1 CORINTIOS 5:1 - Dios Rimashcata Quillcashcami

¹ Cancunapuramanta maijanca lamamahuan shina, quiquin huarmihuan causacuctami yachac chayarcani. Chai shina millai juchataca Diosta mana ricsiccunapish mana ruhuanchu.

Nuevo Testamento en Quichua Cañar 1996

¹ Cancunapuramanta shucca lamamahuanmi quiquin huarmihuan shina apanacushpa causacucta yachac chayarcani. Chai shina huacllirishcaca jatun llaquimi. Diosta mana ricsiccunapish chaitaca mana ruhuanchu.

1 CORINTIOS 5:1 ပူးပေါင်းရင်းမြစ်များ

GÉNESIS 35:22

Chaipi causacucpimi, Rubenca taita Israelpac caishuc Bilha huarmihuan sueñushca carca. Chaitami taita Israelca yachac chayarca. Jacobopac churicunaca chunga ishcaimi carca.

GÉNESIS 37:2

Cashnami Jacobopac familiacunaca causarca. Joseca chunga canchis huatayuc cashpami, paipac huauquicunahuan ovejata michic carca. Chashnami huambraca paipac taitapac huarmi Bilhapac, Zilpapac huahuacunahuan michic carca. Joseca paipac huauquicuna mana allita ruhuashcata shuccuna parlanacucta uyashpaca paipac taitamanmi huillac carca.

GÉNESIS 49:4

Canca yacu callpacuc shina, mana jarcaric cashpami, ñuca sueñuna camapi, ñuca caishuc huarmihuan sueñushpa, mana allita ruhuarcangui. Chaimanta ña mana punta churichu cangui.

2 SAMUEL 16:22

Chashna nishpami, Absalonmanca mandashpa tiyana huasi jahuapi shuc uchilla carpa huasita shayachirca. Chaipimi Absalonca tucui israelcuna ricucucpi, paipac taita Davidpac caishuc huarmicunapi chayarirca.

2 SAMUEL 20:3

Jatun mandac David Jerusalenman chayashpaca, pai mandana huasita cuidachun saquishca paipac caishuc chunga huarmicunatami shuc huasiman pasachishpa huichcashpa churarca. Chai huarmicunaman micunata carashpa charicushpapish, paicunapica ña mana chayarircachu. Paicunataca viuda huarmicuna shina causachunmi huichcashpa churarca.

1 CRÓNICAS 5:1

Rubenca Israelpac punta churimi carca. Shina cashpapish, paipac taitapac camallapitac mana allita ruhuashcamantami punta churi japinataca paiman mana cushpa, Josepac churicunaman curca. Chaimantami paica mana punta churi nishca carca.

JEREMÍAS 2:33

¡Cuyacta mashcanataca allitami yachangui! Mana allita ruhuac huarmicunapish canta ricushpami yachacurca.

EZEQUIEL 16:47

Canca paicuna shinami, millaita ruhuarcangui. Chai ruhuashcacuna ashalla cacpimi, ashtahuan millaita ruhuashpa causarcangui.

EZEQUIEL 22:10

Quiquin taitapac huarmihuanmi sueñun, quilla ungüihuan cac huarmitapish japirinmi.

LEVÍTICO 18:8

Ama taitapac quipa huarmihuan chayarishpa, taitata pingaichinguichu.

LEVÍTICO 20:11

Maijanpish paipac taitapac huarmihuan chayarishpaca, paipac taitatami pingaichin. Chaimantami caritapish, huarmitapish huañuchishca canga. Paicunaca mana allita ruhuashcamantami huañuchishca canga.

AMÓS 2:7

Huacchacunataca ñuto allpata shinami sarun. Humilde gentecunatapish pandachincunami. Taitapish, churipish, chai solterallahuantac chayarishpami, jucha illac ñuca shutitaca mapayachin.

HECHOS 15:20

Chaipac randica, paicunataca ruhuashcalla dioscunaman ima cushcatapish, yahuartapish, sipishpa huañuchishca aichatapish ama micuchun, shinallatac ama huacllirichun, cunashpa, quillcashpa cachashunchic.

HECHOS 15:29

Ruhuashcalla dioscunaman cushca ofrendatapish, yahuartapish, sipishpa huañuchishca aichatapish ama micunguichicchu, shinallatac ama huaclliringuichicchu. Caicunata cazushpaca, allitami ruhuanguichic. Allilla cashca cachun» nishpami quillcarca.

