1 CORINTIOS 12:4 - Dios Rimashcata Quillcashcami

⁴ Tandanacushca criccunapurapica, tucuilaya ruhuaccunami tiyan. Shina cacpipish Diospac Espiritullami chaicunataca ruhuachin.

Nuevo Testamento en Quichua Cañar 1996

⁴ Tandanacushca criccunapurapica, ch'ican ch'ican imata ruhuaccunami tiyan. Shina cacpipish chai ruhuanata cucca Diospac Espiritullami.

1 CORINTIOS 12:4 ပူးပေါင်းရင်းမြစ်များ

ÉXODO 31:3

Ñucami, ñuca Espirituhuan paitaca tucuipi yuyaisapata, alli yachacta, quiquin yuyaihuan imatapish allita ruhuacta ruhuarcani.

1 CORINTIOS 12:1

Cuyashca criccuna, Diospac Espíritu imacunallata ruhuachic cashcataca yachanami canguichic.

1 CORINTIOS 12:28

Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

1 CORINTIOS 12:5

Tucuilayata ruhuashpa servinami tiyan. Shina cacpipish, tucui chaicunataca Apunchic Jesusllami ruhuachicun.

1 CORINTIOS 7:7

Ñucaca tucui caricuna ñuca shina causachunmi munani. Shina cacpipish, Diosca mana tucuimanchu chai poderta cushca, ashtahuanpish shucmanca shuctaclaya, caishucmanca shuctaclaya yuyaitami cushca.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

HEBREOS 2:4

Diospish mancharinacunata, milagrocunata ruhuashpa, pai munashca shina paipac Espirituta cushpa, chashnatac cashcata ricuchirca.

1 PEDRO 4:10

Diosmanta allita ruhuangapac chican chican ruhuac canata chasquishcamanta, allita ruhuaccuna shina, quiquin chasquishcahuan caishuc chaishucman allita ruhuaichic.