1 JUAN 4:21 - Dios Rimashcata Quillcashcami

²¹ «Diosta cuyashpaca, paipac huauquitapish cuyachun» nishpami, Apunchic Jesusca mandashca.

Nuevo Testamento en Quichua Cañar 1996

²¹ “Taita Diosta c'uyashpaca, criccunapurapish caishuc chaishuchuan c'uyanacuichic” nishpami, Apunchic Jesusca mandashca.

1 JUAN 4:21 ပူးပေါင်းရင်းမြစ်များ

LEVÍTICO 19:18

Shuccuna llaquichicpica, ama chai shinallatac canpish llaquichinguichu, ama piñashcalla puringuichu. Chaipac randica, can quiquin ima shinami cuyaringui, chashnallatac shuccunatapish cuyangui. Ñucami Mandac Dios cani.

SAN MATEO 5:43

Ñaupaca: “Canta cuyactaca cuyangui, piñactaca piñangui” nishcatami uyarcanguichic.

SAN LUCAS 10:37

Chashna tapucpimi paica: —Chai huañunalla runata llaquic runayari— nirca. Shina nicpimi Jesusca: —Canpish chashnallatac cuyashpa causagri— nirca.

SAN JUAN 15:12

Caitami ñucaca mandani: Ñuca cancunata cuyashca shina, caishuc chaishuc cuyanacuichic.

GÁLATAS 5:14

Moisés mandashcacunata tandachishcapica: «Can ima shinami cuyaringui, shinallatac shuccunatapish cuyangui» ninmi.

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

1 TESALONICENSES 4:9

Diosllatacmi caishuc-huan chaishuc-huan cuyanacunataca ña yachachishca, chaimantami ña mana ashtahuan cuyanacunamantaca quillcana canchic.

1 PEDRO 3:8

Ashtahuanpish cancunaca caishuc chaishuc-huan cuyanacushpa, llaquinacushpa, shuc shinalla yuyashpa, pihuanpish alli causaichic.

1 PEDRO 4:8

Tucuimanta yallica caishuc chaishuc cuyanacuichic. Chashna cuyanacushpaca, achca juchacunatami perdonanguichic.

1 JUAN 2:7

Cuyashca huauquicuna, mana mushuc mandashcatachu quillcani, ashtahuanpish ñaupaman cancuna chasquishca mandashcallatatacmi quillcani. Cai mandashcatami ña uyashpa chasquircanguichic.

1 JUAN 3:11

“Caishuc chaishuc-huan cuyanacuichic” nishpa huillashcataca, callarimanta pachami cancunaca ña uyashcanguichic.

1 JUAN 3:14

Ñucanchicca huauquicunata cuyaccuna cashpami, huañuimanta causaiman pasashca cashcata yachanchic. Maijanpish mana cuyacca huañushca shinami causacun.

1 JUAN 3:18

Ñuca cuyashca huahuacuna, ama shimillahuan “cuyanimi” nishunchic, ashtahuanpish imatapish ruhuashpatac cuyashcata ricuchishun.

1 JUAN 3:23

Paica paipac Churi Jesucristota crichun, shinallatac pai mandashca shina caishuc chaishuc-huan cuyanacuchunmi, ñucanchictaca mandan.

1 JUAN 4:11

Cuyashca criccuna, ima shinami Diospish ñucanchicta cuyan, chai shinallatac ñucanchicpish caishuc chaishuc-huan cuyanacushunchic.