1 CRÓNICAS 21:3 - Dios Rimashcata Quillcashcami

³ Shina nicpimi Joabca: —¡Mandac Dios pai acllashca israelcunataca cunan cashcamanta patsac cutinhuan yallita mirachichun! Jatun mandac ñuca amolla, ¿manachu tucui paicunaca ñuca amota serviccuna? Ñuca amo canca ¿Imapactac yupachun mandangui? ¿Imapactac israelcunapac llaquita ruhuashun?— nirca.

1 CRÓNICAS 21:3 ပူးပေါင်းရင်းမြစ်များ

GÉNESIS 20:9

Chai quipa Abimelecca Abrahamta cayachishpaca: —¿Imatatac ruhuarcangui? Ñucatapish, ñuca mandacuc llactatapish jatun juchata ruhuachingapac shamuchunca, ¿ñucanchicca cantaca ima millaitatac ruhuashcanchicyari? Mana ruhuana cashcatami ruhuashcangui.

1 REYES 14:16

Jeroboam juchata ruhuashpami, israelcunatapish juchapi urmachishca. Chaimantami Diosca Jeroboam juchata ruhuashcamantaca israelcunataca shucpac maquipi churanga» nirca.

2 REYES 12:7

Jatun mandac Joasca Joiada curatapish, caishuc curacunatapish cayashpaca: «¿Ima nishpatac Mandac Diospac huasi chictarishcacunataca cunancaman manarac allichinguichic? Cunanca, cullquita huacaichiccunapac maquimanta mana japinachu canguichic. Ashtahuanpish Diospac huasi chictarishcacunata allichichunmi cuna canguichic» nirca.

1 CRÓNICAS 19:13

Ñucanchic llactamantapish, ñucanchic Mandac Diospac pueblomantapish mana manchashpa sinchita macanacushunchic. Mandac Diosca pai munashca shina imatapish ruhuachun» nirca.

1 CRÓNICAS 21:4

Shina nicpipish, jatun mandacca pai nishcataca ruhuachuntacmi mandarca. Chaimanta Joab llucshishpaca tucui Israel llactata purishpa, yupashpami Jerusalenman cutimushpa chai yupashpa quillcashcata Davidman curca.

SALMOS 115:14

Mandac Diosmi cancunataca yallita bendicianga. Cancunatapish, cancunapac huahua huahuacunatapish, bendiciangami.

ÉXODO 30:12

«Tucui yupashca israelcunami causaimanta Mandac Dios ñucaman cullquita cuna can. Chashna paicunata yupacpica, mana huañui japingachu.

ÉXODO 32:21

Shinami Moisesca Aarontaca: —Cai gentecunaca, ¿imatatac cantaca ruhuarcayari? ¿Ima nishpatac jatun juchata ruhuangacaman saquircanguiyari?— nirca.

PROVERBIOS 14:28

Jatun mandacca achca gentecunata mandacushpami tucuipac alli nishca tucun. Shinallatac ashalla gentecunata mandashpaca yangallami tucun.

ISAÍAS 26:15

Mandac Dioslla, can acllashcacunataca ashtahuanmi mirachircangui. Chashna mirachishpami, canca yallita alli nishca cangui. Cai pacha tucuricamanmi jundachircangui.

ISAÍAS 48:19

Cancunapac huahua huahuacunaca tiyu shina achcami canman carca. Cambac huahua huahuacunaca ñuto allpa shina achcami canman carca. Cancunapac shutitaca manatac chingachinmanchu carcani. Ñuca ñaupamantapish mana anchuchimanchu carcani.

DEUTERONOMIO 1:11

¡Cancunapac taitacunata Mandac Diosllatac cancunataca huaranga cutin yallita mirachishpa, pai nishca shina bendiciachun!

JOSUÉ 22:15

Paicunami Rubenpac, Gadpac aillucunapacman shinallatac Manasespac chaupi aillupacman, Galaad llactaman chayashpaca:

1 SAMUEL 2:24

Ñuca huahuacunalla, mana chashna ruhuanachu canguichic. Cancunata mana alli nishpa parlanacushcaca mana alli uyarinchu. Mandac Dios acllashcacunatami juchata ruhuachinguichic.