1 CRÓNICAS 3:2 - Dios Rimashcata Quillcashcami

² Quimsaniqui churi Absalontaca Gesur llactata jatun mandac Talmaipac ushi Maaca huarmipimi charirca. Chuscuniqui churi Adoniastaca Haguit huarmipimi charirca.

1 CRÓNICAS 3:2 ပူးပေါင်းရင်းမြစ်များ

2 SAMUEL 13:1

Davidpac churi Absalonca shuc alaja ñahui Tamar panitami charirca. Chaitami Davidpac churi Amnonca yallita munarca.

2 SAMUEL 13:38

Absalonca chashna miticushpa rishpaca, quimsa huatatami chai Gesur pueblopi causarca.

2 SAMUEL 14:23

Chashna nishca quipa jatarishpaca, Gesur pueblomanta Jerusalenman Absalonta pushamungapac rircami.

2 SAMUEL 14:32

Shina nicpimi, Absalonca Joabtaca: —Riqui, ñucami cantaca cayachun cacharcani. Cantaca jatun mandacpacman rishpa: “¿Imapactac ñucataca Gesur pueblomanta cayachun cacharcangui? Ñuca caipi cashna canapac randica chaillapitac saquirishpami alli caiman carcani. Cunanca can jatun mandactaca ricusha ninimi. Ñuca ima mana allita ruhuashca cacpica, huañuchichunlla” nichunmi cantaca cachasha nircani— nirca.

2 SAMUEL 15:8

Canta servic ñucaca Siria llacta Gesur pueblopi cashpami Mandac Diostaca: “Can Jerusalenman cutichicpica, canta servishami” nircani— nirca.

2 SAMUEL 18:14

Shina nicpimi Joabca: —Mana canhuan caipi yanga shayacusha ninichu— nirca. Shina nishpami, quimsa flechata maquipi apashpa, Absalonpacman rishpa shungupi satirca. Absalonca encina ramacunapica causacurcaracmi.

2 SAMUEL 18:18

Absalón causacushpaca: «Ñuca shutita yuyarichunca, churicunatapish mana charinichu» nishpami jatun mandacpac pambapi paita yuyarina shuc pilar shinata ruhuachishca carca. Chai pilar shinataca paipac shutitami churarca. Cunan punzhacamanmi «Absalonta yuyarina pilar» nincuna.

2 SAMUEL 18:33

Shina nicta jatun mandac uyashpaca yallita mancharishpami, chai puebloman yaicuna pungu jahua ucuman munai huacashpa rirca. Pai huacashpaca: «¡Ñuca huahua Absalonlla! ¡Ñuca huahua Absalonlla! ¡Can huañunapac randica ñuca huañushpachari alli caiman carcani! ¡Ñuca huahua Absalonlla, ñuca huahualla!» nishpami huacarca.

2 SAMUEL 3:3

Ishcainiqui churica Carmel pueblomanta huañuc Nabalpac huarmi Abigailpi charishca Quileabmi carca. Quimsaniqui churica Gesur pueblota mandac Talmaipac ushi Maaca huarmipi charishca Absalonmi carca.

2 SAMUEL 3:4

Chuscuniqui churica Haguit huarmipi charishca Adoniasmi carca. Pichcaniqui churica Abital huarmipi charishca Sefatiasmi carca.

1 REYES 1:5

Chai shina cacpimi, Haguit huarmipac cari huahua Adoniasca: «Ñucami mandana cani» nishpa jatun tucushpa puricurca. Shina nishpami carretacunata ruhuachishpa, caballocunatapish randishpa, paita cuidachunca pichca chunga soldadocunatapish tandachirca.

1 REYES 1:6

Shina cacpipish, paipac taita Davidca pai ima mana allita ruhuacpipish: «¿Ima nishpatac chashna ruhuacungui?» nishpaca, mana rimacchu carca. Adoniasca alajami carca. Paica Absalonpac quipami huacharirca.

1 REYES 2:22

Shina nicpi, jatun mandac Salomonca paipac mamataca: —Sunamitapuramanta Abisag huarmitaca, ¿ima nishpatac Adoniasman cuchun nishpa mañangui? Paica llactata mandanatapish mañacunmi. Paica ñucapac punta huauqui cashpami, Abiatar curatapish, Sarviapac cari huahua Joabtapish ña charin— nirca.

1 CRÓNICAS 2:23

Shina cacpipish Gesur, Aram runacunami Jairpac pueblocunatapish, Kenat pueblotapish sucta chunga pueblocunata muyundi uchilla llactacunandi japirca. Chaipi tucui causaccunami Galaadpac taita Maquirpac churicuna carca.

1 CRÓNICAS 3:1

Hebrón pueblopi, Jezreel pueblomanta Ahinoam huarmipi charishca Davidpac punta churica Amnonmi carca. Quipa churi Danieltaca Carmel pueblomanta Abigaíl huarmipimi charirca.

1 CRÓNICAS 3:3

Pichcaniqui churi Sefatiastaca Abital huarmipimi charirca. Suctaniqui churi Itreamtaca Egla huarmipimi charirca.

JOSUÉ 13:13

Shina cashpapish, israelcunaca gesurcunata, maacateocunataca mana llucchishpa cacharcachu. Ashtahuanpish paicunaca cunancamanmi israelcunapac chaupipi causancuna.