1 CORINTIOS 12:6 - Dios Rimashcata Quillcashcami

⁶ Tucuilaya ruhuaicunami tiyan. Shina cacpipish, Diosllatacmi tucuita ruhuachicun.

Nuevo Testamento en Quichua Cañar 1996

⁶ Ch'ican ch'ican imata ruhuaipaccunami tiyan. Shina cacpipish Taita Diosllatacmi tucuipi, tucui imatapish ruhuachicun.

1 CORINTIOS 12:6 ပူးပေါင်းရင်းမြစ်များ

JOB 33:29

Diosca chashnami tucuita ruhuan. Runataca ishcai cutin, quimsa cutinmi chashna ruhuan.

SAN JUAN 5:17

Ashtahuanpish Jesusca: —Ñuca Taitaca cunancamanmi caicunataca ruhuacun. Ñucapish caicunata ruhuacunimi— nirca.

1 CORINTIOS 12:11

Ashtahuanpish tucui caicunataca Diospac shuclla Espiritumi ruhuachin. Paimi maijanman cusha nishca shina, imata ruhuaipacta ricushpa cun.

1 CORINTIOS 12:5

Tucuilayata ruhuashpa servinami tiyan. Shina cacpipish, tucui chaicunataca Apunchic Jesusllami ruhuachicun.

1 CORINTIOS 15:28

Tucuita cazuchishca quipaca, Diospac Churi cristollatacmi tucuita cazuchic Diospac ñaupapi cazuringa. Chashnami Diosca tucuita cazuchic cashcata ricuchinga.

1 CORINTIOS 3:7

Tarpucpish, parcucpish ima mana canchicchu, ashtahuanpish muyuta huiñachicca Diosllami can.

EFESIOS 4:6

Shinallatac tucui mashnapac taitaca shuclla Diosmi. Paica tucuita Mandac cashpami, pai munashcata tucuipi ruhuachicun, shinallatac tucuipi causacun.

FILIPENSES 2:13

Diosllatacmi imapish paiman allita ruhuana yuyaitapish, allita munana yuyaitapish cancunaman cun.

COLOSENSES 1:29

Chashna ruhuangapacmi, llaquicunata apana cacpipish, Cristo imatapish ruhuaclla cashcahuan tucui yuyaihuan ruhuacunilla.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.