1 CORINTIOS 14:33 - Dios Rimashcata Quillcashcami

³³ Chaica, Diosca mana maipish cachun causachun munanchu. Ashtahuanpish sumac causaita cuc Diosmi. Diospaclla cac tandanacushca criccuna imata ruhuac cashca shinami,

Nuevo Testamento en Quichua Cañar 1996

³³ Taita Diosca maipish cachun ruhuachunca mana munanchu. Paica sumac causaita cuc Diosmi. Diospaclla cac tandanacushca criccuna imata ruhuac cashca shinallatacmi,

1 CORINTIOS 14:33 ပူးပေါင်းရင်းမြစ်များ

NÚMEROS 7:11

Mandac Dios Moisesta rimashpaca: «Altarta ñucaman mingangapacca punzhantami shuc mandac ñucaman ofrendata apamuna can» nirca.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

HECHOS 9:13

Chashna nicpimi Ananiasca: —Apunchic Jesús, taucacuna: “Chai Sauloca Jerusalenpi causac criccunata piñashpa llaquichicun” ninacuctami uyarcani.

ROMANOS 15:33

Cushi causaita cuc Dios tucui cancunahuan cachun. Chashna cachun.

1 CORINTIOS 11:16

Caicunamanta maijan mana uyasha nishpa, rimaccunataca: Ñucanchicpish, Diospaclla tandanacushca criccunapish, shuctaclaya causana tiyashcataca mana yachanchicchu.

1 CORINTIOS 14:32

Dios ima nishcata huillaccunaca, Dios ima nishcata huillaccuna shinami yuyan.

1 CORINTIOS 14:40

Ashtahuanpish imata ruhuashpapish, allita ruhuaichic. Ama maipish cachun ruhuaichicchu.

1 CORINTIOS 4:17

Chaimantami Apunchic Jesusta alli cric, ñuca cuyashca huahua shina Timoteota cachagrini. Paimi ñuca Apunchic Jesucristota crishpa, ima shina causanata yachachingui. Ñucapish chashnallatacmi tandanacushca criccunamanca maipipish yachachicuni.

1 CORINTIOS 7:15

Ashtahuanpish cari cashpa, huarmi cashpa, mana cric cashcamanta shitasha nishpaca, shitachunlla. Chaica, cric huauquipish, cric panipish mana llaquilla causanachu can. Diosca ñucanchictaca cushilla causachunmi cayarca.

1 CORINTIOS 7:17

Ashtahuanpish Apunchic Jesucristo cancunaman imata ruhuachun yuyaita cushca shina, Dios cancunata acllai punzha ima shinami carcanguichic, chai shinallatac causanguichic. Tandanacushca criccunataca maipipish chai shinallatacmi mandani.

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna chicanyarinacushpa, envidianacushpa, piñanacushpa, maldicianacushpa, huashalla parlanacushpa, caminacushpa, jatun tucushpa shinallatac maipish cachun causashpa puricuctami manchani.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

2 TESALONICENSES 3:16

Sumac causaita cuc Apunchic Jesusllatac cancunapac tucui causaipipish, imapipish sumac causaita cuchun shinallatac tucui cancunahuan cashca cachun nishpami ninchic.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.