1 CORINTIOS 4:10 - Dios Rimashcata Quillcashcami

¹⁰ Ñucanchicca Cristota caticushcamantami imata mana yachac, upacuna tucushcanchic. Cutin cancunaca Cristohuan shuc shinalla tucushpaca yachaccunami tucushcanchic. Ñucanchicca irquiyashcami canchic, Cutin cancunaca sinchimi canguichic. Cancunaca tucuipac alli nishcami canguichic, ñucanchicca mana alli nishcami canchic.

Nuevo Testamento en Quichua Cañar 1996

¹⁰ Ñucanchicca Cristota c'aticushcamantaca imata mana yachac, upacuna shina cashcatami yachanchic. Cutin cancunaca Cristomanta yachaccuna cashcatami yuyanguichic. Ñucanchicca imatapish mana ruhuaipaccuna cashcatami yachanchic. Cancunaca imatapish ruhuaipaccunalla cashcatami yuyanguichic. Ñucanchictaca mana ricunachishpa, p'iñaccuna cashcatami yachanchic. Cutin cancunaca: “Ñucanchictaca tucuimi alli nincuna” nishpami yuyanguichic.

1 CORINTIOS 4:10 ပူးပေါင်းရင်းမြစ်များ

2 REYES 9:11

Quipata Jehú paita mandacta serviccunapacman llucshicpi paicunaca: —¿Tucuichu alli? ¿Chai juizhu illacca imapactac cambacman shamushca?— nirca. Shina nicpi, Jehuca: —Chai runataca cancunallatac ricsinguichicmi. Pai imata nishcatapish yachanguichicmi— nirca.

PROVERBIOS 11:12

Mana entendic runaca shuctac runataca mana ricusha ninchu. Ashtahuanpish alli entendic runaca ima cacpipish upallami can.

ISAÍAS 53:3

Gentecunapac mana ricunayachishca, millashcami carca. Paica yalli nanaihuanpish, llaquihuanpishmi carca. Paita mana ricusha nishpami shuc ladota ricuc carcanchic. Paitaca yangalla cashcata yuyashpami, mana ricunayachircanchic.

OSEAS 9:7

¡Llaquichina punzhacunami chayamun! ¡Paicuna japina punzhacunami pactamun! ¡Chaitaca israelcunami yachanga! Chaica, cancunallatac yalli juchata ruhuashcamanta, yalli millai yuyaihuan cashcamantami Dios ima nishcata huillactaca: “Yuyai illacmi” ninguichic. Cutin Diospac Espirituta charic runataca: “Locomi” ninguichic.

SAN MATEO 24:9

Chai punzhapica cancunata prezushpa mandaccunapacman apangami. Chashnami huañuchinga. Ñucata caticushcamantaca, tucui llactacunapimi piñanga.

SAN MATEO 5:11

Ñucata caticushcamanta piñashca, pipish llullashpa rimashca, llaquichishca caccuna, ¡cushicuichic!

SAN LUCAS 10:16

Jesusca paipac yachacuccunataca: «Cancuna ima nishcata uyacca, ñucatami uyan. Cancunata piñacca, ñucatami piñan. Ñucata piñacca, ñucata cachac Taitatami piñan» nirca.

SAN LUCAS 18:9

“Allicunami canchic” nirishpa, shuccunata mana valichishpa puriccunaman Jesús chimbapurashca parlohuan parlashpaca:

SAN LUCAS 6:22

Runa Tucungapac shamushca ñucamanta gentecuna piñacpipish, llucchishpa cachacpipish, camicpipish, ima millaita rimacpipish, ¡cushicuichic!

HECHOS 17:18

Maijan Epicúreos nishca, estoicos nishca yachaccunamantapish Pablohuan rimanacungapacmi tandanacurca. Jesusmanta alli huillaita, shinallatac huañushcacuna causarinamanta Pablo huillacucpica maijanca: —Cai rimaridu runaca ¿imatatac nicun?— nirca. Cutin maijanca: —Paica shuc dioscunamanta yachachicmi yuyachin— nirca.

HECHOS 17:32

Huañushcacunapuramanta causarinamanta Pablo huillacpica, maijanca burlashpa asircami. Cutin maijanca: «Shuc punzhami can huillashcataca ashtahuan uyashun» nircami.

