1 CORINTIOS 3:7 - Dios Rimashcata Quillcashcami

⁷ Tarpucpish, parcucpish ima mana canchicchu, ashtahuanpish muyuta huiñachicca Diosllami can.

Nuevo Testamento en Quichua Cañar 1996

⁷ Tarpucpish, parcucpish ima mana canchicchu, ashtahuanpish tarpushca muyuta huiñachicca Diosllatacmi can.

1 CORINTIOS 3:7 ပူးပေါင်းရင်းမြစ်များ

SALMOS 115:1

Mandac Dioslla, ama ñucanchicta alli nichuyari. Ashtahuanpish can llaquic cashcamanta, cashcata nic cashcamanta cambac sumaimana shutita alli niyari.

SALMOS 90:17

Ñucanchicta Mandac Dioslla, cambac cuyaica ñucanchic-huan cashca cachun. Ñucanchic maquihuan tucui ima ruhuashcapish, ama yanga cachun. Tucui ima ruhuanapipish alli cashca cachun.

ISAÍAS 40:17

Paipac ñaupapica tucui llactacunaca mana tiyashca shinami. Paihuanca imahuan mana chimbapuraichu.

ISAÍAS 41:29

Riquichic, tucui paicunaca yangallami. Paicuna maipi imata ruhuashcapish mana ricurinchu. Imatapish yacuyachishpa ruhuashca dioscunaca huaira shina yangallami.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

SAN JUAN 15:5

Ñucaca uvas yurami cani. Cancunaca ramacunami canguichic. Cancunaca ñucahuan shuc shina cashpaca alli pucuc shinami canguichic. Ñucapish shuc shinami cancunahuan casha. Ñucamanta caruyashpaca imata mana ruhuai pudinguichicchu.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, cuyaita mana charishpaca, ima mana canichu.

1 CORINTIOS 3:6

Ñucaca muyuta tarpuc shina, cutin Apolosca parcuc shinami canchic. Tarpushca muyuta huiñachicca Diosmi can.

1 CORINTIOS 3:8

Tarpucpish, parcucpish chai shinallatacmi canchic. Shina cacpipish quiquin imata ruhuashcata ricushpami, Diosca cunga.

2 CORINTIOS 12:11

Ñuca jatun tucushpaca, yuyai illac shinami cancunamantaca tucuni. Ñuca yangalla shina cashpapish, cancuna yuyashca shina chai jatun yachacmi nishca huillaccunahuan chimbapuracpica, paicunaca mana ñucamanta yallichu.

2 CORINTIOS 12:9

Shina mañacpipish Apunchic Jesusca: «Chashna llaquicunata apacushpapish, ñuca cuyashcamantaca cushicuilla. Ñuca imatapish ruhuaclla cashcaca, can imatapish mana ruhuaipac cacpimi alli ricurin» nircami. Chaimanta Cristo imatapish ruhuaclla cashca ñucapi ricurichunmi, ñucaca imatapish mana ruhuaipaclaya canata munani.

GÁLATAS 6:3

Maijan manapish ima cashpa, “allimi cani” nicca, paillatacmi llullarishpa pandaricun.