1 CORINTIOS 14:12 - Dios Rimashcata Quillcashcami

¹² Diospac Espíritu imata ruhuachichun munashpaca, tandanacushca criccunata sinchiyachingapacmi imatapish ruhuanata munana canguichic.

Nuevo Testamento en Quichua Cañar 1996

¹² Diospac Espíritu imata ruhuac cachun cushcacunata charisha nicushpaca, tandanacushca criccuna alli c'atichunmi, ayudanata ashtahuan munana canguichic.

1 CORINTIOS 14:12 ပူးပေါင်းရင်းမြစ်များ

ROMANOS 14:19

Chaimanta shuctac criccunahuan cushilla causashpa, Jesusta criccunata sinchiyachishunchic.

1 CORINTIOS 12:31

Tucui caicunamantaca, imapish ashtahuan valishca ruhuaicunata ruhuanata munaichic. Shina cacpipish tucui caicunamanta yallica, ashtahuan alli causanatami ñucaca yachachigrini.

1 CORINTIOS 12:7

Diosca, paipac Espíritu tucuipac allipac allicunata ruhuachic cashcatami ricuchin.

1 CORINTIOS 14:1

Tucuimanta yallica, cuyaita charinata munaichic. Shinallatac Diospac Espíritu imata ruhuachichun munaichic. Yallicarin Dios ima nishcata huillac canata munaichic.

1 CORINTIOS 14:13

Chaimanta mana yachashca rimaita rimacca, chai rimashcata entendingapac Diosta mañaichic.

1 CORINTIOS 14:26

Chai shina cacpica, cuyashca criccuna, cancuna tandanacushpaca, shuccunaca salmocunata cantanguichicmi, shuccunaca yachachinguichicmi, shuccunaca Dios ima nishcata huillanguichicmi, shuccunaca mana yachashca rimaicunata rimanguichicmi, shuccunaca chai rimashcata entendichinguichicmi. Tucui caicunataca criccuna ashtahuan Jesusta catishpa sinchiyachunmi, ruhuana canguichic.

1 CORINTIOS 14:5

Ñucaca tucui cancuna mana yachashca rimaicunata rimac cachunmi munaiman. Shina cacpipish, Dios ima nishcata huillaccuna cachunmi, ashtahuanca munani. Chashna cashpami, jaicapi mana yachashca rimaicunata rimacta atishpa, ashtahuan alli canguichic. Chai mana yachashca rimaicunata tandanacushca criccunaman entendichishpallami criccunapac allipac riman.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.