1 CRÓNICAS 16:4 - Dios Rimashcata Quillcashcami

⁴ Mandac Diospac Arca ñaupapimi israelcunapac Diosta servichun, pagui nishpa cantachun, Diosta servic levitapuramanta acllashpa churarca.

1 CRÓNICAS 16:4 ပူးပေါင်းရင်းမြစ်များ

GÉNESIS 17:7

Canhuanpish, cambac huahua huahuacunahuanpishmi ari nishcata callarichisha. Cambacpish, cambac huahua huahuacunapacpish Dios cangapacmi, huiñaipac ari nisha.

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

GÉNESIS 33:20

Chaipimi shuc altarta shayachishpa, EL-Elohe-Israelta shutichirca.

1 REYES 8:15

Shina shayacucpi paica: «Israelcunata Mandac Diosca alli nishca cachun. Ñuca taita Davidman pai ima nishcataca paipac maquihuan ruhuashpami pactachishca. Paica:

1 CRÓNICAS 15:16

Shinallatac Davidca levitacunata mandaccunataca: “Salteriopi, arpapi, platillocunapi sinchita tocashpa cantashpa richun cancunapac aillucunata acllaichic” nirca.

1 CRÓNICAS 16:3

Chai quipaca tucui Israel caricunamanpish, huarmicunamanpish cada shucmanmi shuc tandata, asha aichata, shuc pasas tortata curca.

1 CRÓNICAS 16:5

Paicunata mandacca Asafmi carca. Quipa mandacca Zacariasmi carca. Paicunapac caticca Jeiel, Semiramot, Jehiel, Matatías, Eliab, Benaía, Obed-edommi, shinallatac Jeielmi mandacurca. Paicunaca salteriocunapi, arpacunapimi tocaccuna carca. Asafca platillocunapimi tocac carca.

1 CRÓNICAS 16:8

«¡Mandac Diosta alli nichic! ¡Paipac shutita huillaichic! ¡Pai ima ruhuashcata, gentecunaman huillaichic!

1 CRÓNICAS 24:3

Davidca Eliazarpac huahua huahuapuramanta Sadoc curahuan, Itamarpac huahua huahuapuramanta Ahimelec curahuanmi, curacunata chaupishpa servichun churarca.

1 CRÓNICAS 25:1

Shinallatac Davidpish, soldadocunata mandaccunapish, Asafpac, Hemanpac, Jedutunpac huahua huahuacunataca Diosta servichunmi chicanyachirca. Paicunataca arpapi, salteriopi, platillopi tocashpa, Dios ima nishcata huillachunmi churarca. Diosta servingapac quillcarishca allita entendic runacunaca:

1 CRÓNICAS 6:31

Arcata Mandac Diospac huasipi Moisés churashpaca cantaccunatami cantachun churarca.

2 CRÓNICAS 5:13

Trompetacunapi tocashca uyaricpica, tucuimi Mandac Diosta alli nishpa, pagui nishpa shuclla shina cantarcacuna. Trompetacunahuan, platillocunahuan shuctac tocanacunahuan tocacpi, sinchita cantashpami, Mandac Diostaca: «Paica allimari, pai llaquishcaca huiñai huiñaipacmi» nishpa cantarca. Shina cantacpimi, Mandac Diospac huasipica puyu jundarca.

ESDRAS 3:10

Mandac Diospac huasi ruhuaccuna callari rumicunata churai callaricpimi, curacunaca paicunapac churanata churarishpa, trompetapi tocai callarirca. Shinallatac levitacunapuramanta Asafpac huahua huahua levitacunatapish, israelcunata jatun mandac David mandashca shinallatacmi platillocunapi huactashpa, Mandac Diosta alli nicurca.

NEHEMÍAS 12:24

Levitacunata mandaccunaca: Hasabías, Serebías, Cadmielpac churi Jesuami carca. Paicunapac huauquicunaca Diosta servic David mandashpa quillcachishca shinallatacmi Diosta pagui nishpa cantaccunapac ñaupapi yaicuna horas chayacpi shayariccuna carca.

SALMOS 103:2

Ñuca almalla, Mandac Diosta alli niyari. Tucui pai bendiciashcataca shucllatapish ama cungarichu.

SALMOS 105:5

Pai ruhuashca sumaimanacunatapish, jatun mancharinacunata ruhuashcatapish, paipac shimihuan rimashpa llaquichinatapish yuyarichicyari.

SALMOS 106:48

¡Israelcunata Mandac Diosca ñaupamanta huiñaicaman alli nishca cachun! Shinallatac tucui gentecuna: «Chashna cachun» nichicyari. ¡Mandac Diosta alabaichicyari!

SALMOS 37:1

Millaita ruhuaccunamantaca ama yallita piñarichu. Paicuna imata ruhuashcata ricushpa ama canpish ruhuasha nichu.

SALMOS 70:1

¡Sumac Dioslla, ñucata quishpichingapac shamuiyari! ¡Ñuca Dioslla, ayudangapac utca shamuiyari!

SALMOS 72:18

¡Israelcunapac Mandac Dioslla, alli nishca cachun! Paillami sumaimanacunata ruhuacca.