1 CRÓNICAS 3:11 - Dios Rimashcata Quillcashcami

¹¹ Josafatpac churica Joram, Jorampac churica Ocozías, Ocoziaspac churica Joasmi carca.

1 CRÓNICAS 3:11 ပူးပေါင်းရင်းမြစ်များ

1 REYES 22:50

Josafat huañushpaca paipac ñaupa taitacunahuanmi tandarigrirca. Paitaca paipac taitacunata enterrashcallapitacmi Davidpac pueblopi enterrarca. Paipac randica paipac churi Jorammi mandarca.

1 REYES 22:51

Judá llactata jatun mandac Josafat chunga canchis huatata mandacucpimi, Acabpac churi Ocoziasca Israel llactata Samaria pueblopi mandai callarirca. Paica ishcai huatatami Israel llactata mandarca.

2 REYES 11:2

Jatun mandac Jorampac ushi Ocoziaspac pani Josabaca Ocoziaspac churi Joasta pacalla apashpami pacarca. Joasca jatun mandaccunapac churicunapuramantami carca. Atalía ama ricuchunmi huiñachic mamandi sueñuna ucupi pacarca. Chashnami paitaca mana huañuchirca.

2 REYES 11:21

Joasca canchis huatata charishpami mandai callarirca.

2 REYES 12:1

Jehú canchis huatata mandacucpimi, Joasca mandai callarirca. Paica chuscu chunga huatatami Jerusalenpi mandarca. Paipac mamaca Beerseba pueblomanta Sibiami carca.

2 REYES 8:16

Acabpac churi Joram Israel llactata pichca huatata mandacucpimi, Judá llactata jatun mandac Josafatpac churi Joramca Judá llactata mandai callarirca.

2 REYES 8:24

Joram huañushpa, paipac ñaupa taitacunahuan tandarigricpica, paipac taitacuna enterrashcapimi Davidpac pueblopi enterrarca. Paipac randica paipac churi Ocoziasmi mandai callarirca.

2 REYES 8:25

Acabpac churi Joram chunga ishcai huatata Israel llactata mandacucpimi, jatun mandac Jorampac churi Ocoziasca Judá llactata mandai callarirca.

1 CRÓNICAS 3:10

Salomonpac churica Roboam, Roboampac churica Abías, Abiaspac churica Asa, Asapac churica Josafatmi carca.

1 CRÓNICAS 3:12

Joaspac churica Amasías, Amasiaspac churica Azarías, Azariaspac churica Jotammi carca.

2 CRÓNICAS 21:1

Josafat huañushpa paipac ñaupa taitacunahuan tandanacugricpica, chai taitacunata enterrashca ladollapitacmi Davidpac pueblopi enterrarca. Paipac randica paipac churi Jorammi mandai callarirca.

2 CRÓNICAS 21:17

Paicunaca Judá llactapi causaccunahuan macanacungapac huichai rishpami, paicunata mishashpa, jatun mandacpac huasipi ima tiyashcacunatapish, paipac churicunatapish, paipac huarmicunatapish aparcacuna. Paipac churicunamantaca tucuipac quipa Joacazllami saquirirca.

2 CRÓNICAS 22:6

Siria llactata jatun mandac Hazaelhuan Ramot pueblopi macanacucushpa, chugririshpami, Joramca Jezreel pueblopi jambiringapac rirca. Acabpac churi Joram Jezreel pueblopi huañunalla cacpimi, Judá llactata jatun mandac Jorampac churi Ocoziasca ricungapac rirca.

2 CRÓNICAS 24:1

Joasca canchis huatata charishpami mandai callarirca. Paica chuscu chunga huatatami Jerusalenpi mandarca. Paipac mamaca Beerseba pueblomanta Sibiami carca.