1 CORINTIOS 12:9 - Dios Rimashcata Quillcashcami

⁹ Chai Espiritullatacmi maijantaca alli cricta ruhuan. Maijantaca ungushcacunata alliyachictami ruhuan.

Nuevo Testamento en Quichua Cañar 1996

⁹ Cutin maijancunaca chai Espiritullamantatacmi alli cric tucuncuna. Cutin maijancunaca ungushcacunata jambiccunami tucuncuna.

1 CORINTIOS 12:9 ပူးပေါင်းရင်းမြစ်များ

SAN MATEO 10:8

Ungushcacunatapish alliyachinguichic, Lepra ungüitapish pichanguichic, huañushcacunatapish causachinguichic, supaicunatapish llucchishpa cachanguichic. Yangami caita ruhuangapacca poderta chasquircanguichic, chaimantami yanga ruhuana canguichic.

SAN MATEO 21:21

Chaimantami Jesusca: —Tucui shunguhuan crishpa, mana caita chaita yuyashpaca, mana cai higo yurallatachu chaquichinguichic, ashtahuanpish cancuna urcuta: “¡Caimanta anchuri, mama cuchaman shitari!” nicpica, rinmanllami. Chaica chashnatacmi.

MARCOS 16:18

Culebracunata maquihuan japirishpapish, ima venenocunata ubiashpapish, mana ima tucungachu. Shinallatac ungushcacunapac uma jahuapi maquita churacpica, alliyangallami— nirca.

MARCOS 6:13

Achca supaicunatami gentecunamanta llucchishpa cacharca. Achca ungushcacunatami aceiteta umapi churashpa alliyachirca.

SAN LUCAS 10:9

Chai pueblopi ungushcacuna tiyacpica alliyachinguichic. Paicunataca: “Diosca ñami mandagrin” ninguichic.

SAN LUCAS 9:2

Shinami, Dios mandacucmanta huillagrichun, ungushcacunata alliyachichun cacharca.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

HECHOS 5:15

Shinallatac Pedro llandushpallapish alliyachichunmi, gentecunaca ungushcacunataca huandumushcacunandi ñanman apashpa churarca.

1 CORINTIOS 12:28

Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

1 CORINTIOS 12:30

Shinallatac mana tucuichu ungushcacunata jambiccuna, jaicapi mana uyashca rimaita rimaccuna, shinallatac chai rimashca imata nisha nicushcata entendichiccuna can.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, cuyaita mana charishpaca, ima mana canichu.

2 CORINTIOS 4:13

Dios quillcachishcapica: «Crishcamantami chai shinaca huillarcani» ninmi. Chai shinallatacmi ñucanchicpish crishpa huillacunchic.

EFESIOS 2:8

Cancunaca Dios cuyashcallamantami Jesucristota crishpa quishpirishca canguichic. Chaitaca mana cancuna allita ruhuashcamantachu chasquircanguichic, ashtahuanpish chaica Dios cushcallami can.

HEBREOS 11:33

Crishcamantami paicunaca jatun mandaccunahuan macanacushpa mishashpa, cashcata ruhuarcacuna. Dios cushami nishcacunatapish japircami. Leoncunapac shimicunatapish huichcarcami.