HECHOS 26:24

Pablo sinchita rimacucpimi, jatun mandac Festoca: —¡Pablo, yuyai illacmi cangui! ¡Yallimana yachacushpachari, yuyai illac tucunguiyari!— nishpa, sinchita rimarca.

HECHOS 9:16

Pai ima shina ñucamanta llaquicunata apana cashcataca, ñucallatacmi ricuchisha— nirca.

1 CORINTIOS 1:21

Diosca, cai pachapi causaccuna paicuna yachashcahuan paita ricsichunca mana saquinchu. Alli huillai paicunaman pucllashca shina cacpipish, Diosca maijanpish paita criccunatami cuyashpa quishpichisha nicun.

1 CORINTIOS 1:23

Shina cacpipish, ñucanchicca Cristo cruzpi huañushcatami huillacunchic. Cai huillashcaca judiocunataca nanachic shinami, cutin mana judiocunamanca pucllashca shinami ricurin.

1 CORINTIOS 1:25

Cai pachapi causaccunapac Dios huillashca pucllashca shina cashpapish, tucui cai pachapi cac yachachishcacunamanta yallimi. Shinallatac Dios ruhuashcaca imapac mana valic shina cashpapish, tucui cai pachapi ruhuashcacunamanta yalli valishcami.

1 CORINTIOS 10:12

Chaimanta pipish ama “allimi cani” nichun, pacta pairac urmanman.

1 CORINTIOS 2:14

Diospac Espirituta mana charicca Espíritu cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

1 CORINTIOS 2:3

Cancunahuan cashpaca, manchaihuan irquiyashca, chucchucucmi carcani.

1 CORINTIOS 3:18

Maijanpish “ñucaca allimi cani” nishpaca, ama pandaringuichicchu. Cancunapuramanta maijanpish cai pacha gentecuna yuyashca shina “mai yachacmi cani” nishpa yuyacushpaca, imata mana yachac shinami tucuna canguichic. Chai shina tucushpami, mai yachaccunatac tucunguichic.

1 CORINTIOS 3:2

Cancuna chuchucuc huahuacuna lechellata micuc shina cacpimi yachacuipaclla yachaicunata yachachircani. Cancunaca manarac sinchi micuita micuc shinami canguichic Cunancamanmi, manarac sinchita micuccuna shina canguichic.

1 CORINTIOS 4:8

Ña tucuita charishpaca, chayuccunami canguichic. Chaimantami mana ñucahuan cashpapish, jatun mandaccuna canguichic. ¡Mandaccunata cashpaca, allimari canguichicman! ¡Ñucapish cancunahuan mandaimanmi!

2 CORINTIOS 10:10

Ñucataca maijancunaca: “Pai quillcashcaca sinchitami riman, ashtahuanpish pai quiquin caipi cashpaca, shina shinallami. Shinallatac pai rimashpaca, pitapish mana cazuchinchu” nincunami.

2 CORINTIOS 11:19

Cancunaca “yalli yachacmi canchic” nishpa yuyashpapish, ¡yuyai illaccuna rimashcataca alli munaihuanmi chasquinguichic!

2 CORINTIOS 11:29

Maijan ungucpica, ñucapish ungunimi. Maijanta pandachishpa urmachicpica, piñarishpami llaquirini.

2 CORINTIOS 13:9

Chaimanta ñucanchicta “shina shinalla criccunami” nicucpipish, cancuna ashtahuan sinchi criccuna cacpimi cushicunchic. Cancuna Cristota catishpa, ashtahuan sinchiyangacamanmi, Diosta mañashpa caticushunlla.

2 CORINTIOS 4:12

Chashna cacpimi ñucanchicca huañuna cashcata ricuchinchic. Cutin cancunaca huiñai causaita charishcatami ricuchinguichic.

2 CORINTIOS 6:8

Maijan cutinca alli nishca, maijan cutinca mana alli nishca. Maijan cutinca allicuna, maijan cutinca mana allicunachu nishcami canchic. Llullaccunami nicpipish cashcata huillaccunami canchic.

1 TESALONICENSES 4:8

Chaimanta pipish cai yachachishcacunata mana chasquicca, mana runallatachu mana chasquin, ashtahuanpish paipac Espirituta cuc Diostami mana chasquin.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota caticushcamanta camishpa rimacpica, cancunamanca mai cushicuimi canga.