1 CRÓNICAS 27:4 - Dios Rimashcata Quillcashcami

⁴ Ishcainiqui quillapi yaicuc, ishcainiqui tandanacushca ishcai chunga chuscu huaranga soldadocunataca Ahohi pueblomanta Dodaimi mandacurca. Chai soldadocunapac quipa mandacca Miclotmi carca.

1 CRÓNICAS 27:4 ပူးပေါင်းရင်းမြစ်များ

2 SAMUEL 23:9

Paipac quipaca ahohitapuramanta Dodopac churi Eleazarmi carca. Paimi Davidpac quimsa sinchi runacunapuramanta shucca carca. Paica filisteocuna Davidhuan macanacungapac tandaricpica Davidhuanmi carca. Chai macanacuipimi israelcunaca manchashpa callparca.

1 CRÓNICAS 11:12

Paipac quipaca ahohitapuramanta Dodopac churi Eliazarmi carca. Paipish quimsa sinchi runacunapuramantami carca.

1 CRÓNICAS 27:3

Paica Farespac huahua huahuapuramantami carca. Paimi punta quillapi yaicuc tandanacushca soldadocunaca mandaccunata mandac carca.

1 CRÓNICAS 27:5

Quimsaniqui quillapi yaicuc, quimsaniqui tandanacushca ishcai chunga chuscu huaranga soldadocunataca curacunata mandac Joiadapac churi Benaiasmi mandacurca.