1 CORINTIOS 1:11

Cuyashca criccuna, chaica Cloé aillupuramanta shucmi cancunapura chicanyashcata huillarca.

1 CORINTIOS 5:11

Ashtahuanpish chashna nishpaca, cric cashca jahua huaclliriccunahuan, imatapish charinallata munaccunahuan, imapish tucushca canman niccunahuan, ruhuashcalla dioscunata adoraccunahuan, llullaccunahuan, machaccunahuan, shuhuaccunahuan amatac tandaringuichicchu nisha nircanimi. Chashna gentecunahuanca micungapacllapish ama tiyaringuichicchu ninimi.

1 CORINTIOS 6:13

Maijanca: “Micunaca huicsapacmi, cutin huicsaca micungapacmi can” ningachari. Chashna cashpapish Diosca micunatapish, huicsatapish chingachingami. Cuerpoca mana huainayangapacchu, ashtahuanpish Apunchic Jesusta servingapacmi, Apunchic Jesusca cuerpopacmi can.

1 CORINTIOS 6:18

Huainayanamanta anchurichic. Maijanpish ima shuctac juchata ruhuashpaca, mana paipac cuerpota ima ruhuanchu, ashtahuanpish huainayacmi, paipac cuerpota mapayachin.

1 CORINTIOS 6:9

Millaita ruhuaccuna Dios mandacucpi imata mana charina cashcataca, ¿manachu yachanguichic? Ama pandarichicchu. Huaclliriccunapish, ruhuashcalla dioscunata adoraccunapish, huainayaccunapish, huarmi tucuccunapish, caricunapura millaita ruhuaccunapish,

2 CORINTIOS 12:21

Ñuca quipata ricugricpica, cancuna ima mana allita ruhuashcata ñuca Dios ricuchishpa, pingaipi churana cashcatami manchani. Cancunapuramanta achcacuna utcamanta pacha mana allita ruhuashpa, huacllirishpa, imapish shuctac mana alli munaicunata ruhuashpa, Diosman mana cutirishcamanta yallita huacana cashcatami manchani.

2 CORINTIOS 2:5

Maijanpish ñucata llaquichishpaca, mana ñucallatachu llaquichirca, ashtahuanpish tucui cancunatami maipica llaquichirca. Chashna nishpaca, chai runata mana yalli llaquichingapacmi nini.

2 CORINTIOS 7:12

Cai quillcata ñuca quillcashpaca, chai llaquichicmantapish, llaquichishca cacmantapish mana quillcarcanichu, ashtahuanpish Diospac ñaupapi ñucanchic cancunata yuyariccuna cashcata ricuchingapacmi quillcarcani.

GÁLATAS 5:19

Millai munaicunata ruhuaccunataca ricunallami. Paicunaca huainayaccunami, imapish millaita ruhuaccunami, imapish munana viciota ruhuaccunami,

EFESIOS 5:3

Cancuna Diospaclla cashcamantaca huainayaccuna, tucuilaya millaita ruhuaccuna, mana cashpaca ashtahuan charina yuyaillami causancuna nishcapish, cancunapurapica pacta uyarishcallapish canman.

DEUTERONOMIO 22:30

Pipish paipac taitapac huarmihuan cazarashpa, paipac camatata mana yangapi churanachu can.

DEUTERONOMIO 27:20

Cutin rimashpaca: “¡Taitapac huarmihuan sueñushpa, taitata pingaichicca, llaqui tucushca cachun!” nicpica, tucui gentecunami: “¡Chashna cachun!” ninga.

COLOSENSES 3:5

Cai pachapi imapish jucha munashcata ruhuangapacca, huañushca shinami cana canguichic. Chaimanta ama huainayaichicchu, imapish mapacunata, imapish mana canacunata ama ruhuaichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.

1 TESALONICENSES 4:7

Diosca mana millaita ruhuashpa causachunchu acllarca, ashtahuanpish jucha illac causachunmi acllarca.

APOCALIPSIS 2:21

Pai huacllirinata saquishpa, Diosman llaquirishpa cuti richun nishpami, tauca punzhacunata saquircani. Shina cacpipish mana cutirishpami, millaita ruhuanataca mana saquin.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

1 SAMUEL 2:24

Ñuca huahuacunalla, mana chashna ruhuanachu canguichic. Cancunata mana alli nishpa parlanacushcaca mana alli uyarinchu. Mandac Dios acllashcacunatami juchata ruhuachinguichic.