1 CRÓNICAS 11:6 - Dios Rimashcata Quillcashcami

⁶ Davidca: «Maijanmi jebuseocunahuan macanacushpa punta huañuchin chaitami mandac cachun churasha» nircami. Chaimantami Sarviapac cari huahua Joab punta rirca. Paitami mandac cachun churarca.

1 CRÓNICAS 11:6 ပူးပေါင်းရင်းမြစ်များ

2 SAMUEL 2:13

Shinallatac Sarviapac huahua Joabpish, Davidta serviccunapish rishpami Gabaón pueblo cuchupi tiyac uchilla cucha ladopi tupanacurca. Chaipimi shuccunaca shuc ladoman, shuccunaca shuc ladoman shayarirca.

2 SAMUEL 2:18

Sarviapac quimsa cari huahuacuna Joabpish, Abisaipish, Asaelpish chaipimi carca. Asaelca sacha taruga shina yallita callpacmi carca.

2 SAMUEL 20:23

Joabmi tucui Israel soldadocunata mandacurca. Cutin Joiadapac churi Benaiasca cereteocunata, peleteocunatami mandacurca.

2 SAMUEL 3:27

Abner Hebrón puebloman cuticpimi, Joabca paillahuan parlasha nic shinalla chai pueblo yaicuna punguman caruyachishpa pusharca. Chaipimi paipac huauqui Asaelta huañuchishcamanta yallita piñarishpa huicsapi chugrishpa huañuchirca.

2 SAMUEL 8:16

Sarviapac huahua Joabca soldadocunatami mandacurca. Ahiludpac churi Josafatca jatun mandacpac quillcacmi carca.

1 REYES 1:7

Paica Sarviapac cari huahua Joabhuan, Abiatar curahuanmi apanacuc carca. Paicunami ayudaccuna carca.

1 CRÓNICAS 11:5

Jebús pueblopi causaccunami Davidtaca: «Canca caimanca mana yaicunguichu» nirca. Shina nicpipish, Davidca muyundita pircashca Sión pueblotaca japircami. Chai pueblotami cunanca Davidpac Pueblo nincuna.

1 CRÓNICAS 11:7

Chai quipami Davidca muyundita pircashca pueblopi causagrirca. Chaimantami Davidpac Pueblo nincuna.

1 CRÓNICAS 18:15

Sarviapac cari huahua Joabca soldadocunatami mandacurca. Ahiludpac churi Josafatca jatun mandacpac quillcacmi carca.

1 CRÓNICAS 27:34

Ahitofelpac quipaca Benaiaspac churi Joiada, shinallatac Abiatarmi jatun mandac Davidman alli yuyaita cuc carca. Joabca jatun mandacpac soldadocunatami mandacurca.

SALMOS 60:9

¿Pitac muyundita jatun pircahuan pircashca pueblomanca pushangayari? ¿Pitac Edom llactaman rina ñantaca ricuchingayari?

1 SAMUEL 17:25

Paicunaca: —Ñucanchicta rimashpa manchachic runa llucshimuctaca ¿Manachu ricunguichic? Maijanpish paita atic runataca jatun mandacca yalli chayuctami ruhuanga. Paipac ushihuanpish cazarachingami. Shinallatac paipac huasi ucupurapish mana impuestota pagangachu— nirca.