1 CORINTIOS 9:6 - Dios Rimashcata Quillcashcami

⁶ ¿Bernabellachu, ñucallachu tandanacushca criccunamanta imatapish mana chasquina canchic?

Nuevo Testamento en Quichua Cañar 1996

⁶ ¿Bernabellachu, ñucallachu tandanacushca criccunamanta imatapish mana chasquina canchic?

1 CORINTIOS 9:6 ပူးပေါင်းရင်းမြစ်များ

2 REYES 6:2

Chaimanta cunanca Jordán yacu ladoman rishpa, cada shuc jatun caspicunata pitishpa, chaipi causangapac huasita ruhuachun saqui— nirca. Shina nicpimi Eliseoca: —Richiclla— nirca.

NEHEMÍAS 10:36

Shinallatac mandashcapi nishca shina ñucanchic punta churicunatapish, punta huacharishca huagracunatapish ñucanchic Diospac huasiman apamungapacmi ari nircanchic. Punta huacharishca vacacunatapish, ovejacunatapish ñucanchic Diospac huasipi servic curacunamanmi apamushun nircanchic.

HECHOS 11:22

Jerusalenpi tandanacushca criccuna chaita yachashpaca, Bernabetami Antioquía puebloman cacharca.

HECHOS 13:50

Ashtahuanpish israelcunaca chai runacunata catishpa cachashunmi, gentecunapac alli nishca, Diosta yuyaric huarmicunatapish, chai pueblota mandaccunatapish cunarca. Chaimantami Pablotapish, Bernabetapish llaquichishpa, chai llactamanta llucchishpa cacharcacuna.

HECHOS 14:12

Bernabetaca Júpiter diostami shutichirca. Pablotaca huillac cashcamantami Mercurio diosta shutichirca.

HECHOS 18:3

Pabloca, paipish carpata ruhuac cashpami, paicunahuan carpata ruhuangapac saquirirca. Paicunaca carpata ruhuaccunami carca.

HECHOS 4:36

Chipre llactamanta curacunata ayudac levita Josepish, criccunahuanmi carca. Paitami apostolcunaca Bernabeta shutichirca. Bernabé nishpaca: “Cushichic runa” nisha ninmi.

1 CORINTIOS 11:16

Caicunamanta maijan mana uyasha nishpa, rimaccunataca: Ñucanchicpish, Diospaclla tandanacushca criccunapish, shuctaclaya causana tiyashcataca mana yachanchicchu.

2 CORINTIOS 11:8

Cancunata servingapacca shuctac tandanacushca criccunamantami cullquita chasquircani. Chashna japishpaca paicunamanta shuhuac shinami ruhuarcani.

1 TESALONICENSES 2:9

Ñucanchic micungapacca yallita shaicushpami trabajarcanchic. Alli huillaita huillacushpaca, cancunamanta imata mañashpa mana llaquichingapacmi tutapish, punzhapish trabajarcanchic. Chaitaca cancunallatac yachanguichicmi