1 CORINTIOS 7:35 - Dios Rimashcata Quillcashcami

³⁵ Caicunata mana cancunata jarcangapac, ashtahuanpish cancunapac allipacmi nini. Tucui shunguhuan Apunchic Jesusta servishpa, ima shina causana cashca shina causachun chashnaca nini.

Nuevo Testamento en Quichua Cañar 1996

³⁵ Tucui caicunata nishpaca, mana cancunata jarcasha ninichu, ashtahuanpish cancunapac allipacmi, tucui shunguhuan Apunchic Jesuspacta ruhuashpa, ima shina causana cashca shina causachun chashnaca nini.

1 CORINTIOS 7:35 ပူးပေါင်းရင်းမြစ်များ

SAN MATEO 19:12

Maijancunaca capashca shinami huacharin. Cutin maijancunaca capashcatacmi cancuna. Cutin maijancunaca jahua pacha Dios mandacucpi servingapacmi, capashca shina tucun. Chashnami tauca runacuna mana cazarashpa causancuna. Maijanpish cai shina casha nishpaca chashna cachunlla— nirca.

SAN MATEO 22:15

Chai quipami fariseocunaca, Jesusta ima shina pandachishpa juchanchinata yuyarinacurca.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

SAN LUCAS 8:14

Casha chaupipi urmashca muyuca Dios rimashcata uyaccunami. Chashna uyashpapish ima cai pacha munaicuna, chayucyana yuyaicuna, cai causaillapi cushicuna yuyaicuna shamucpimi, mana pucuc muyu shina tucuncuna.

1 CORINTIOS 7:2

Shina cacpipish, huainayana yalli tiyashcamantaca, caripish quiquin huarmita, huarmipish quiquin cusata charinami can.

1 CORINTIOS 7:28

Cazaranapish mana juchachu. Shinallatac soltera cazarashpapish mana juchallinchu. Shina cacpipish, cazaraccunaca llaquitami cai pachapi apancuna. Chai llaquicunata charichunca, ñucaca mana munanichu.

1 CORINTIOS 7:36

Maijanpish paipac ushi cazarana tiyashca jahua, unai huatacunata mana cazarashpa causana mana alli cacpica, cazarachichunlla. Cazaranaca mana juchachu.

EFESIOS 5:3

Cancuna Diospaclla cashcamantaca huainayaccuna, tucuilaya millaita ruhuaccuna, mana cashpaca ashtahuan charina yuyaillami causancuna nishcapish, cancunapurapica pacta uyarishcallapish canman.

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

1 TIMOTEO 1:10

huaclliriccunata, caripura huarmipura chayariccunata, genteta shuhuaccunata, llullaccunata, llullashpapish mana llullanichu niccunata, shinallatac tucui alli yachachishcacunata mana cazuccunata llaquichichunmi can.

TITO 2:3

shinallatac ñaupa huiñai huarmicunatapish alli nishca cachun, mana huashalla parlaric, mana machac, ashtahuanpish allita yachachic cachun yachachingui.