1 CRÓNICAS 10:4 - Dios Rimashcata Quillcashcami

⁴ Chaimantami Saulca escudota apac runataca: «Cambac espadata llucchishpa, ñucapac huicsapi sati. Mana circuncisionta ruhuashca gentecuna shamushpa, ñucata burlachunca mana munanichu» nirca. Shina nicpipish, escudota apac runaca yallita manchashpami, mana huañuchirca. Chaimantami Saulca paipac espadata llucchishpa, paillatac tucsirishpa huañurca.

1 CRÓNICAS 10:4 ပူးပေါင်းရင်းမြစ်များ

2 SAMUEL 1:20

Gat pueblopi causaccunamanpish, Ascalón pueblo plazapipish, ama parlanguichicchu. Filisteocunapac, circuncisionta mana ruhuashca huarmicuna ama cushicuchun.

2 SAMUEL 1:6

Shina nicpimi, huillangapac shamuc mosoca: —Ñucaca Gilboa urcupimi carcani. Chaipimi Saúl taunallishca huañunalla shayacucta ricushpa, paita piñac gentecunapish carretacunahuan, caballocunahuan huashata cuchuyacurcami.

2 SAMUEL 17:23

Ashtahuanpish Ahitofelca pai yuyaita cushcata mana ruhuacpimi, paipac burrota parejashpa montashpa pai huacharishca pueblopi tiyac huasiman rirca. Paipac familia imata ruhuana cashcata ña allichishca quipaca sipirishpami huañurca. Pai huañucpica, paipac taita enterrashcallapitac enterrarca.

1 REYES 16:18

Ashtahuanpish Zimrica chai pueblota ña quichushcata ricushpami, mandana huasillapitac ashtahuan sinchita pircashca ucuman yaicushpa, ninata japichishpa chai ucullapitac huañurca.

1 CRÓNICAS 10:3

Shinami Saulta yallita llaquichishpa, arcota shitaccunaca Saulpi arcota shitashpa chugrichirca.

1 CRÓNICAS 10:5

Saúl chashna huañucpimi, escudota apacca runapish shinallatac espadahuan satirishpa huañurca.

HECHOS 1:18

Judasca millaita ruhuashcamanta japishca cullquihuanca allpatami randirca. Chai allpallapitacmi jahuamanta urai singa urmashpa, huicsa tucyashpa, chunzhulli tallirishpa huañurca.

HECHOS 16:27

Carcelta cuidac riccharishpaca, tucui cárcel pungucuna pascarishcata ricushpami: “¡Tucui prezucunami llucshishca canga!” yuyashpa, paipac espadallahuantac huañugrirca.

JUECES 15:18

Sansonca yallita yacunayaihuan cashpami Mandac Diostaca: —¿Canta servicpac maquihuan jatunta quishpichishca jahuachu cunanca yacunayaihuan mana circuncisionta ruhuashcacunapac maquipi huañuchun saquingui?— nirca.

JUECES 16:21

Filisteocuna paita japishpaca ñahuita surcushpami Gaza puebloman aparca. Chaipimi bronce cadenacunahuan huatashpa carcelpi tiyac molinopi cutachun churarca.

JUECES 9:54

Chaimantami Abimelecca paipac escudota apac soldadota utca cayashpaca: «Ñucataca: “Shuc huarmillami huañuchirca” ama nichuncuna, cambac espadata llucchi ñucata huañuchi» nirca. Shina nicpimi, escudota apac soldado huashaman pasacta espadata saticpi paica huañurca.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.

1 SAMUEL 17:26

Shina cacpimi, Davidca paipac ladopi caccunataca: —Cai filisteo runata huañuchishpa, israelcunata llaquichishpa rimacta tucuchicpica, ¿imatatac cunga? Causac Diospac soldadocunata llaquichic mana circuncisionta ruhuashca filisteo runaca, ¿imatacyari?— nirca.

1 SAMUEL 17:36

Canta servic ñucaca leonta cashpa, osota cashpa huañuchicllami carcani. Circuncisionta mana ruhuashca filisteo runaca causac Diospac soldadocunatami rimashpa llaquishca. Chaimanta paitapish chai animalta shinallatacmi huañuchisha— nirca.

1 SAMUEL 31:4

Chaimantami Saulca paipac escudota apac runataca: «Cambac espadata llucchishpa, ñucata huañuchi. Circuncisionta mana ruhuashca chai runacuna shamushpa, ñucata huañuchishpa, asichunca mana munanichu» nirca. Shina nicpi, paipac escudota apac runaca yallita manchashpami, mana huañuchisha nirca. Chaimantami Saulca paipac espadallatatac japishpa, paillata huañurca.