1 CRÓNICAS 17:5 - Dios Rimashcata Quillcashcami

⁵ Ñucaca israelcunata llucchimushca punzhamanta cunancamanca jaicapi mana ima huasipi causashcanichu. Ashtahuanpish carpa huasillapimi caipi chaipi, ñucapaclla chicanyachishca huasillapimi caipi chaipi causarcani.

1 CRÓNICAS 17:5 ပူးပေါင်းရင်းမြစ်များ

2 SAMUEL 6:17

Chashna apamushpami, Mandac Diospac Arcataca David ruhuashca shuc carpa huasipi churana pushtupi churarca. Chai quipaca, Davidca Mandac Diosman animalcunata cushpami tucui rupachirca. Shinallatac Dios-huan alli tucungapacpish animalcunatami curca.

2 SAMUEL 7:6

Ñuca Egiptomanta israelcunata llucchimushca punzhamanta cunancamanmi jaicapi ñuca huasipica mana causashcani. Ashtahuanpish yangalla carpa huasillapi, jatun carpa huasillapimi causarcani.

1 REYES 8:16

“Ñuca acllashca israelcunata Egiptomanta llucchimushca punzhamanta pacha, tucui Israel aillucunapac pueblocunamantaca maijantapish ñuca shuti causana huasita shayachichunca, mana acllarcanichu. Shina cashpapish ñuca acllashca israelcunata mandachunca, Davidtami acllarcani” nishcami nirca.

1 REYES 8:27

Ashtahuanpish, ¿Diosca cai pachapica causangachu imashi? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. Ñuca shayachishca cai huasicarin, ¡Maitatac pactangayari!

1 REYES 8:4

Mandac Diospac Arcatapish Dios-huan tupana huasitapish, Diospacta ruhuangapac chai carpapi imalla tiyashcacunatapish apamurcacuna. Chaicunataca curacuna shinallatac levitacunami apamurcacuna.

2 CRÓNICAS 2:6

Ashtahuanpish pai causana huasitaca, ¿pitac shayachinata pudingayari? Jahua pachapi ashtahuan jahuaman cac pachapish pai causangapacca mana pactanchu. Paipac huasita shayachingapacca, ¿ñucaca imatac caniyari? Ashtahuanpish inciensota paipac ñaupapi rupachingapacllami shayachisha nini.

2 CRÓNICAS 6:18

Ashtahuanpish Mandac Diosca, ¿cai pachapi causaccunahuan causangachu? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. ¡Ñuca shayachishca cai huasicarin maitatac pactangayari!

2 CRÓNICAS 6:5

“Ñuca acllashca israelcunata Egiptomanta llucshimushca punzhamanta pacha, tucui Israel aillucunapac pueblocunamantaca maijantapish ñuca shuti causana huasita shayachichunca, mana acllarcanichu. Ñuca israelcunata mandachunca maijantapish manarac acllarcanichu.

2 CRÓNICAS 6:6

Ashtahuanpish ñuca shuti chaipi causachunca Jerusalentami acllarcani. Ñuca acllashca israelcunata mandachunca Davidtami acllarcani” nishcami carca.