1 CORINTIOS 9:13 - Dios Rimashcata Quillcashcami

¹³ Diosta mañana huasipi serviccunaca, chai huasiman apashca micunatami micun. Chai altarpi serviccunaca Diosman cushcatami micuncuna. Chaitaca cancunallatac yachanguichicmi.

Nuevo Testamento en Quichua Cañar 1996

¹³ Maijanpish Diosman mañana huasipi servicca, chai huasiman apashca maijan micunatami micun. Chashnaca, chai altarpi serviccunaca Diosman cushpa huañuchishca animal aichatami micuncuna. Chaitaca cancunallatac yachanguichicmi.

1 CORINTIOS 9:13 ပူးပေါင်းရင်းမြစ်များ

LEVÍTICO 21:22

Shina cashpapish, ñucapaclla chicanyachishcamanta ashtahuan chicanyachishcataca micui pudinmi.

LEVÍTICO 22:7

Inti tigrashca quipami chuyanlla saquiringa. Chai quipaca ñucapaclla chicanyachishcata micui pudinmi. Chaica paipacmi.

LEVÍTICO 6:26

Chaitaca juchamanta Diosman cushpa, rupachic curallatacmi Dios-huan tupana huasi canzha pambapi, Diospaclla chicanyachishca pushtupi micunga.

LEVÍTICO 7:31

Chai huirataca curami altar jahuapi rupachinga. Cutin pecho aichataca Aaronpac churicunami japinga.

NÚMEROS 18:31

Caicunaca cancuna ñucahuan tupana huasipi servishcamanta cushcami. Chaimanta cancunapish, cancunapac familiacunapish maipipish micunguichiclla.

ROMANOS 6:16

Maijanpish amota cazungapac yaicushpaca, servicmi tucun. Chaitaca cancunallatac yachanguichicmi. Chai shinallatacmi jucha mandashca causacushpaca, huañuiman apac juchata servicunguichic. Ashtahuanpish Diosta cazushpaca, pai chasquishcami canguichic.

1 CORINTIOS 10:18

Israelcunata ricushpa yuyarichic. Animalta huañuchishpa, altarpi rupachishca aichata micuccunaca, ¿manachu Dios-huan shuc shinalla tucuncuna?

1 CORINTIOS 9:24

Pucllana pambapica tucuimi callpancuna. Shina cacpipish japina cashcataca shucllami japin. Chaitaca cancunallatac yachanguichicmi. Chaimanta chai japinata japingapac, cancunapish callpacuc shina alli causaichic.

DEUTERONOMIO 10:9

Chaimantami levitacunaca paicunapac huauquicunapurapica imata mana japinga. Mandac Dios nishca shinami, paicuna japinaca Mandac Dios can.)

1 SAMUEL 2:28

Ñuca altarman rishpa, ñucapac ñaupapi efodta churarishpa, inciensota rupachichunmi tucui Israel aillucunamanta ñucapacllata ruhuac cura cachun acllarcani. Shinallatac israelcuna ofrendata ñucaman cushcatapish, cambac taitacunapac huasi ucupuramanmi curcani.