1 CRÓNICAS 17:1 - Dios Rimashcata Quillcashcami

¹ David paipac huasipi causacushpami, Dios ima nishcata huillac Natantaca: —Riqui, ñucaca cedromanta ruhuashca sumac huasipimi causani. Ashtahuanpish Dios ari nishca quillcata huacaichina Arcaca carpa huasillapimi tiyacun— nirca.

1 CRÓNICAS 17:1 ပူးပေါင်းရင်းမြစ်များ

2 SAMUEL 12:1

Mandac Dios Natanta Davidpacman cachacpi, pai rimashpaca: —Shuc pueblopimi, ishcai runacuna tiyarca. Shucca chayuc, cutin caishucca huacchami carca.

2 SAMUEL 12:25

Diosmanta huillac Natanta Davidpacman cachashpa, chai huahuataca Jedidiasta shutichirca. Mandac Diosta cazushcamantami chaita shutichirca.

2 SAMUEL 6:17

Chashna apamushpami, Mandac Diospac Arcataca David ruhuashca shuc carpa huasipi churana pushtupi churarca. Chai quipaca, Davidca Mandac Diosman animalcunata cushpami tucui rupachirca. Shinallatac Dios-huan alli tucungapacpish animalcunatami curca.

1 REYES 1:23

Pai ña chayamucpica: «Riqui, Dios ima nishcata huillac Natanmi shamushca» nishpami, jatun mandacman huillarcacuna. Pai yaicushpaca, jatun mandacpac ñaupapimi allpacaman,

1 REYES 1:44

Pai jatun mandacca Sadoc curata, Dios ima nishcata huillac Natanta, Joiadapac churi Benaiasta, cereteo, peleteo runacunatami, Salomonhuanca cachashca. Paicunami Salomontaca jatun mandacpac mulapi tiyachishca.

1 REYES 1:8

Shina cacpipish, Sadoc curapish, Joiadapac churi Benaiaspish, Dios ima nishcata huillac Natán, Simei, Rei shuti mandaccuna shinallatac Davidhuan cac tucui jatun mandaccunapish Adoniastaca mana catircacunachu.

1 REYES 8:17

Israelcunata Mandac Diospac shutipi mañana huasita ruhuanaca ñuca taita Davidpac shungupimi tiyarca.

1 CRÓNICAS 14:1

Tiro pueblota jatun mandac Hirammi David paipac huasita shayachichun huillaccunata, huasita ruhuaccunata, carpinterocunata, cedro caspicunata cushpa cacharca.

1 CRÓNICAS 15:1

Davidca paipac pueblopimi paipac huasicunata shayachirca. Shinallatac Diospac Arcata churangapacpish shuc pushtuta acllashpami carpa huasita shayachirca.

1 CRÓNICAS 16:1

Chashna apamushpami, Diospac Arcataca David ruhuashca carpa huasipi churana cashcapi churarcacuna. Chai quipaca Mandac Dios-huan alli tucungapacmi animalta huañuchishpa, shinallatac tucui rupachishpa Diospac ñaupapi curca.

1 CRÓNICAS 17:2

Shina nicpimi, Natanca Davidtaca: —Mandac Diosca canhuanmi. Cambac shungu munashcata ruhuailla— nirca.

1 CRÓNICAS 17:5

Ñucaca israelcunata llucchimushca punzhamanta cunancamanca jaicapi mana ima huasipi causashcanichu. Ashtahuanpish carpa huasillapimi caipi chaipi, ñucapaclla chicanyachishca huasillapimi caipi chaipi causarcani.

1 CRÓNICAS 22:6

Chai quipami Davidca paipac churi Salomonta cayashpa, israelcunata Mandac Diospac huasita shayachichun mandarca.

1 CRÓNICAS 22:7

Davidca Salomontaca: «Ñuca huahualla, ñucata Mandac Diosta alli ningapacmi huasita shayachina munaita ñuca shungupica charini.

1 CRÓNICAS 28:2

Chashna tandachishpami Davidca: «Ñuca huauquicunalla, ñuca pueblopi causaccunalla, caita uyaichic. Mandac Dios ari nishca quillcata huacaichina Arcata huacaichingapac, shinallatac Paipac chaquita chaipi churachunmi ñuca shungupi shuc huasita ruhuanata munarcani. Chaimantami chai huasita ruhuangapac ña tucui allichircani.

1 CRÓNICAS 29:29

Jatun mandac David callarimanta tucuricaman imata ruhuashcacunaca Dios ricuchishcata huillac Samuel quillcashcapi, Dios ima nishcata huillac Natán quillcashcapi, Dios ricuchishcata huillac Gad quillcashcapimi tiyacun.

2 CRÓNICAS 1:4

Ashtahuanpish Davidca Diospac Arcataca Quiriat-jearim pueblomantami carpa huasita pai shayachishca allichishca pushtupi churangapac apamushca carca.

SALMOS 132:5

Chashnami Mandac Diospac huasita ruhuana pushtuta, Jacobopac tucuita ruhuac Dios causana huasita taringacaman mana samarisha» nirca.

ÉXODO 26:1

Ñucahuan tupana huasitaca caupushpa alli lino puca, morado puchcahuan ahuashpa, chunga pañota ruhuangui. Chaipica querubincunata bordashpa ruhuangui.

JEREMÍAS 22:15

¿Cedro caspicunamanta huasita ruhuashpallachu, jatun mandacmi cani nishpa yuyangui? Cambac taitaca, ¿manachu allita, cashcata ruhuashpa mandashpaca alli micushpa, ubiashpa causarca? ¿Manachu paica alli causarca?

DANIEL 4:4

Nabucodonosor ñucaca huasipipish, mandana huasipipish cushillami sumacta carcani.

HAGEO 1:4

«¿Ñuca huasi llaquinayaita siricucpipish, cancuna sumac huasicunapi causana punzhachu shamushca?

HAGEO 1:9

Cancunaca achcata cosechanata munashpapish, ashallatami japinguichic. Cancunapac huasicunapi huacaichishcataca pucushpami tucui chingachisha. ¿Imamantatac chashna ruhuasha? Chaica, ñuca huasi llaquinayaita siricucpipish, cancunapac huasicunatarac sumacta allichishcamantami chashna ruhuasha.

HECHOS 7:46

Mandac Davidmi Dios cuyashca cashpa, taita Jacobo alli nina Mandac Diospac huasita ruhuangapac mañarca.