1 CRÓNICAS 15:2 - Dios Rimashcata Quillcashcami

² Shina ruhuashpami Davidca: «Diospac Arcataca mana pipish apangachu, ashtahuanpish levitacunallami apanga. Mandac Diosmi paicunataca paipac Arcata apachunpish, tucui causaipi paita servichunpish acllashca» nirca.

1 CRÓNICAS 15:2 ပူးပေါင်းရင်းမြစ်များ

2 SAMUEL 6:13

Davidca Diospac Arcata huanduccuna sucta saruita ricpimi shuc huagrata, huira ovejata huañuchirca.

2 CRÓNICAS 35:3

Tucui israelcunata yachachic Diospaclla chicanyachishca levitacunataca: «Ama cutin huanducungapac Diospac Arcataca israelcunata jatun mandac Davidpac churi Salomón shayachishca huasipi churaichic. Cunanca, cancunata Mandac Diostapish, pai acllashca israelcunatapish servishpa causaichic.

ÉXODO 25:14

Chai varacunataca Arcata huandungapac argollacunapi churachingui.

ISAÍAS 66:21

Paicunapuramantaca maijantaca curacuna cachun, levitacuna cachunmi acllasha» ninmi.

NÚMEROS 3:6

«Aarón curata ayudachun Levipac aillucunata pushamui.

NÚMEROS 3:9

Levitacunaca israelcunamanta chicanyachishcami. Chaimanta paicunataca Aaronman, paipac churicunaman cungui.

NÚMEROS 7:9

Ashtahuanpish Cohatpac churicunamanca imata mana curcachu, paicunaca Diospaclla chicanyachishcata huandushpami apaccuna carca.

DEUTERONOMIO 10:8

Chai huatacunapimi Mandac Dios ari nishca quillcata huacaichina Arcata apachun, Levipac aillucunata chicanyachirca. Mandac Diosca paipac ñaupapi servichun, paipac shutita cunan punzhacaman alli nichunmi chicanyachirca.

DEUTERONOMIO 31:9

Moisesca cai mandashcacunata quillcashpami Mandac Dios-huan ari nishca quillcata huacaichina Arcata apac Levipac huahua huahuacunamanpish, israelcunata pushac yuyaccunamanpish curca.

JOSUÉ 3:3

israelcunataca: «Mandac Dios ari nishca quillcata huacaichina Arcata levita curacuna huandushpa ricpica, cancuna tiyacushcamanta catishpa ringuichic.

JOSUÉ 6:6

Nunpac churi Josué curacunata cayashpaca: «Dios ari nishca quillcata huacaichina Arcata apaichic. Canchis curacunaca oveja gachucunamanta ruhuashca canchis cornetata apashpami, Arcata huanduccunapac ñaupata ringacuna» nirca.