1 JUAN 5:20 - Dios Rimashcata Quillcashcami

²⁰ Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

Nuevo Testamento en Quichua Cañar 1996

²⁰ Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

1 JUAN 5:20 ပူးပေါင်းရင်းမြစ်များ

ISAÍAS 44:6

Israelcunata jatun mandac, quishpichic, tucuita Mandac Diosca: “Ñucami callaripish, tucuripish cani. Ñucamanta shuctac Diosca mana tiyanchu.

ISAÍAS 54:5

Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

JEREMÍAS 23:6

Pai mandacui punzhacunapica Judá llactapi causaccunaca quishpiringami. Israelcunapish imata mana manchashpami Mandac Diospi shunguta churashpa causanga. Chaimantami: “Mandac Diosca ñucanchicman cashcata ruhuacmi” nishpa cayangacuna.

SAN MATEO 13:11

Chashna tapucpimi Jesusca: —Cancunaman Dios mandacucmanta yachachishpaca, pimanpish mana yachachishcatami yachachini, ashtahuanpish shuccunamanca mana chashna yachachishcanichu.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

SAN LUCAS 24:45

Chai ratomi paicunapac yuyaita cushpa, Dios quillcachishcata alli entendichirca.

SAN JUAN 1:18

Diostaca jaicapi pi mana ricushcachu. Ashtahuanpish Dios-huan causac, paipac shuclla Churimi Dios ima shina cashcataca ricsichirca. Paica Diosllatacmi.

SAN JUAN 10:30

Ñuca Taitahuanca shuc shinallami canchic— nirca.

SAN JUAN 14:20

Chai punzhami ñucaca Taitahuan shuclla cashcata, cancunaca ñucahuan, ñucaca cancunahuan shuclla cashcata yachanguichic.

SAN JUAN 14:23

Shina nicpimi Jesusca: —Maijanpish ñucata cuyacca, ñuca rimashcacunatami cazun. Paitaca ñuca Taitapish cuyanmi. Chaimantami paihuan causangapac shamushun.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 14:9

Shina nicpimi Jesusca: —Ña unaitami cancunahuan cani. Felipe, ¿chashna cashca jahuachu ñucata mana ricsingui? Maijanpish ñucata ricucca ñuca Taitatapish ricunmi. ¿Ima nishpatac canca: “Taitata ricuchi” ningui?

SAN JUAN 15:4

Ñucahuan shuc shina caichic, ñucapish cancunahuan shuc shinami casha. Ramaca yurapi mana cashpaca, mana pucui pudinchu. Chashnallatacmi cancunapish ñucahuan mana cashpaca, imata mana ruhuai pudinguichic.

SAN JUAN 17:14

Can rimashcata paicunaman huillashcanimi. Chaimantami cai pachapac caccunaca paicunata piñancuna. Paicunaca ña mana cai pachamantachu, ñucapish mana cai pachamantachu cani.

SAN JUAN 17:25

Cashcata ruhuac Taitalla, cai pachapac causaccuna canta mana ricsicpipish, ñucaca ricsinimi. Can ñucaman cushcacunapish, can ñucata cachashcata yachanmi.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

SAN JUAN 20:28

Chashna nicpimi Tomasca: —¡Ñucata Mandac Apunchic Jesuslla, ñuca Dioslla!— nirca.

SAN JUAN 8:42

Shina nicpimi, Jesusca: —Dios cancunapac taita cacpica, cuyanguichicmanmi. Ñucaca Diosmantami shamurcani. Mana ñuca munaimantachu shamurcani, ashtahuanpish Diosmi cacharca.

HECHOS 20:28

Apunchic Jesusca paipac yahuarhuanmi, tandanacushca criccunataca randirca. Chaimanta cancunallatac alli yuyaihuan, tucui criccunata cuidanguichic. Diospac Espirituca cancunataca paicunata cuidashpa michic cachunmi churarca.

ROMANOS 9:5

Paicunaca ñucanchic ñaupa taitacunapac huahua huahuacunami. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

EFESIOS 3:18

Chai shina cashpami, Diospaclla cac tucui criccunahuan tandanacushpaca, Cristoca tucuimanta yalli cuyac cashcata yachac chayanguichic. Chai cuyaica jahuamanpish, uramanpish, chainicmanpish, cashnamanpish, maicamanpish chayac cashcataca yachac chayanguichic.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Diosca paihuan alli tucuchun ñucataca chasquirca.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

TITO 2:13

shinallatac ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactana cashcata shuyanata yachachicun.

HEBREOS 1:8

Ashtahuanpish paipac Churimantaca: “Canca huiñai huiñaita Mandac Diosmi cangui. Shinallatac cashcata ruhuashpami mandangui.

1 JUAN 2:23

Maijanpish “Cristoca mana Diospac Churichu” nicca mana Dios-huanchu, ashtahuanpish “Jesusca Diospac Churimi” nishpa huillacmi, Dios-huanca can.

1 JUAN 2:24

Shina cashcamanta cancuna callarimanta pacha uyashcataca shungupi huacaichinguichic. Callarimanta pacha uyashcata shungupi huacaichishpaca, Diospac Churihuanpish, Dios-huanpish shucllami canguichic.

1 JUAN 2:6

Maijanpish Dios-huan shucllami cani nishpaca, Jesucristo causashca shinallatacmi causana can.

1 JUAN 4:14

Ñucanchicllatacmi Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

1 JUAN 4:16

Chashnami Dios ñucanchicta cuyac cashcata yachashpa crinchic. Diosca cuyacmi. Maijanpish Diospac cuyaita charicca Dios-huanmi shinallatac Diospish paihuanmi can.

1 JUAN 4:2

Diospac Espirituhuan cashcataca cai shinami yachana canguichic: Maijanpish “Jesucristoca runa tucungapac shamushcami” nicmi, Diospac Espiritutaca charin.

1 JUAN 5:1

Maijanpish Jesusta “Quishpichic Cristomi” nicca Diospac huahuami. Maijanpish Taitata cuyacca paipac huahuacunatapish cuyanmi.

1 JUAN 5:15

Dios ñucanchic mañashcata uyac cashcata yachashpami, ñucanchic mañashcata cuna cashcataca ña yachanchic.

1 JUAN 5:18

Maijanpish Diospac huahua cashpaca, juchata mana ruhuacushcatami yachanchic. Diospac Churi paicunata huacaichicpimi, diabloca imata mana ruhuanata pudin.

1 JUAN 5:5

Maijanpish Jesusta Diospac Churi cashcata cricllami, cai pachapi tiyac millaicunataca mishan.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.

APOCALIPSIS 3:14

Laodicea pueblopi cac tandanacushca criccunata ricuc angelman quillcai: “Dios-huan cai pachapi tucui ima tiyashcatapish ruhuac, imatapish cashcata nic, imatapish pactachic, shinallatac chashna cachunca nicca:

APOCALIPSIS 3:7

Filadelfia pueblopi cac tandanacushca criccunata ricuc angelman quillcai: “Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca:

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.