1 CRÓNICAS 19:3 - Dios Rimashcata Quillcashcami

³ amonitacunata mandaccunaca Hanuntaca: «¿Canca David cambac taita huañushcamanta cushichichun cachashcatachu yuyangui? Ashtahuanpish, ¿manachu cai llactata ricushpa purichun, paipac serviccunataca cachashca canga?» nirca.

1 CRÓNICAS 19:3 ပူးပေါင်းရင်းမြစ်များ

2 SAMUEL 10:3

Ashtahuanpish Davidta serviccuna Amón llactaman chayacpi, chai llacta mandaccunaca Hanuntaca: «David chashna cachashpaca, ¿cushichichunchu cachashca canga? David paita serviccunata cachashpaca, ¿manachu quipata tucui tucuchingapac cai llacta imalaya cashcata ricuchun, pueblocunata ricushpa purichun cachashca canga?» nirca.

1 CRÓNICAS 19:2

Chaipimi Davidca: «Nahaspac churi Hanuntaca paipac taita ñucata llaquishca shinallatacmi llaquina cani» nirca. Chaimantami Hanún paipac taita huañushcamanta llaquilla cacpi, cushichichun paita serviccunata cacharca. Davidta serviccuna Hanunta cushichingapac hamonitacunapac llactaman chayacpica,

1 CRÓNICAS 19:4

Shina nicpimi, Hanunca Davidta serviccunata japishpa barbasta pitichishpa, churanacunatapish cinturamanta uraiman pitishpa cacharca.

JUECES 18:2

Shina mashcacushpami Dan aillupac miraicunaca pichca runacunata allpata ricushpa, ricsishpa shamuchun cacharcacuna. Paicunaca Zora pueblomanta, Etaol pueblomanta paicunapac aillupura alli sinchi runacunatami cacharca. Chashna cachashpaca: —Chai llacta ima shina cashcata ricumugrichic— nirca. Chai runacunaca Efraín urcuman chayashpami Micaiaspac huasipi pacarirca.

1 SAMUEL 29:4

Shina nicpimi, filisteocunata mandaccuna yallita piñarishpa Aquistaca: —Cai runa ñucanchic-huan macanacuiman richunca mana munanchicchu. Maipi cashcallamantac cutichishpa cachai. Pacta macanacuipi ñucanchicta piñaccunahuan tucunman. Cai filisteo runacunapac umacunata apashpa, paita mandacpac ñaupapi alli ricurigrinman.

1 SAMUEL 29:9

Shina nicpimi, Aquisca Davidtaca: —Canca ñuca ñaupapica Diospac ángel shina, alli cactami ricuni. Ashtahuanpish filisteocunata mandaccunami: “Paica cai macanacuiman manatac ñucanchic-huan ringachu” nincuna.