1 CORINTIOS 6:9 - Dios Rimashcata Quillcashcami

⁹ Millaita ruhuaccuna Dios mandacucpi imata mana charina cashcataca, ¿manachu yachanguichic? Ama pandarichicchu. Huaclliriccunapish, ruhuashcalla dioscunata adoraccunapish, huainayaccunapish, huarmi tucuccunapish, caricunapura millaita ruhuaccunapish,

Nuevo Testamento en Quichua Cañar 1996

⁹ Ama pandaringuichicchu. Ima millaitapish ruhuaccunaca Dios mandacucpica imata mana charina cashcataca, ¿manachu yachanguichic? Huaclliriccunapish, ruhuashcalla dioscunata adoraccunapish, cazarashca jahua shuc-huan chayariccunapish, huarmi shina canata munashpa c'aricunapura millaita ruhuaccunapish,

1 CORINTIOS 6:9 ပူးပေါင်းရင်းမြစ်များ

GÉNESIS 19:5

Chaipimi Lotta cayashpaca: —¿Maipitac cunan tuta cambacman shamuc runacunaca? ¡Paicunahuan sueñungapac canzhaman llucchi!— nirca.

ÉXODO 23:1

Ama llullashpa rimanguichu. Ñucata mana cazuccunata ayudangaraicu ama llullanguichu.

PROVERBIOS 11:1

Mandac Diosca mana alli pezac balanzataca manatac ricunayachinchu. Ashtahuanpish allita pezac balanzahuanca cushicunmi.

PROVERBIOS 22:8

Tarpuc shina mana allita ruhuacca mana allitatacmi tandanga. Paitaca varahuanmi tucuchinga.

PROVERBIOS 7:27

Chai huarmipac huasica Seolman apac ñanmi. Chai ñanca huañushcacunapacman chayachicmi.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

EZEQUIEL 18:11

lomacunapi tiyac altarcunapi micuc, shucpac huarmita japiric,

LEVÍTICO 18:20

Ama shucpac huarmihuan chayaringuichu. Paihuan chayarishpaca mapayanguimi.

LEVÍTICO 18:22

Huarmihuan chayaric shina, ama caripura chayaringuichicchu. Shina ruhuashpaca, yalli millaitami ruhuangui.

LEVÍTICO 19:15

Cashcata ruhuashpa allichingui. Huaccha cashcallamantapish ama paiman tucunguichu. Chayuc cashcamantapish ama paiman tucunguichu, ashtahuanpish cashcata ruhuashpa allichingui.

LEVÍTICO 20:13

Maijanpish caripura chayaricpica, ishcaitatacmi huañuchishca canga. Paicunaca mana allita ruhuashcamantami huañuchishca canga.

ZACARÍAS 5:3

Shina nicpimi angelca: —Chaipica tucui cai pachapi causaccuna llaqui tucunatami quillcashca. Chai pillushca carapi shuc ladopi nicushca shinallatacmi shuhuaccunaca tucuchinga. Caishuc ladopi imata nicushca shinallatacmi llullashpa ari niccunapish tucuchinga.

SAN MATEO 19:29

Maijanpish ñucata catingaraicu huasita, huauquicunata, panicunata, taita mamata, huarmita, huahuacunata, allpata saquicca, chaicunamanta patsac yallihuanmi japinga. Huiñai causaitapish japingami.

SAN MATEO 25:34

Ñuca alli maquiman caccunataca: “Ñuca Taita alli nishcacuna, ñucahuan mandangapac shamuichic. Cai mandanataca Diosmi cai pacha callari punzhamanta, cancunaman cungapac allichishpa charicushca.

SAN LUCAS 21:8

Shina tapucpimi Jesusca: —Achcacunami ñuca shutipi shamushpa: “Ñucami Cristoca cani” ningacuna. Maijanca: “Cunanmi pai cutimuna punzhaca chayamun” ningami. Pacta paicunata pacta catinguichicman, ashtahuanpish alli yuyaihuan puringuichic.

HECHOS 20:32

Cunanca, Dios cuyashpa, pai rimashca shimicunahuan sinchiyachichunmi, cancunataca paiman mingani. Pai acllashcacuna japina cashcatapish, paillatacmi cunga.

HECHOS 24:25

Pabloca Dios munashca shina causanamanta, mana alli munaita jarcarinamanta, Dios taripanamanta huillacpimi, Felixca mancharishpa Pablotaca: —Cunanca rilla. Cutin uyasha nishpaca, cayachishallami— nirca.

ROMANOS 1:18

Diosca jahua pachamantami paita mana cazuccunaman, millaita ruhuaccunaman pai piñarishcata ricuchin. Paicunaca mana allita ruhuashpami, cashcata ruhuanata jarcancuna.

1 CORINTIOS 15:33

Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.

