1 CORINTIOS 6:11 - Dios Rimashcata Quillcashcami

¹¹ Ñaupaca cancunapuramanta maijancunaca chashna ruhuaccunami carcanguichic. Ashtahuanpish cunanca ñucanchic Diospac Espiritumanta, Apunchic Jesucristomantami juchacunata perdonashpa chuyayachishca, Diospaclla chicanyachishca, paihuan alli tucuchun chasquishcacuna canguichic.

Nuevo Testamento en Quichua Cañar 1996

¹¹ Shinallatac ñaupamanca cancunapuramanta maijancunaca chashna ruhuaccunallatacmi carcanguichic. Ashtahuanpish cunanca Diospaclla cachun pai acllashpa, chuyayachishcacunami canguichic. Ñucanchic Taita Diospac Espiritumantapish, Apunchic Jesucristomantapish ñami paihuan alli tucuchun chasquishcacuna canguichic.

1 CORINTIOS 6:11 ပူးပေါင်းရင်းမြစ်များ

SALMOS 51:2

Ñuca mapata ruhuashcataca cutinpish cutinpish pichaiyari. Ñuca juchacunataca anchuchiyari.

SALMOS 51:7

Hisopu sachahuan pichayari, chaipica chuyami casha. Ñucataca jahuaiyari, can jahuapica rasutapish yalli yuranllami casha.

PROVERBIOS 30:12

Maijan huahua huahuacunaca juchacunata manarac saquishca cashpapish paicunapac yuyaillapi jucha illaccunami canchic nincunami.

ISAÍAS 1:16

Jahuarichic, picharichic. Cancuna mana allita ruhuashcataca ñuca ñaupamanta anchuchichic. Mana allita ruhuanata saquishpa,

ISAÍAS 45:25

Mandac Dios ñucahuanmi israelcunaca atinga. Huahua huahuacunapish alli nishcami canga» ninmi.

ISAÍAS 53:11

Paica, pai llaquita apashcaca mana yanga cashcata ricushpami, yallita cushicunga. Chai servicca allita yachac, cashcata ruhuac cashcamantami cashcata ruhuashpa, gentecunapac juchacunata aparinga.

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

LEVÍTICO 14:48

Lepra ungüilla cac huasita turuhuan llutashca quipa cura ricugricpi, chai ungüi ña mana ashtahuan mirarishca cacpica curaca: “Cai huasica ña mana mapachu” ninga.

LEVÍTICO 8:6

Chai quipami Moisesca Aarontapish, paipac churicunatapish cayashpa, yacuhuan armachishpa,

SAN MATEO 20:4

Paicunata ricushpaca: “Cancunapish ñuca chagrapi uvasta pallangapac richic. Mashnata pagana cashcataca pagashallami” nirca. Shina nicpica, paicunapish rircallami.

SAN LUCAS 18:14

Ñucaca ninimi: Fariseopac randica, cai impuestota japic runaracmi juchacunata Dios perdonashca huasiman cutirca. Chaica, maijanpish “allimi cani” nictaca, mana alli nishcami canga. Maijanpish “mana allichu cani” nictaca, alli nishcami canga» nirca.

SAN JUAN 13:10

Shina nicpimi Jesusca: —Maijanpish ña armarishcaca chuyanllami, ashtahuanpish chaquillatami jahuana can. Cancunaca ña chuyanllami canguichic. Shina cashpapish, mana tucuichu chuyanlla canguichic— nirca.

SAN JUAN 13:8

Shina nicpimi Pedroca: —¡Jaicapi ñuca chaquita jahuachun, mana saquishachu!— nirca. Shina nicpimi Jesusca: —Cambac chaquita ñuca jahuachun, mana saquishpaca, mana ñuca yachacucchu cangui— nirca.

SAN JUAN 5:4

Chaica, shuc angelmi jahua pachamanta cuchaman shamushpa, maijan cutinlla yacuta cuyuchic carca. Maijanpish utca yacuman yaicushpami ima ungüimantapish alliyac carca.

HECHOS 13:39

Moisés mandashcacunata pactachishpaca, mana Dios-huan alli tucui pudircanguichicchu, ashtahuanpish Jesusta cricpimi, Diosca paihuan alli tucuchun pitapish chasquin.

HECHOS 22:16

Cunanca mana unayashpa, jatarishpa bautizari. Cambac juchacunata Dios perdonashpa, chuyayachichun, Apunchic Jesusta mañai” nirca.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

ROMANOS 3:24

Dios cuyashcallamantami Jesucristota crishpa, Dios chasquishca cancuna.

ROMANOS 4:5

Ashtahuanpish Diosca ima allita mana ruhuacpipish, paita cricpica, juchacunata perdonashpa chasquinmi. Chaica, crishcallamantami chasquin.

ROMANOS 5:1

Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.

ROMANOS 5:9

Apunchic Jesucristo huañushcamanta, Dios chashquishca cashpaca, Dios piñarishpa, llaquichicui punzhapica quishpirishcami cashun.

ROMANOS 8:30

Callarimanta chicanyachishcacunataca Diosca cayarcami. Chai cayashcacunataca chasquircami. Chasquishcacunataca alli nircami.

