1 CRÓNICAS 18:3 - Dios Rimashcata Quillcashcami

³ Shinallatac Davidca Soba llactata jatun mandac Hadad-ezertapish Hamat pueblopimi misharca. Chai mandacca Eufrates jatun yacu ladocamanmi mandagricurca.

1 CRÓNICAS 18:3 ပူးပေါင်းရင်းမြစ်များ

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

2 SAMUEL 10:6

Amón llactapi causaccunaca David piñashpa, mana ricunayachicushcata yachashpami, Bet-rehob pueblopi, Soba pueblopi causac ishcai chunga huaranga soldadocunata, shinallatac Maaca llactata jatun mandacpac huaranga soldadocunata, Is-tob llactamantaca chunga ishcai huaranga soldadocunata pagashpa pushamurca.

2 SAMUEL 8:3

Shinallatac Davidca Rehobpac churi jatun mandac Hadad-ezerta atishpami, Soba llactata mandacurca. Chai jatun mandacmi Eufrates yacu cuchulla llactacaman japisha nicurca.

1 CRÓNICAS 18:2

Chashnallatac Moab llactapi causaccunatapish mishashpami impuestota pagachishpa, servichishpa causarca.

1 CRÓNICAS 18:4

Davidca chashna macanacushpami huaranga carretacunata, canchis huaranga caballopi puric soldadocunata, ishcai chunga huaranga chaquillahuan ric soldadocunata japirca. Tucui carretacunata aisac caballocunataca chaqui mucucunatami paquirca. Ashtahuanpish patsac carretacunata aisachunllami caballocunataca saquichirca.

2 CRÓNICAS 8:3

Chai quipami, Salomonca Soba llacta Hamat puebloman rishpa, chai pueblotapish japirca.

ESDRAS 4:20

Jerusalenpi sinchi jatun mandac tiyashcata, chai mandac jatun yacu chimba ladopi tiyac tucui llactacunata manchachic cashcata tarishca. Chai llactapi causaccunaca tributotapish, impuestotapish, imamanta cuna cashcatapish cushpa causashcatami tarishca.

SALMOS 60:1

Sumac Dioslla, canmi ñucanchicta shitashcangui. Llaqui tucuchunpish saquishcangui. ¡Piñarishca cashpapish ñucanchicta llaquiyari!

SALMOS 60:2

Allpataca tuñirictami chucchuchingui. Ashtahuanmi tuñiricun. Chaitaca allichiyari.

ÉXODO 23:31

Cambac llacta linderoca Puca Cuchamanta filisteocunapac cuchacaman, shinallatac shitashca pambamanta Eufrates yacucamanmi canga. Chai llactapi causaccunataca cancunapac maquipimi churasha. Canmi paicunataca llucchishpa cachangui.

1 SAMUEL 14:47

Saulca Israel llactapi jatun mandac tucushpami, muyundi llactapi causac paita piñac Moab, Amón, Edom llactapi causaccunahuan, Soba llactata jatun mandac-huan, filisteocunahuan macanacurca. Maiman rishpapish paica aticmi carca.