1 CRÓNICAS 13:6 - Dios Rimashcata Quillcashcami

⁶ Davidca tucui israelcunahuanmi Mandac Diospac Arcata apamungapac Judá llacta Baala nishca Quiriat-jearim puebloman rirca. Chai Arca jahuapi tiyac querubincunapac chaupipimi Mandac Diosta mañana carca.

1 CRÓNICAS 13:6 ပူးပေါင်းရင်းမြစ်များ

1 REYES 8:16

“Ñuca acllashca israelcunata Egiptomanta llucchimushca punzhamanta pacha, tucui Israel aillucunapac pueblocunamantaca maijantapish ñuca shuti causana huasita shayachichunca, mana acllarcanichu. Shina cashpapish ñuca acllashca israelcunata mandachunca, Davidtami acllarcani” nishcami nirca.

2 REYES 19:15

Chaimanta Ezequías Mandac Diospac ñaupapi mañashpaca: «Israelcunata Mandac Dioslla, querubincunapac chaupipimi causacungui. Canllami cai pachapi tiyac tucui jatun mandaccunapac Dios cangui. Canllatacmi jahua pachatapish, cai pachatapish ruhuarcangui.

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

SALMOS 99:1

¡Mandac Diosmi mandacun, tucui gentecunaca chucchungami! Paipac mandanaca querubincunapac jahuapimi. Tucui cai pachami cuyuringa.

ÉXODO 20:24

Ñucamanca allpamanta shuc altarta ruhuanguichic. Chai jahuapi ovejacunata, vacacunata ñucahuan alli tucungapac ñucaman cushca tucui ofrendata rupachichic. Maipi cacpipish, ñucaca yuyarishpami, cancunapacman shamushpa bendiciasha.

ÉXODO 23:21

Paita cazushpa, pai nishcata uyangui. Can mana cazucpica, paica mana perdonangachu. Ñucallatacmi paihuanca cani.

ÉXODO 25:22

Chaipimi ñucaca canhuan tupasha. Dios-huan ari nishca quillcata huacaichina Arca tapa jahuamanta, chai tapa jahuapi tiyacuc ishcai querubincunapac chaupimantami israelcunata imata ninata huillasha.

ISAÍAS 37:16

«Israelcunapac tucuita Mandac Dioslla, canca querubincunapac chaupipimi causangui. Canllami tucui cai pachata mandaccunapac Mandac Dios cangui. Jahua pachatapish, cai pachatapish canmi ruhuarcangui.

NÚMEROS 6:27

Ñuca shutipi israelcunata bendiciacpimi, ñucapish paicunataca bendiciasha» nirca.

NÚMEROS 7:89

Dios-huan tupana huasipi paihuan parlangapac Moisés yaicucpica, Dios quillcachishcata huacaichina tapashca jahuapi ishcai alasyuccuna tiyacuc chaupimantami Mandac Diosca paihuan rimac carca.

JOSUÉ 15:60

Shinallatac Quiriat-jearim nishca Quiriat-baal shinallatac Rabá pueblocunami carca. Ishcai pueblocunami muyundi uchilla llactacunandi carca.

JOSUÉ 15:9

Chai urcu lomamantaca Neftoa Yacu tucyacucman muyushpami Efrón urcu ladopi tiyac pueblocunata pasashpa, Quiriat-jeamir nishca Baala pueblota muyucurca.

JOSUÉ 9:17

Chaimantami israelcunaca chai runacuna causana pueblocunaman mashcangapac rishpa, quimsa punzhapi chayarca. Paicunapac pueblocunaca Gabaón, Cafira, Beerot, Quiriat-jearimmi carca.

1 SAMUEL 4:4

Shina nicpimi, israelcunaca maijan gentecunata Silo pueblomanta querubincunapac chaupipi tiyac tucuita Mandac Dios ari nishca quillcata huacaichina Arcata apamuchun cacharca. Paicunahuanca Elipac churicuna, Ofnipish, Fineaspish rircami.

1 SAMUEL 6:21

Chaimanta Quiriat-jearim pueblopi causaccunapacman huillaccunata cachashpaca: «Mandac Diospac Arcataca filisteocunaca ñami cutichirca. Cunanca apangapac utca huichai shamuichic» nichunmi cacharca.