1 CORINTIOS 3:11 - Dios Rimashcata Quillcashcami

¹¹ Callari pirca shinaca, Jesucristomi. Chaimanta pi shuccunaca shuctac callari pircataca mana churai pudinchu.

Nuevo Testamento en Quichua Cañar 1996

¹¹ Huasita ruhuangapac callari pirca shinaca, Jesucristomi. Shina cashcamanta pi shuccunaca shuctac callari pircataca mana churai pudinchu.

1 CORINTIOS 3:11 ပူးပေါင်းရင်းမြစ်များ

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

1 CORINTIOS 3:10

Dios paipac cuyaimanta cayacpimi, huasichic shina pircai callarircani. Callari pircata ñuca ruhuashca quipaca, shucmi pircata churashpa caticun. Chai pircata churaccunaca, tucuimi quiquinllatac ima shina churacushcata ricuna can.

1 CORINTIOS 3:12

Callarishca pirca jahuapica curihuan, cullquihuan, sumac rumicunahuan, mana cashpaca caspihuan, ucshahuan, ima carrizohuan cashpapish huasichinallami.

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

2 TIMOTEO 2:19

Shina cacpipish Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: «Pai acllashcacunataca Diosca ricsinmi. Diosta adoraccunaca tucui millaimantami anchurina can» nishcami.

1 PEDRO 2:4

Apunchic Jesusman chayarichic, paica causac rumi shinami. Paitami gentecunaca mana valichishpa shitashca. Shina cacpipish, Diosmanca achca valic acllashca rumimi can.