1 CORINTIOS 3:23 - Dios Rimashcata Quillcashcami

²³ Shinallatac cancunaca Cristopacmi canguichic. Cristoca Diospacmi.

Nuevo Testamento en Quichua Cañar 1996

²³ Shinallatac cancunaca Cristopacmi canguichic. Cristoca Taita Diospacmi.

1 CORINTIOS 3:23 ပူးပေါင်းရင်းမြစ်များ

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN JUAN 17:18

Ima shinami cai pacha gentecunapacman cacharcangui, chashnallatacmi paicunatapish cai pacha gentecunapacman cachacuni.

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, chai shinallatac paicunapish ñucanchic-huan shuc shinalla cachunmi mañani. Cai pachapi causaccuna can ñucata cachashcata crichunmi, chashna mañani.

ROMANOS 14:8

Chaimanta causashpapish, Apunchic Jesuspacmi causanchic. Huañushpapish, Apunchic Jesuspacmi huañushun. Shinaca causashpapish, huañushpapish Apunchic Jesuspacmi canchic.

1 CORINTIOS 11:3

Shina cacpipish, Cristoca caripac uma cashcata, cutin carica huarmipac uma cashcata, Diosca Cristopac uma cashcata yachachunmi munani.

1 CORINTIOS 15:23

Ima shina causarina cashca shinami, ñaupaca Cristorac causarirca. Quipaca, Cristota criccunami pai cutimui punzhapi causaringa.

1 CORINTIOS 15:28

Tucuita cazuchishca quipaca, Diospac Churi cristollatacmi tucuita cazuchic Diospac ñaupapi cazuringa. Chashnami Diosca tucuita cazuchic cashcata ricuchinga.

1 CORINTIOS 7:22

Maijan servic cashpapish, Apunchic Jesusta crishpaca, ña mana servicchu can, ashtahuanpish cunanca Apunchic Jesusta servicmi. Maijan mana servic cashpapish, cunanca Apunchic Jesusta servicmi.

1 CORINTIOS 8:6

ñucanchicmanca shuclla Diosmi tiyan. Paimi tucui cai pachapi imalla tiyactapish ruhuac, shinallatac paipacmi ñucanchicpish canchic. Shinallatacmi shuclla Apunchic Jesucristo tiyan. Paimantami tucui imapish tiyan. Ñucanchicpish paimantami causanchic.

2 CORINTIOS 10:7

Cancunaca jahualla ima shina cashcatami ricunguichic. Maijanpish “Cristopacmi cani” nishpa paillata niricushpaca, ñucanchictapish Cristopac cashcatami yuyana can.

GÁLATAS 3:29

Ña Cristopac cashpaca, Taita Abrahampac huahua huahuacunami tucushcanguichic. Shinallatac Dios ñaupaman cusha nishcata japiccunapish canguichicmi.

GÁLATAS 5:24

Maijanpish Cristohuan caccunaca cai pacha jucha munaicunandi, imapish mana alli yuyaicunandimi chacatashca shina causacun.

EFESIOS 1:10

Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.