1 CRÓNICAS 5:2 - Dios Rimashcata Quillcashcami

² Judá paipac huauquicunata atishpa ashtahuan sinchi, shinallatac paicunata mandacmi tucurca. Shina cashpapish punta churi japinaca Josepacmi carca.

1 CRÓNICAS 5:2 ပူးပေါင်းရင်းမြစ်များ

GÉNESIS 25:31

Shina nicpimi Jacoboca: —Can taitamanta punta churi japinata cunanllatac cui— nirca.

GÉNESIS 35:23

Leapac punta huahuaca Rubenmi carca. Quipa huahuacunaca: Simeón, Leví, Judá, Isacar shinallatac Zabulonmi carca.

GÉNESIS 48:5

Chaica, ñuca manarac cai Egipto llactapi canhuan causangapac shamucpi, cai llactapi huacharishca ishcai churi Efrainpish, Manasespish ñuca quiquin churicunami. Paicunaca ñuca churi Rubén, Simeón shinallatacmi ñuca churicuna can.

GÉNESIS 49:26

Ñaupa ñuca taita bendiciashcata yallimi, cambac taitaca bendicianga. Cambac bendicionca huiñaita tiyac jatun urcucaman shinami cambac jahuapi canga. Huauquicunamanta chicanyashca cashcamantami chai bendicionca Josepac canga.

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

1 CRÓNICAS 28:4

Shina cacpipish israelcunata Mandac Diosca ñuca taitapac huasi ucupuramanta acllashpami, ñucataca huiñaita tucui causaipi Israel llactata jatun mandac cachun churarca. Shina cashcamantami Judapac aillupuramanta juez cachun acllarca. Chai aillupuramanta ñuca taitapac familiataca acllarca. Ñuca huauquicunapuramantaca ñucatami acllashpa, tucui israelcunata jatun mandac cachun churarca.

SALMOS 108:8

Galaad llactapish, Manasés llactapish ñucapacmi. Efraín llactaca ñuca umapi churarina fierromi. Judá llactaca ñuca churashca mandacmi.

SALMOS 60:7

Galaad llactapish, Manasés llactapish ñucapacmi. Efraín llactaca ñuca umapi churarina fierromi. Judá llactaca ñuca churashca mandacmi.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

NÚMEROS 2:3

Judapac aillumanta soldadocunaca inti llucshina ladopimi carpacunata shayachishpa, quiquin banderahuan tiyaringa. Paicunataca Aminadabpac churi Naasonmi mandanga.

NÚMEROS 7:12

Callari punzhapica Judapac aillupuramanta Aminadabpac churi Naasonmi Diosman ofrendata apamurca.

SAN MATEO 2:6

“Judea llacta Belenlla, canca tucui Judea pueblocunamanta alli nishca pueblomi cangui. Canmantami shuc mandac llucshinga. Paimi ñuca acllashca israelcunataca pushanga” nishcami— nirca.

ROMANOS 8:29

Diosca, ñaupaman ricsishcacunataca paipac Churi shina cachunmi acllarca. Chashnami achca criccunamanta punta cachun chicanyachirca.

DEUTERONOMIO 21:17

Piñashca huarmipi charishca churimanmi tucui churicuna japinamanta chaupi yallita punta churi cashcamanta cuna can. Tucui fuerzahuan charishca punta churi cashcamantami punta churi japinataca japina can.

DEUTERONOMIO 33:17

Punta huacharishca huagra shina sumaimana cachun. Sacha huagrapac gachu shina fuerzasapami. Chai fuerzahuanmi shuctac llactacunataca cai pacha tucuricaman catishpa cachanga. ¡Efrainpac huahua huahuacunapish, Manasespac huahua huahuacunapish huaranga huarangami canga!» nirca

HEBREOS 7:14

Ashtahuanpish ñucanchic Apunchic Jesusca Judapac aillumantami carca. Shina cacpipish, Moisesca chai aillupuramanta cura shamuna cashcataca, jaicapi mana nircachu.

JOSUÉ 14:6

Judapac churicunami Gilgal pueblopi Josuehuan parlangapac rirca. Chashna rishpami genezeocunapuramanta Jefonepac churi Calebca: —Cades-barnea pueblopi canmantapish, ñucamantapish Mandac Dios paita servic Moisesta imata nishcataca canllatac yachanguimi.

APOCALIPSIS 5:5

Chashna cacpimi yuyaccunapuramanta shucca: «Ama huacaichu. Judá aillumanta león shina Mandacmi, pillushca pangata pascangapac, shinallatac canchis sellotapish anchuchingapac tucui mana allita mishashca. Paica ñaupa mandac Davidpac huahua huahuacunapurami can» nirca.

JUECES 1:2

Shina tapucpi, Mandac Diosca: —Judá ailluracmi llucshinga. Chai llactataca paicunapac maquipimi churani— nirca.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.

1 SAMUEL 16:10

Shinami Isaica paipac canchis churicunata Samuelpac ñaupaman cayarca. Ashtahuanpish Samuelca Isaitaca: —Mandac Diosca paicunatapish mana acllashcachu— nirca.

1 SAMUEL 16:12

Shina nicpimi, cayachun cachashca ña chayamucpica, ucuman yaicuchirca. Chai churica puca accha alaja ñahui sumac huambrami carca. Pai chayamucpimi, Mandac Diosca Samueltaca: —¡Paimi jatun mandac tucugrin. Jatarishpa paipac umata aceitehuan cahui!— nirca.