1 CRÓNICAS 24:3 - Dios Rimashcata Quillcashcami3 Davidca Eliazarpac huahua huahuapuramanta Sadoc curahuan, Itamarpac huahua huahuapuramanta Ahimelec curahuanmi, curacunata chaupishpa servichun churarca. အခန်းကိုကြည့်ပါ။ |
Paicunapish paicunapac aillu Aaronpac huahua huahuacuna shinallatacmi Diosta servingapac suerteta ruhuarcacuna. Paicunaca jatun mandac Davidpac, Sadocpac, Ahimelecpac, ñaupa taitacunapac huasi ucupurata mandac curacunapac, levitacunapac ñaupapimi suerteta ruhuarcacuna. Chashnami taitacunata mandaccunatapish, paicunapac quipa huauquicunatapish, ruhuarcacuna.
Eleazarpac huahua huahuapuramantami Itamarpac huahua huahuapuracunata ashtahuan mandaccuna tiyarca. Chaimantami, Eleazarpac huahua huahuapuramanta paicunapac ñaupa taitacunapac huasi ucupurata mandaccunataca chunga sucta curacunata churarca. Itamarpac huahua huahuapuramanta paicunapac taitacunapac huasi ucupurata mandaccunaca pusac curacunami carca.
Levitapuramanta Natanaelpac churi Semaiasca quillcacmi carca. Paica jatun mandacpac, quipa mandaccunapac, Sadoc curapac, Abiatar curapac churi Ahimelecpac, paicunapac ñaupa taitacunapac huasi ucupurata mandac curacunapac, levitacunapac ñaupapimi paicunapac shuticunata quillcarca. Eleazarpac huahua huahuapuramantaca paicunapac huasi ucupurata mandactami suerteta ruhuashpa, ishcaita acllarca. Itamarpac huahua huahuapuramantaca shuctami acllarca.
Chashnallatac curacunataca paipac taita David mandashca shinallatacmi imata ruhuana cashcapi churarca. Levitacunatapish paicuna imata ruhuana cashcata ruhuashpa Diosta alabachun, shinallatac curacunata ayudachunmi churarca. Shinallatac Diospac huasi pungupi cuidaccunatapish tucui pungucunapimi chullayanacushpa cuidachun churarca. Mandac Diosta servic Davidmi chashna mandarca.