1 CRÓNICAS 5:6 - Dios Rimashcata Quillcashcami

⁶ Baalpac churica Beerami carca. Paica Rubenpac huahua huahuacunata mandacmi carca. Paitami asiriocunata jatun mandac Tiglat-pileserca prezu aparca.

1 CRÓNICAS 5:6 ပူးပေါင်းရင်းမြစ်များ

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 16:7

Chaimantami Acazca Asiria llactata jatun mandac Tiglat-pileserpacman huillaccunata cachashpaca: «Ñucaca canta servic cambac churillatacmi cani. Shina cashcamanta Siria llactata jatun mandacpac maquimantapish, Israel llactata jatun mandacpac maquimantapish misangapac huichai shamui. Paicunami ñucata macangapac jatarishcacuna» nichun cacharca.

1 CRÓNICAS 5:26

Chaimantami israelcunapac Mandac Diosca asiriocunata jatun mandac Pul nishca Tiglat-pileserta Rubenpac aillucunatapish, Manasespac chaupi aillucunatapish, Halah, Habor, Hara pueblocunaman shinallatac Gozán yacu ladoman apachun saquirca. Chaipimi cunan punzhacaman causancuna.

1 CRÓNICAS 5:5

Simeipac churica Micaía Micaiapac churica Reaía, Reaiapac churica Baalmi carca.

1 CRÓNICAS 5:7

Beerapac huauquicunapac aillucunata quillcashca mandaccunaca: Puntaca Jeiel shinallatac Zacariasmi carca.

2 CRÓNICAS 28:20

Asiriocunata jatun mandac Tiglat-pileserca ayudanapac randica macanacushpami, ashtahuan llaquichingapac shamurca.