1 CORINTIOS 4:16 - Dios Rimashcata Quillcashcami

¹⁶ Chaimanta ñucata ricushpa yachacuchunmi mañani.

Nuevo Testamento en Quichua Cañar 1996

¹⁶ Shina cashcamanta ñuca causashca shinallatac, cancunapish causaichic.

1 CORINTIOS 4:16 ပူးပေါင်းရင်းမြစ်များ

1 CORINTIOS 11:1

Ima shinami ñuca Cristota catishpa causacuni, chai shinallatac cancunapish ñuca shina causaichic.

FILIPENSES 3:17

Cuyashca criccuna, ñuca causashca shinallatac cancunapish causaichic. Chashnallatac ñucanchic cancunaman yachachishcata catishpa causaccunata ricushpa, paicuna shina causaichic.

FILIPENSES 4:9

Ñucamanta imata yachacushcatapish, imata chasquishcatapish, imata ricushcatapish, imata uyashcatapish, chaicunata ruhuashpa catichic. Sumac causaita cuc Diosca cancunahuanmi canga.

1 TESALONICENSES 1:6

Cancuna llaquihuan cashpapish, Diospac espíritu cushichicpi, cushilla caticushpaca, ñucanchic catic shinallatacmi Apunchic Jesusta caticunguichic.

2 TESALONICENSES 3:9

Cancunaman imata mañashpapish, mañanallami carcanchic. Shina cacpipish ñucanchic ruhuashca shinallatac cancunapish ruhuachun nishpami, micungapacca trabajana carcanchic.

HEBREOS 13:7

Diospac shimita huillashpa, cancunata pushaccunata yuyarichic. Paicuna causashcata ricushpa, paicuna shina crishpa causaichic.

1 PEDRO 5:3

Cancunaman mingashca criccunataca, ama cancunapac gentecunata shina mandashpa charichicchu, ashtahuanpish alli ruhuashcata ricushpa catichunca, cancunaracmi allita ruhuana canguichic.