1 CRÓNICAS 11:2 - Dios Rimashcata Quillcashcami

² Saúl mandacui sarun punzhacunaca canllatacmi israelcunataca macanacuiman pushac, canllatacmi cutichimuc carcangui. Canta Mandac Diosmi cantaca: “Canmi ñuca acllashca israelcunataca michingui. Canmi ñuca acllashca israelcunataca mandangui” nircami» nircacuna.

1 CRÓNICAS 11:2 ပူးပေါင်းရင်းမြစ်များ

2 SAMUEL 5:2

Ñucanchicta Saúl mandacui punzhacunapica canmi israelcunataca macanacuiman pushashpa llucshic carcangui. Shinallatac Mandac Diosca: “Canmi ñuca israelcunataca michingui. Canllatacmi mandangui” nircami» nirca.

2 SAMUEL 7:7

Ñucaca israelcunahuan maita purishpapish israelcunata pushaccunataca: ‘¿Ñuca causangapac cedromanta huasita ruhuachun nishcanichu?’ nishpa tapurcani.

1 REYES 14:7

Jeroboampacman cutishpa, israelcunata Mandac Diosca: “Ñucami cantaca israelcunapac chaupimanta acllashca israelcunata mandachun churarcani.

1 REYES 3:9

Chaimanta can acllashca gentecunata mandangapac alli yuyaita charic shunguta ñucaman cui. Shinallatac ima alli cacta, mana alli cactapish ricushpa allichingapac yachaita cui. Cai tucui gentecunata mandanataca ¿Pitac pudingayari?— nirca.

SALMOS 78:71

Davidtaca cunanlla huacharishca ovejacunata michina pambamantami pai acllashca Jacobopac huahuacunata, paipaclla israelcunata michichun apamurca.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

ISAÍAS 55:4

Ñucami paitaca gentecunaman huillachun, llactacunata mandac cachun churarcani.

JEREMÍAS 3:15

Chaipi cancunata michichunca, ñuca shungu munashca shinami, michiccunata churasha. Paicunami alli yuyaihuan, alli yachaihuan michinga.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

MIQUEAS 5:4

Chai Mandacca Mandac Diospac sumac poderhuanmi michinga. Chaimantami paicunaca cushilla causanga. Pai yallita sinchiyachicpimi, mana manchashpa causanga.

NÚMEROS 27:17

Chai runami israelcunapac ñaupata yaicuna cacpica pushashpa yaicunga. Cutin llucshina cacpica pushashpa llucshinga. Chashna cacpimi, cambac acllashcacunaca michic illac oveja shina mana canga— nirca.

SAN MATEO 2:6

“Judea llacta Belenlla, canca tucui Judea pueblocunamanta alli nishca pueblomi cangui. Canmantami shuc mandac llucshinga. Paimi ñuca acllashca israelcunataca pushanga” nishcami— nirca.

SAN JUAN 10:4

Ña tucui llucchishpaca, ovejacunapac ñaupatami paica rin. Ovejacunaca michicpac rimashcata ricsishcamantami catin.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.

1 SAMUEL 16:13

Shina nicpi, Samuelca aceitehuan cac gachuta japishpa, Davidtaca paipac huauquicuna ricucucpi aceitehuan umata cahuirca. Chai punzhamanta pachami Mandac Diospac Espirituca Davidpacman shamurca. Chai quipaca Samuelca Ramá pueblomanmi cutirca.

1 SAMUEL 18:13

Chaimantami Saulca paimanta anchurichun Davidtaca huaranga soldadocunata mandachun churarca. Shina churacpimi, Davidca soldadocunata pushashpa puric carca.