1 CORINTIOS 7:17 - Dios Rimashcata Quillcashcami

¹⁷ Ashtahuanpish Apunchic Jesucristo cancunaman imata ruhuachun yuyaita cushca shina, Dios cancunata acllai punzha ima shinami carcanguichic, chai shinallatac causanguichic. Tandanacushca criccunataca maipipish chai shinallatacmi mandani.

Nuevo Testamento en Quichua Cañar 1996

¹⁷ Ashtahuanpish Apunchic Jesucristo cancunaman imata ruhuachun yuyaita cushca shina, Dios cancunata acllai punzha ima shinami carcanguichic, chai shinallatac causanguichic ninimi. Tandanacushca criccunataca maipipish chai shinallatacmi mandani.

1 CORINTIOS 7:17 ပူးပေါင်းရင်းမြစ်များ

SAN MATEO 19:12

Maijancunaca capashca shinami huacharin. Cutin maijancunaca capashcatacmi cancuna. Cutin maijancunaca jahua pacha Dios mandacucpi servingapacmi, capashca shina tucun. Chashnami tauca runacuna mana cazarashpa causancuna. Maijanpish cai shina casha nishpaca chashna cachunlla— nirca.

1 CORINTIOS 10:32

Cancunaca israelcunatapish, mana israelcunatapish, Diospaclla cac tandanacushca criccunatapish ama pandachichicchu.

1 CORINTIOS 11:16

Caicunamanta maijan mana uyasha nishpa, rimaccunataca: Ñucanchicpish, Diospaclla tandanacushca criccunapish, shuctaclaya causana tiyashcataca mana yachanchicchu.

1 CORINTIOS 11:34

Maijanpish yarcaihuan cashpaca, quiquin huasillapitac micuchun. Tandanacuipi mana allita ruhuashcamanta Dios ama llaquichishca cachunmi, chashnaca nini. Caishuc allichinacunataca ñuca shamushpami allichisha.

1 CORINTIOS 14:33

Chaica, Diosca mana maipish cachun causachun munanchu. Ashtahuanpish sumac causaita cuc Diosmi. Diospaclla cac tandanacushca criccuna imata ruhuac cashca shinami,

1 CORINTIOS 16:1

Criccunata ayudangapac ofrendata tandachishpaca, Galacia llacta criccunata yachachishca shina tandanguichic.

1 CORINTIOS 4:17

Chaimantami Apunchic Jesusta alli cric, ñuca cuyashca huahua shina Timoteota cachagrini. Paimi ñuca Apunchic Jesucristota crishpa, ima shina causanata yachachingui. Ñucapish chashnallatacmi tandanacushca criccunamanca maipipish yachachicuni.

1 CORINTIOS 7:18

Maijanpish Dios cayacpica, circuncisionta ruhuashca cashpapish, circuncisionta ama pacachun. Cutin mana circuncisionta ruhuashca cashpapish, Dios cayacpica, ama circuncisionta ruhuachun.

1 CORINTIOS 7:24

Cuyashca criccuna, Dios cancunata acllacpi, ima shinami carcanguichic, chai shinallatac paipac ñaupapica paita caticunguichiclla.

1 CORINTIOS 7:7

Ñucaca tucui caricuna ñuca shina causachunmi munani. Shina cacpipish, Diosca mana tucuimanchu chai poderta cushca, ashtahuanpish shucmanca shuctaclaya, caishucmanca shuctaclaya yuyaitami cushca.

2 CORINTIOS 11:28

Cai llaquicunahuan cashca jahuapish punzhantami tucui tandanacushca criccunata yuyarishpa, llaquita apacuni.

2 CORINTIOS 8:18

Shinallatac alli huillaita huillacushcamanta tucui tandanacushca criccunapac alli nishca, shuc huauquitami Titohuanca cachani.

GÁLATAS 1:22

Chai punzhacunapica Cristota cric, Judea llactapi causac tandanacushca criccunaca ñucataca mana ñahui ñahui ricsircacunachu,

1 TESALONICENSES 2:14

Cancuna Jesusta criccunaca Judea llacta Jesusta cric Diospaclla tandanacushca criccuna shinallatacmi quiquin llacta gentecuna llaquichishca canguichic.

2 TESALONICENSES 1:4

Cancunaca llaquihuan cashpapish, piñacucpipish sinchitami caticunguichic. Chaimantami tucui tandanacushca criccunapica yallita cushicunchic.