ñucaca cai asha quillcata quillcashpa cachani. Paitaca allita pactachic cric cashcatami yuyani. Caita quillcashpaca, cancuna allicunata chasquishcaca Dios mai cuyashpa cushcatatac yachachunmi, cunashpa cachani. Chai cuyaimantaca amatac anchuringuichicchu.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

1 JUAN 3:3

Maijanpish pai yuyailla cacca, paillatacmi Jesucristo ima jucha illac cashca shinallatac tucui mapamanta anchurin.