1 CORINTIOS 5:8 - Dios Rimashcata Quillcashcami

⁸ Chashnami levadura illac tandata micuc shina, imatapish cashcata ruhuashpa, Pascua punzhapi micunataca micuna canchic. Ashtahuanpish mana alli levadurahuan ruhuashca tandata micuc shina, millai yuyaihuan juchallishpa purinachu canchic.

Nuevo Testamento en Quichua Cañar 1996

⁸ Chashnami levadura illac tandata micuc shina, tucui shungumanta imatapish cashcata nishpa, pascua punzhapi micunataca micuna canchic. Ashtahuanpish mana alli levadurahuan ruhuashca tandata micuc shina, millai yuyaihuan juchallishpaca, mana micunachu canchic.

1 CORINTIOS 5:8 ပူးပေါင်းရင်းမြစ်များ

SALMOS 32:2

Mandac Dios mana juchanchishca runaca cushicunmi. Paipac shungupica llullana munaica mana tiyanchu.

SALMOS 42:4

Achcacunata pushashpami Diospac huasimanca ric carcani. Fiestacunapipish achcacunahuanmi cushi tonohuan cantashpa chayac carcani. Tucui chaicunata yuyarishpami, tucui almahuan yallita llaquirini.

ÉXODO 12:15

Canchis punzhatami levadura illac tandata micuna canguichic. Chai callari punzhapica huasipica ima levadurata mana charinachu canguichic. Maijanpish chai callari punzhamanta tucuri punzhacaman levadurahuan micucca israelpuramanta anchuchishcami canga.

ÉXODO 12:19

Canchis punzhacamanmi cancunapac huasipica levaduraca mana tiyana can. Maijanpish micunata levadurahuan micucpica, cancunapura cacpipish, shuctac llactamanta shamushca cacpipish, israelpuramanta anchuchishcami canga.

ÉXODO 12:8

Chai tutallatac chai aichataca ninapi cusashpa, levadura illac tandahuan, jayac quihuahuan micunguichic.

ÉXODO 13:6

Canchis punzhata levadura illac tandata micunguichic. Chai canchisniqui punzhaca Mandac Diospac fiestami canga.

ÉXODO 13:7

Canchis punzhatami levadura illac tandata micunguichic. Imatapish ama levadurahuan micunguichicchu. Tucui Israel llactapimi levaduraca mana tiyana can.

ISAÍAS 25:6

Tucuita Mandac Diosmi cai urcupi tucui gentecunaman jatun micuita ruhuanga. Chaipimi sumac mishqui micuita carashpa, sumac vinotapish ubiachinga. Sumac micuitapish carangami, imahuan mana chapushca sumac vinotapish ubiachingami.

ISAÍAS 30:29

Shina cacpipish, cancunaca Pascua tutapi fiestata ruhuashpa, cantac shinami, cushilla canguichic. Israelcunata sinchiyachic Mandac Diospac urcuman rishpami, flautapi tocac shina, cushilla shungu canguichic.

LEVÍTICO 23:6

Chunga pichca punzhaca Mandac Dios ñucata yuyarishpa, levadura illac tandata micuna punzhami canga. Chai tandataca canchis punzhacamanmi micuna canguichic.

SAN MATEO 16:12

Jesús chashna nicpimi, yachacuccunaca mana tandapi churana levaduramanta nicushcata, ashtahuanpish fariseocunapac, saduceocunapac yachachishcamanta cuidarinamanta yachac chayarcacuna.

SAN MATEO 16:6

Chaipimi Jesusca: —Fariseocunapac, saduceocunapac levaduramanta cuidaringuichic— nirca.

MARCOS 8:15

Jesús paipac yachacuccunata mandashpaca: —Uyaichic, fariseocunapac, Herodespac levadurataca ama chasquinguichicchu— nircami.

SAN LUCAS 12:1

Huaranga huaranga gentecuna ñitirinacushpa shamucpimi, Jesusca paipac yachacuccunataca: —Fariseocunapac levaduramanta cuidaringuichic. Paicunaca mishqui shimi, jayac shungucunami.

SAN JUAN 1:47

Jesús, Natanael cuchuyacta ricushpaca: —Israel runatacmi shamushpa caipi can. Paica jaicapi mana llullanchu— nirca.

1 CORINTIOS 3:3

Cancunaca cai pacha jucha munashca shina causacushcamantami, rimanacunguichic, piñanacunguichic shinallatac raquirinacunguichic. Chashna ruhuashpaca, chairac cai pacha jucha munashca shina causacushcamantami ruhuacunguichic.

1 CORINTIOS 5:1

Cancunapuramanta maijanca lamamahuan shina, quiquin huarmihuan causacuctami yachac chayarcani. Chai shina millai juchataca Diosta mana ricsiccunapish mana ruhuanchu.

1 CORINTIOS 5:6

Chashna mana allicuna tiyashca jahuaca, mana allichu jatun tucunaca. ¿Manachu ashalla levadura tucui chaputa punguillichic cashcataca yachanguichic?

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

2 CORINTIOS 2:17

Ñucanchicca mana caishuccuna shina imata japingaraiculla Diosmanta alli huillaitaca chagrushpa huillacunchicchu, ashtahuanpish mana llullashpami Diospac ñaupapi paillatac cachashcacuna cashcamanta, Cristomantaca huillacunchic.

2 CORINTIOS 8:8

Caitaca mana shuc mandashca shinatachu nicuni, ashtahuanpish shuccuna cushicushpa cushcata ricushpa, cancunapish cushpa, tucui shunguhuan cuyashcata ricuchichunmi nicuni.

EFESIOS 6:24

Sumac mana chingaric cuyaihuan ñucanchic Apunchic Jesucristota tucui cuyaccunamanca, sumaimana cuyaita Diosca cushca cachun ninimi.

DEUTERONOMIO 16:16

Cancunapac llactapi causac tucui caricunami huatapi quimsa cutin Mandac Dios acllashca pushtuman, paipac ñaupaman rina can. Chai fiestacunaca: levadura illac tandata micuna fiesta, pentecostés fiesta, chucllacunata ruhuana fiestami can. Chai fiestacunamanca pipish mana chushacllachu shamuna can.

DEUTERONOMIO 16:3

Chai aichataca levadura illac tandahuan micunguichic. Egipto llactamanta ima shina llucshishca punzhataca tucui cancunapac causaipi yuyaringuichic. Canchis punzhacunata levadura illac tandata micunguichic. Chai tandaca llaquita yuyarina tandami. Egiptomantaca huacta huactami llucshircanguichic.

JOSUÉ 24:14

Shinallatac Josueca: «Cancunaca Mandac Diosta manchaichic, ima mana allitapish ama ruhuanguichicchu. Tucui munaihuan paita servishpa causanguichic. Cancunapac chaupimanta, cancunapac ñaupa taitacuna jatun yacu chimba ladopi causashpa servishca dioscunata, Egiptopi causashpa servishca dioscunata anchuchinguichic. Shina anchuchishpami, Mandac Diosta servishpa causana canguichic.

1 PEDRO 4:2

Cai pachapi causashcacaman jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.