1 CRÓNICAS 17:9 - Dios Rimashcata Quillcashcami

⁹ Shinallatac ñuca acllashca israelcunamanca shuc llactata acllashpami, chaipi tarpushca shina causachun churasha. Chaipimi paicunaca callari punzhapi llaquichishca shinaca pipish mana llaquichishca causanga.

1 CRÓNICAS 17:9 ပူးပေါင်းရင်းမြစ်များ

1 CRÓNICAS 17:10

Ñuca acllashca israelcunata pushachun churashca punzhamanta pachami paicunataca llaquichirca. Ñucami tucui canta piñaccunataca samachisha. Huillanimi Mandac Dios ñucami shuc huasita shayachisha.

1 CRÓNICAS 17:8

Ñucaca can maita ricpipish, canhuanmi carcani. Canta piñaccuna llaquichisha nicpipish, tucuitami cambac ñaupamanta chingachircani. Shina ruhuashpami, cai pacha mandaccunata yalli ashtahuan jatun mandacta ruhuasha.

SALMOS 44:2

Canca ñucanchic taitacuna chai llactapi allita causachunmi cambac maquihuan chai llactapi causaccunataca llaquichishpa llucchishpa cacharcangui.

SALMOS 89:22

Paita piñacpish mana paita llaquichingachu. Mana allita ruhuaccunapish mana mishangachu.

SALMOS 92:13

Mandac Diospac huasipi tarpushca shinami, Diospac huasi canzha pambapica sisanga.

ÉXODO 2:23

Tauca huatacuna quipami Egipto llactata jatun mandacca huañurca. Israelcunaca sinchi ruhuaicunapi cashpami, caparishpa Diosta mañarca. Chashna caparishpa mañashcataca Diosca uyarcami.

ISAÍAS 49:17

Canta cutin shayachiccunaca utcami shamunga. Tucuchiccunapish, canta shitashca pambata saquiccunapish llucshishpa callpangami.

ISAÍAS 60:18

Cambac llactapica llaquica jaicapi mana uyaringachu. Llaquichishpa tucuchicpish mana tiyangachu. Chaipac randica llacta muyundi pircataca: “Quishpichicmi” nishpami cayangui. Cutin llacta pungu aldabataca: “Diosta alli ninami” nishpami cayangui.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

JEREMÍAS 24:6

Paicunata cuidashpami, cai llactaman cutin cutichimusha. Chashna cutichimushpaca, mana cutin llaquichishachu. Ñuca tarpushca shina yuracunataca mana cutin sapindi llucchishachu.

JEREMÍAS 32:41

Ñucaca paicunaman allita ruhuashpami cushicusha. Cai llactataca tucui shunguhuan, tucui almahuanmi tarpuc shina churashpa, maita mana cuyuchipacta ruhuasha.

EZEQUIEL 28:4

Canca alli yachac, alli yuyaiyuc cashpami yalli chayucyashpa curitapish, cullquitapish achcata huacaichircangui.

EZEQUIEL 34:13

Shuctac llactamanta tandachimushpami paicunapac quiquin llactaman pushamusha. Chashna pushamushpami Israel urcucunapi, jatun yacu patacunapi, gentecuna causana pambacunapi michisha.

EZEQUIEL 37:25

Ñucata servic Jacoboman cushca, ñaupa taitacuna causana llactapimi causanga. Chaipimi paicunapish, huahuacunapish, nietocunapish huiñaita causanga. Ñucata servic Davidmi huiñaita paicunapac jatun mandac canga.

AMÓS 9:15

Paicunapac allpallapitacmi tarpuc shina causachun churasha. Ñuca paicunaman cushca allpamantaca mana pitic shina anchuchishachu. Chaitaca cancunata Mandac Dios ñucami nini» ninmi.

EFESIOS 5:6

Yanga parlocunahuanca pipish cancunata ama pandachichun. Chashna mana allita ruhuashcamantami Dios piñarishpa, tucui paita mana cazuccunataca llaquichinga.

APOCALIPSIS 21:4

Paica tucui huiquitami ñahuicunamantaca pichanga. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu» nirca.