1 CRÓNICAS 9:1 - Dios Rimashcata Quillcashcami

¹ Tucui israelcunataca ñaupa taitacunapac huahua huahuacunata catishpami yuparca. Chai shuticunaca Israel llactata jatun mandaccunapac libropimi quillcashca tiyacun. Judá llactapi causaccunataca Diosta mana cazushcamantami Babilonia llactaman prezu aparca.

1 CRÓNICAS 9:1 ပူးပေါင်းရင်းမြစ်များ

1 REYES 14:19

Jeroboam ashtahuan ima ruhuashcapish, jatun macanacuita ruhuashcapish, shinallatac ima shina mandashcapish, Israel llactata jatun mandaccuna imata ruhuashcacunata quillcashcapimi tiyacun.

2 REYES 24:14

Chai quipami Jerusalenmantaca tucui mandaccunata, ashtahuan sinchi soldadocunata, artesanocunata, fierrota huactaccunatapish tucuita tandachishpa, chunga huaranga runacunata prezu aparca. Judá llactapi causac huacchacunallami chaipica saquirirca.

2 REYES 24:15

Jatun mandac Joaquintapish, paipac mamatapish, paipac huarmicunatapish, paita serviccunatapish, Judá llactapi causac chayuccunatapish Jerusalenmantaca Babilonia llactamanmi prezu aparca.

2 REYES 24:16

Babilonia llactata jatun mandacca canchis huaranga macanacuc soldadocunata, artesanocunata shinallatac fierrota huactaccunataca huaranga runacunata shinallatac macanacunata pudic gentecunata japishpami Babiloniaman prezu aparca.

1 CRÓNICAS 8:40

Ulampac churicunaca flechacunata shitanatapish alli yachac sinchi runacunami carca. Paicunaca churicunatapish, nietocunatapish achcatami charirca. Tucui paicunami Benjaminpac huahua huahuacunapuramanta carca. Paicunaca patsac pichca chungami carca.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

ESDRAS 2:1

Babilonia llactata jatun mandac Nabucodonosormi israelcunataca Babilonia llactaman prezu apashca carca. Paicunaca punta causashca Judá llactaman, Jerusalenman paicunapac quiquin pueblollamantacmi cutircacuna.

ESDRAS 2:59

Tel-mela, Tel-harsa, Querub, Addán, Imer pueblocunamanta cutimuccunaca pi huasi ucupura cashcatapish, pi aillu cashcatapish mana ricuchi pudircacunachu.

NEHEMÍAS 11:1

Israelcunata mandaccunaca Jerusalenpimi causarcacuna. Ashtahuanpish caishuc israelcunataca chungamanta shuc, Diospaclla Jerusalenpi causachunmi suerteta ruhuashpa acllarca. Caishuc iscuncunaca shuc pueblocunapimi causagrirca.

NEHEMÍAS 7:5

Dios yuyaita cucpimi, alli nishcacunatapish, mandaccunatapish shuctac gentecunatapish paicunapac ñaupa taitacunapac shuticunata ima shina, quillcashca shinallatac quillcachichun tandachircani. Chashnami puntapi cutimushca taitacunapac shuticunata quillcashcata tarircani. Chai quillcashcapica:

NEHEMÍAS 7:64

Paicunapac shuticuna paicunapac ñaupa taitacunapac shuticunata quillcashcapi mashcacpica, mana ricurircachu. Chaimantami curacunapurapi canamantaca anchuchirca.

ISAÍAS 3:2

Sinchita macanacuc runatapish, jueztapish, Dios ima nishcata huillactapish, adivinotapish, pushac yuyactapish,

JEREMÍAS 13:19

Neguev pambapi tiyac llactacunapish huichcashcami, pipish chaita mana pasanchu. Judá llactapi causaccunatapish tucuimi prezu apashca. Shucllatapish mana saquishpami apashca.

JEREMÍAS 39:9

Soldadocunata mandac Nabuzaradanca Jerusalenpi saquirishcacunatapish, paicuna parte tucushca runacunatapish Babilonia llactamanmi aparca.

DANIEL 1:2

Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.