1 CORINTIOS 9:12 - Dios Rimashcata Quillcashcami

¹² Shuccuna cancunamanta imallatapish chasquishca cacpica, ¿manachu ñucanchiccarin imallatapish japina canchic? Shina cacpipish, Cristomanta alli huillai ama jarcarichunmi, imatapish mana chasquishpa, llaquita apashpa huillacunchiclla.

Nuevo Testamento en Quichua Cañar 1996

¹² Shuccuna cancunata imatapish cuchun nishpa mañacpica, ñucanchiccarin imallatapish mañanatacmi canchic. Shina cacpipish Cristomanta alli huillai mana jarcarishpa huillashca cachunca, imatapish mana chasquishpami, llaquita apashpa huillacunchiclla.

1 CORINTIOS 9:12 ပူးပေါင်းရင်းမြစ်များ

GÉNESIS 24:56

Shina nicpimi, chai servicca: —Mandac Diosmi tucuipi allita caiman pushamushca. Chaimanta ama jarcaichicchu, ashtahuanpish ñuca amopacman cutichun saquichiclla— nirca.

NEHEMÍAS 4:8

Chaimantami paicunaca shuc yuyailla tucushpa, Jerusalenta llaquichishpa tucuchinata yuyarirca.

SAN LUCAS 11:52

¡Mandashcacunata yachachiccunalla, imachari tucunguichic! Cancunaca Diosmanta yachana yuyaitaca huichcanguichicmi. Cancunapish mana yachanguichic. Shinallatac shuccuna yachachunpish, mana saquinguichic— nirca.

HECHOS 18:3

Pabloca, paipish carpata ruhuac cashpami, paicunahuan carpata ruhuangapac saquirirca. Paicunaca carpata ruhuaccunami carca.

ROMANOS 15:22

Tauca cutin ricungapac risha nishpapish, mana ri pudishcanichu.

1 CORINTIOS 13:7

Shinallatac ima llaquitapish apacmi, crishpa caticmi, cushicushpa shuyac, imamantapish mana piñarishpa jarcaricmi.

1 CORINTIOS 6:7

Cancunapura chashna piñanacushcaca, ñami shuc pingai ricurin. Chaipac randica mana allita ruhuacpipish, shuhuacpipish ¿manachu saquinalla canga?

1 CORINTIOS 9:14

Chashnallatacmi Apunchic Jesusca maijanpish alli huillaita huillaccunaca, chai huillashcallamanta micuchun nishpa mandashca.

1 CORINTIOS 9:15

Shina cacpipish, cancunamantaca imata mana japishcanichu. Cancunamanta imata japingapacpish mana quillcanichu. Pimanta imata mana chasquishpa, alli huillaita huillashpa cushicunata chingachinapac randica, huañunatami munani.

1 CORINTIOS 9:16

Alli huillaita huillashpaca, mana jatun tucunachu cani, ashtahuanpish chaitaca huillanallatacmi cani. Mana huillashpaca, ¡aij, imachari tucusha!

1 CORINTIOS 9:18

Alli huillaita huillashcamanta japinata saquishpa, imata mana japishpa, cushicushpa Cristomanta alli huillaita huillanami, tucuimanta yalli japinaca can.

1 CORINTIOS 9:2

Shuccunaman mana apóstol cashpapish, cancuna Apunchic Jesusta crishpa, paihuan shuc shinalla tucushcamantaca, apostolmi cani.

2 CORINTIOS 11:12

Chai llullashpa puriccuna huillashpa ama cushicuchunmi, ima shina ruhuacuc shinallatac imata mana chasquishpa ruhuashpa catisha.

2 CORINTIOS 11:20

Shinallatac servichiccunatapish, shuhuashpa quichuccunatapish, umaccunatapish, mana ricunayachiccunatapish, piñashpa ñahuipi huactaccunatapish, imata mana nishpami chasquinguichiclla.

2 CORINTIOS 2:12

Troas pueblopi Cristomanta alli huillaita huillangapac chayacpica, Apunchic Jesusllatacmi imatapish huillachunca pungu pascashca shinata ruhuarca.

2 CORINTIOS 6:3

Ñucanchic ima ruhuashcacuna pipacpish mana allichu nishca ama cachunca, pimanpish ima mana allita ruhuashpa mana ricuchicunchicchu.