1 CORINTIOS 9:17 - Dios Rimashcata Quillcashcami

¹⁷ Ñuca munaillamanta huillashpaca, japina cashcataca japishami, ashtahuanpish mandashcallamanta huillashpaca, mandashcallatami ruhuacuni.

Nuevo Testamento en Quichua Cañar 1996

¹⁷ Ñuca munaillamanta huillashpaca, japina cashcataca japimanmi, ashtahuanpish “huillanami cangui” nishpa, mandashcallamanta ruhuacushpaca, Dios mingashcallatami ruhuacuni.

1 CORINTIOS 9:17 ပူးပေါင်းရင်းမြစ်များ

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

1 CRÓNICAS 29:14

Ñucapish, tucui gentecunapish tucui caicunata quiquin munaihuan canman cungapacca ¿imata canchicyari? Caicunaca cambacllatacmi. Canmanta japishcallatatacmi canman cunchic.

1 CRÓNICAS 29:5

Curimanta imacunata ruhuachunpish curita, cullquimanta imacunata ruhuachunpish cullquitami cuni. Chaicunahuanmi imatapish allita ruhuanata yachaccunaca sumacta ruhuanga. Cunanca, cancunapuramanta ¿pitac quiquin munaihuan Mandac Diosman imallatac cusha ninguichic?» nirca.

1 CRÓNICAS 29:9

Gentecunaca mana llaquirishpa tucui shunguhuan, Mandac Diosman ofrendata cushcamantami cushicurca. Shinallatac jatun mandac Davidpish yallitami cushicurca.

NEHEMÍAS 11:2

Quiquin munaihuan Jerusalenpi causangapac saquiriccunataca israelcunami bendiciarca.

ISAÍAS 6:8

Chai quipa Mandac Dios rimashca uyarishpaca: —¿Pitatac cachashayari? ¿Pitac ñucanchicmanta huillagringayari?— nirca. Shina nicpimi ñucaca: —Caipimi cani. Ñucata cachailla— nircani.

JEREMÍAS 20:9

Chaimantami ñucaca: «Mandac Diosta mana ashtahuan yuyarishachu, paipac shutitapish mana ashtahuan huillashachu» nishpa yuyarcani. Shina cacpipish, cambac rimashcaca ñuca shungupica nina shina rupachishpami tullucaman chayan. Chaimantami cambac rimashcata ñuca shungullapi charicusha nicushpapish mana pudini.

EZEQUIEL 3:14

Quipaca Diospac Espiritumi ñucata sinchiyachishpa pusharca. Ñucaca shungupi yallita llaquirishpami rircani. Ashtahuanpish Mandac Diospac maquica sinchita charirashpami ñucataca pusharca.

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.

MALAQUÍAS 1:10

Ñuca altar jahuapi ama yanga rupachic shamuchunca, cancunapuramanta, ¿pitac ñuca huasi punguta huichcac shamunguichic? Ñucaca cancunahuanca mana cushillachu cani. Cancunapac ofrendatapish mana chashquishachu. Chaitaca Mandac Dios ñucami nini.

SAN MATEO 10:41

Maijanpish Dios ima nishcata huillacta chasquicca, Dios ima nishcata huillac japinatami japinga. Cashcata ruhuacta chasquicca, cashcata ruhuac japinatami japinga.

SAN MATEO 24:25

Chaicunataca utcamanmi cancunaman huillarcani.

SAN LUCAS 12:42

Chashna nicpimi Jesusca: —¿Maijantac alli cazuc, alli yuyaiyuc mayordomoca? Paipac amo: “Ñuca huasita ricungui, serviccunamanpish micuna horas carangui” nishpami saquinman.

SAN JUAN 4:36

Granota tandacca, pagota charinmi. Chai tandashca granoca huiñai causaipacmi. Chaimantami granota tandacca tarpuc-huan cushicunga.

1 CORINTIOS 3:14

Callarishca jahuapi ruhuashca mana ima tucucpica, paica allitami japinga.

1 CORINTIOS 3:8

Tarpucpish, parcucpish chai shinallatacmi canchic. Shina cacpipish quiquin imata ruhuashcata ricushpami, Diosca cunga.

1 CORINTIOS 4:1

Chaimanta ñucanchictaca Cristota serviccuna, Diosmanta pipish mana yachashcata yachachichun churashcata yuyachun.

1 CORINTIOS 9:16

Alli huillaita huillashpaca, mana jatun tucunachu cani, ashtahuanpish chaitaca huillanallatacmi cani. Mana huillashpaca, ¡aij, imachari tucusha!

1 CORINTIOS 9:18

Alli huillaita huillashcamanta japinata saquishpa, imata mana japishpa, cushicushpa Cristomanta alli huillaita huillanami, tucuimanta yalli japinaca can.

2 CORINTIOS 8:12

Imatapish charishca shina quiquin munaimanta cushcamantami, Diosca cushicushpa chasquin. Diosca imata mana charishcataca mana mañanchu.

GÁLATAS 2:7

Mushuc yachanacunata cunapac randica, Dios Pedrota israelcunaman huillachun cachashca shina, ñucatapish mana israelcunaman quishpirinamanta alli huillaita huillachun cachashcatami yachac chayarcacuna.

COLOSENSES 1:25

Dios huillachun mingashpami, cancunapac allipac ñucataca tucui tandanacushca criccunata servicta ruhuashca. Chashnami, tucui pai huillasha nicushcataca pactachicuni.

1 TESALONICENSES 2:4

Ashtahuanpish Diosllatacmi alli nishpa, alli huillaita huillachun ñucanchicman mingarca. Chai shina huillashpaca, mana gentecunatachu cushichishun ninchic, ashtahuanpish ñucanchic shungu imata yuyacushcata yachac Diostamari cushichishun ninchic.

FILEMÓN 1:14

Chashna cashpapish can ima nishcata manarac yachashpaca, ñuca munaimantaca imata mana ruhuasha ninichu. Can ima allita ñucaman ruhuasha nishpaca, ama ñuca nishcallamanta ruhuanguichu, ashtahuanpish can munashca shina ruhuangui.