1 CORINTIOS 15:50

Cuyashca criccuna, caitami nisha nini: Aichayuc, tulluyuc runaca mana Dios mandacucpi yaicungachu. Ismucllaca, huiñaita tiyac llactamanca mana yaicungachu.

1 CORINTIOS 3:16

Cancunaca Dios causana huasi cashcata, shinallatac Diospac Espiritupish cancunapac shungupi causacushcataca, ¿manachu yachanguichic?

1 CORINTIOS 5:1

Cancunapuramanta maijanca lamamahuan shina, quiquin huarmihuan causacuctami yachac chayarcani. Chai shina millai juchataca Diosta mana ricsiccunapish mana ruhuanchu.

1 CORINTIOS 5:10

Chai shina nishpaca, tucui cai pachapi causac huaclliriccunahuan, imatapish charinallata munaccunahuan, shuhuaccunahuan shinallatac ruhuashcalla dioscunata adoraccunahuan amatac tandaringuichicchu nishpaca, mana nisha nircanichu. Paicunahuan mana tandarinacuna cacpica, cai pachamanta llucshinami cancunamanca alli canman.

1 CORINTIOS 5:11

Ashtahuanpish chashna nishpaca, cric cashca jahua huaclliriccunahuan, imatapish charinallata munaccunahuan, imapish tucushca canman niccunahuan, ruhuashcalla dioscunata adoraccunahuan, llullaccunahuan, machaccunahuan, shuhuaccunahuan amatac tandaringuichicchu nisha nircanimi. Chashna gentecunahuanca micungapacllapish ama tiyaringuichicchu ninimi.

1 CORINTIOS 6:10

shuhuaccunapish, charinallata munaccunapish, machaccunapish, llaqui tucuchun niccunapish, crichishpa shuhuaccunapish, Dios mandacucpica mana yaicungacunachu.

1 CORINTIOS 6:18

Huainayanamanta anchurichic. Maijanpish ima shuctac juchata ruhuashpaca, mana paipac cuerpota ima ruhuanchu, ashtahuanpish huainayacmi, paipac cuerpota mapayachin.

1 CORINTIOS 6:19

¿Manachu cancunapac cuerpoca Diospac Espíritu causana huasi cashcata yachanguichic? Chai Espiritutami Diosmanta chasquircanguichic. Chai espiritumi cancunapi causacun Cancunaca mana quiquinpacchu canguichic,

1 CORINTIOS 9:24

Pucllana pambapica tucuimi callpancuna. Shina cacpipish japina cashcataca shucllami japin. Chaitaca cancunallatac yachanguichicmi. Chaimanta chai japinata japingapac, cancunapish callpacuc shina alli causaichic.

2 CORINTIOS 12:21

Ñuca quipata ricugricpica, cancuna ima mana allita ruhuashcata ñuca Dios ricuchishpa, pingaipi churana cashcatami manchani. Cancunapuramanta achcacuna utcamanta pacha mana allita ruhuashpa, huacllirishpa, imapish shuctac mana alli munaicunata ruhuashpa, Diosman mana cutirishcamanta yallita huacana cashcatami manchani.

GÁLATAS 6:7

Ama llullanacuichicchu. Diostaca pipish mana llullashpa crichinchu. Pipish imata ruhuashcamantaca chaillatatacmi japinga.

DEUTERONOMIO 22:22

Maijan shuc runa, shucpac huarmihuan chayarinacucucta japishpaca, ishcaitatacmi huañuchina can. Chashnami runapish, huarmipish huañuna can. Chashnami israelpuramanta juchata anchuchinguichic.

DEUTERONOMIO 22:5

Huarmica ama cari churanata churarichun, caripish ama huarmi churanata churarichun. Mandac Diosca chashna churariccunataca millanayachinmi.

DEUTERONOMIO 23:17

Israelcunapurapica cullquimanta huainayac huarmipish, caripurapica chayarinacuc caripish mana tiyanachu can.

COLOSENSES 3:5

Cai pachapi imapish jucha munashcata ruhuangapacca, huañushca shinami cana canguichic. Chaimanta ama huainayaichicchu, imapish mapacunata, imapish mana canacunata ama ruhuaichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

HEBREOS 12:16

Esaú shina, ama cancunapurapi pipish huainayac tiyachun. Pipish Diosta ama yangapi churachun. Esauca punta churi japina cashcatami plato micunallahuan cambiarca.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

SANTIAGO 1:16

Ñuca cuyashca criccuna, ama pandarichicchu.

1 JUAN 3:7

Cuyashca huahuacuna, pacta pi cancunata crichinman. Maijanpish cashcata ruhuashpa causacca, cashcata ruhuac Cristo shinallatacmi allita ruhuan.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.

JUECES 19:22

Chashna cushilla cacpimi chai pueblopi causac millai runacuna chai huasita muyunacushpa pungupi huactashpa chai yuyac runataca: —¡Cambac huasipi pozashpa tiyaccunahuan chayarinacungapac canzhaman llucchi!— nirca.