1 CORINTIOS 8:9 - Dios Rimashcata Quillcashcami

⁹ Shina cacpipish micunallami nishpa micushpaca, pacta caishuc manarac sinchi criccunata pandachinguichicman.

Nuevo Testamento en Quichua Cañar 1996

⁹ Shina cacpipish micunallami nishpa micushpaca, pacta caishuc manarac sinchi criccunata pandachinguichicman.

1 CORINTIOS 8:9 ပူးပေါင်းရင်းမြစ်များ

ISAÍAS 35:3

Irquiyashca maquicunatapish, mucucunatapish sinchiyachichic.

ISAÍAS 57:14

Mandac Diosca: «¡Ñanta pugrullata ruhuashpa pichaichicyari! ¡Ñuca acllashcacunapac ñanmanta imapi mitcarinacunata anchuchichicyari!» ningami.

EZEQUIEL 14:3

«Huañunalla runa, cai runacunaca ruhuashcalla dioscunata yallita adorashpami, juchapi urmashcacuna. Chashna ruhuashca jahua ñucata tapungapac shamuchunca, ¿maitatac saquishayari?

EZEQUIEL 44:12

Paicunaca ruhuashcalla dioscunata servishpami, israelcunata pandachirca. Chaimantami paicunata llaquichisha. Chaitaca Mandac Dios ñucami nini.

LEVÍTICO 19:14

Ringri mana uyac runata ama llaquichinguichu. Ñahui mana ricuc runa purinapi ama ima mitcarinata churanguichu. Chaipac randica, cambac Diosta manchangui. Ñucami Mandac Dios cani.

SAN MATEO 18:10

Cai huahuacuna shinapuramanta maijanta ama mana valichinguichicchu. Ñucaca: Paicunata jahua pacha Taitapac ñahuita ricuc angelcunami cuidacun ninimi.

ROMANOS 15:1

Ñucanchic sinchi criccunaca manarac sinchi criccuna pandaricpipish ayudanami canchic. Mana quiquinlla alli canata munanachu.

1 CORINTIOS 10:24

Pipish ama quiquinpac allita mashcachun, ashtahuanpish shuccunapac allita mashcachun.

1 CORINTIOS 10:28

Shina cacpipish maijan: «Caica animalta huañuchishpa, ruhuashcalla diosman cushcami» nicpica, ama micuichicchu. Chai huillac runamantapish, yuyaipi mana cushilla cashcamantapishmi mana micuna cangui.

1 CORINTIOS 10:29

Chai huillac runapac yuyaimantami nini, ashtahuanpish mana cambac yuyaimantaca. Ñuca imatapish ruhuashca, shuccunapac yuyaipi mana alli ricurichunca, mana munanichu.

1 CORINTIOS 10:32

Cancunaca israelcunatapish, mana israelcunatapish, Diospaclla cac tandanacushca criccunatapish ama pandachichicchu.

1 CORINTIOS 8:10

Caicunata yachashca jahua, ruhuashcalla diosta adorana huasipi chai diosman cushca aichata can micucta maijan manarac sinchi cric ricushpaca, ¿manachu paipish chai shina ruhuasha ninga?

1 CORINTIOS 8:12

Chai shina mana allita ruhuashpaca, manarac sinchi criccunapac yuyaita pandachishpami, Cristollatatac piñachishpa, juchata ruhuanguichic.

1 CORINTIOS 9:22

Manarac sinchi criccunahuan cashpaca, paicuna Cristopacman shamuchunmi paicuna shina tucuni. Chashnami maijancunallapish quishpirichun tucuilaya tucuni.

2 CORINTIOS 11:21

Ñucanchic chai shinatac ruhuangapacca yallimana irquicunami carcanchic. ¡Chaimantaca pinganayanmi! Shina cacpipish shuctaccuna imamantapish jatun tucucpimi ñucapish yuyai illac shina rimarishpa jatun tucusha nini.

2 CORINTIOS 11:29

Maijan ungucpica, ñucapish ungunimi. Maijanta pandachishpa urmachicpica, piñarishpami llaquirini.

2 CORINTIOS 6:3

Ñucanchic ima ruhuashcacuna pipacpish mana allichu nishca ama cachunca, pimanpish ima mana allita ruhuashpa mana ricuchicunchicchu.

GÁLATAS 5:13

Cuyashca criccuna, cancunataca ña ama huatashca shina causachunmi cayarca. Cunanca “ña mana huatashca shinachu canchic” nishpaca, imapish mana alli munaicunataca ama ruhuanguichicchu. Chaipac randica caishuc chaishuc-huan cuyanacushpa, ayudanacushpa causaichic.

COLOSENSES 2:8

Llullashpa yachachiccuna cancunata yanga paicuna yuyarishcallahuan crichichunca, ama saquinguichicchu. Paicunaca ñaupa taitacuna yachashcallata, shinallatac cai pacha imapish tiyashca manchanallacunatami yachachincuna. Ashtahuanpish Jesucristomantaca mana yachachincunachu.

1 PEDRO 2:16

Huatashcamanta cacharichishca shina caichic. Shina cashpapish chaipi achacarishpalla ama ima millaitapish ruhuaichicchu. Chaipac randica Diospacta ruhuaccuna shina causaichic.

2 PEDRO 2:19

Paicunallatac mana alli causaipi huatashca shina cashpapish, shuccunata huatashca shina causaimanta cacharichishun nincunami. Maijanpish paita aticpica, chai aticpami huatashca shina tucun.

APOCALIPSIS 2:14

Shina cacpipish asha mana allicunata ruhuacushcatami cantaca ricuni. Chaipica Balaam yachachishcacunata catishpa mana saquinata munaccunatami charingui. Paimi israelcunataca chai ruhuashcalla dioscunaman cushca micunata micuchunlla, huacllirichunlla nishpa, yachachichun Balactaca yachachishca carca.