ROMANOS 8:33

¿Pitac Dios acllashcacunataca juchanchinga? Diosmi paicunataca chasquin.

1 CORINTIOS 1:2

Corinto pueblopi cac Diospaclla tandanacushca criccunaman, caitaca quillcani. Cancunaca Cristo Jesus-huan shuclla tucushcamanta, Diospaclla tucushpa, shuctac llactacunapi Apunchic Jesucristoman tucui mañaccunahuan pacta, pai Diospaclla cachun acllashpa cayashcacunami canguichic. Apunchic Jesucristoca shuctac llactapi causaccunapacpish, ñucanchicpacpish Mandacmi.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

1 CORINTIOS 12:2

Cancuna manarac cric cashpaca, mana rimaric ruhuashcalla dioscuna umashcami carcanguichic. Chaitaca cancunallatac yachanguichicmi.

GÁLATAS 2:16

Shina cacpipish Moisés mandashcacunata pactachishcallamantaca, Diosca pitapish mana paihuan alli tucuchun chasquinchu, ashtahuanpish Jesucristota crishcallamantami paihuan alli tucuchun chasquin. Chaitaca yachanchicmi. Chaimantami ñucanchicpish mana Moisés mandashcacunata pactachishcallamanta, ashtahuanpish Jesucristota crishcallamanta Dios-huan alli tucushca cangapac crishcanchic.

GÁLATAS 3:11

Shinallatac mandashcacunata pactachishpalla pipish Dios-huanca mana alli tucungachu. Dios quillcachishcapica: «Dios-huan alli tucushcacunaca crishcallamantami causanga» ninmi.

GÁLATAS 3:24

Chai mandashcacunaca Jesucristota crishcamanta ñucanchic Dios-huan alli tucuchunmi, Cristo shamungacaman huahuacunata shuc servic cuidac shina charicurca.

GÁLATAS 3:8

Diosca mana israelcuna cacpipish cricpica, paihuan alli tucuchun chasquishami nishcamantami, Dios quillcachishcapi Abrahamman cai alli huillaita huillashpaca: «Canmantami tucui cai pachapi causaccunaman allicunata cusha» nishca.

EFESIOS 5:26

Diospaclla tucushpa causachunmi Cristoca tandanacushca criccunataca yacuhuanpish, pai rimashca shimihuanpish chuyayachirca.

EFESIOS 5:8

Ñaupaca amsapimi causarcanguichic. Cunanca Apunchic Jesus-huan shuclla tucushcamanta achic luzpimi causacunguichic. Shina cashcamanta achic luzpi causacuc shina causaichic.

2 TESALONICENSES 2:13

Apunchic Jesús cuyashca criccuna, ñucanchicca cancunata yuyarishpaca, punzhantami Diostaca pagui nicunchiclla. Diospac Espíritu Diospacllata ruhuashcamanta, shinallatac cashcata nic huillashcata crishcamantami, cancuna quishpirichun callarimanta pacha Diosca acllarca.

HEBREOS 10:22

Chaimanta tucui shunguhuan crishpa, ñucanchic shungumanta millai yuyaicunata anchuchishpa, chuya yacuhuan chuyayashpa, Diospacman cuchuyashunchic.

HEBREOS 10:29

¡Ashtahuanpish Diospac Churita sarushpa, paipac jichashca yahuarta yangapi churashpa, Diospac cuyac Espirituta camishpa rimacca yalli llaquitami apanga! Chai yahuarmi mushuc ari ninacuita pactachin, shinallatac juchata pichan.

HEBREOS 2:11

Jucha illacta ruhuacpish, jucha illaccunapish shuc Taitapac huahuacuna shinami canchic. Chaimantami Jesusca mana pingashpa: “Ñuca huauquicunami canguichic” nin.

1 PEDRO 1:2

Cancunataca Diosmi ña ñaupamanta pacha pai munashca shina paipaclla cachun acllashca. Diosca paita cuyashpa causachun, shinallatac Jesucristopac yahuarhuan chuyayachishca cachunmi, cancunataca paipac Espiritumanta paipacllatac ruhuashca. Dios mai cuyashpa, cancunaman sumac causaita yallita cushca cachun ninimi.

1 PEDRO 1:22

Cunanca tucui shunguhuan criccunapura cuyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan caishuc chaishuc cuyanacuna canguichic.

1 PEDRO 3:21

Chai yacuca bautizarinatami ricuchicurca. Yacupi bautizarishpaca, Jesucristo huañushcacunapuramanta causarishcamantami, cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Diosta mañana yuyaicunatami cun.

1 JUAN 2:12

Cuyashca huahuacuna, cancunapac juchacunataca Jesucristomanta Dios ña perdonashca cashcamantami, cancunamanca quillcani.

APOCALIPSIS 1:5

Cai pachapi tiyac jatun mandaccunata Mandac, huañushcacunapuramanta punta causaric, shinallatac Diosmanta allita huillac Jesucristo cancunaman sumac causaita cuchunmi munani. Ñucanchicta cuyac, paipac yahuarhuan juchacunamanta ñucanchicta pichac,

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.