1 CORINTIOS 12:13 - Dios Rimashcata Quillcashcami

¹³ Chaica, tucui ñucanchicmi Israel cashpa, mana Israel cashpa, servic, mana servic cashpapish, Diospac shuclla Espirituhuan bautizarishca canchic. Diosca chai Espiritullatatacmi yacuta ubiachic shina, curca.

Nuevo Testamento en Quichua Cañar 1996

¹³ Chashna shuclla cuerpo tucungapacmi, tucui ñucanchicca israel*f** cashpa, mana israel cashpa, amopacta ruhuac cashpa, mana amopacta ruhuac cashpapish, Taita Diospac shuclla Espirituhuan bautizarishca canchic. Shinallatac Taita Diosca chai Espiritullatatacmi yacuta ubiachic shina, ñucanchicmanca curca.

1 CORINTIOS 12:13 ပူးပေါင်းရင်းမြစ်များ

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

ISAÍAS 55:1

¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.

JOEL 2:29

Chai punzhacunapica servic caricunamanpish, servic huarmicunamanpish ñuca Espiritutami yacuta tallic shina cachasha.

SAN MATEO 3:11

Ñucaca llaquirishpa, Diosman cutirichunmi, yacuhuan bautizacuni, ashtahuanpish ñucapac quipa shamucmi, Diospac Espirituhuan, ninahuan bautizanga. Paica ñucata atishpa, ashtahuan poderyucmi. Ñucaca paipac ushutallatapish mana apaipacchu cani.

SAN LUCAS 3:16

Chashna nicucpimi, Juanca chaipi caccunataca: —Ñucaca yacullahuanmi bautizani, ashtahuanpish shucmi Diospac Espirituhuanpish, ninahuanpish bautizangapac shamunga. Paica ñucata atishpa, ashtahuan poderta charicmi. Ñucaca paipac ushuta huatashcallatapish mana pascaipacmi cani.

SAN JUAN 1:16

Pai Taitapac Churi cashcacunamantami ñucanchicca catinta catinta allicunata chasquicunchic.

SAN JUAN 1:33

Chashna ricushpapish, shamuc pai cashcataca mana yacharcanichu. Ashtahuanpish yacuhuan bautizachun cachac Diosca: “Maijanpi ñuca Espíritu shamushpa tiyaricta ricungui, chaimi ñuca Espirituhuanca bautizanga” nirca.

SAN JUAN 3:5

Shina nicpimi Jesusca: —Maijanpish yacumanta, Diospac Espiritumanta mana huacharicca, Dios mandacucmanca manatac yaicungachu. Chaica chashnatacmi canga.

SAN JUAN 4:10

Shina nicpimi Jesusca: —Canca Dios imata cusha nicushcatapish, pi yacuta mañacuctapish mana yachanguichu. Yachashpaca, canracmi: “Yacuta carai” ninguiman. Chashna mañacpica, causaita cuc yacutami cuiman— nirca.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 6:63

Diospac Espiritumi causaita cun. Gentecunallaca imata ruhuai pudinchu. Tucui ñuca nishcacunaca, causaita cuc Diospac Espiritumantami.

HECHOS 1:5

Juanca yacullahuanmi bautizarca, ashtahuanpish asha punzhacuna quipaca, Diospac Espirituhuanmi bautizashca canguichic— nirca.

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

ROMANOS 3:29

¿Diosca israelcunapaclla Dioschu? ¿Manachu mana israelcunapacpish Dios? Ari, shinami can. Diosca tucuipac Diosmi.

ROMANOS 4:11

Abrahamtaca crishcallamantami Diosca chasquirca. Ashtahuanpish Dios chasquishcata ricuchingapacmi, quipata circuncisionta ruhuarca. Chaica, Abrahamca mana circuncisionta ruhuashca cashpapish, tucui criccunapac taitami tucurca. Diosca paicunatapish crishcallamantami chasquirca.

1 CORINTIOS 10:2

Chashna puyuhuanpish, cucha yacuhuanpish bautizaric shina tucushpami, Moises-huan shuc shinalla tucurcacuna.

GÁLATAS 3:23

Jesucristota crina manarac tiyacpica, chai crinamanta huillangacamanmi Moisés mandashcacunaca ñucanchicta huatashca shina charicurca.

GÁLATAS 3:28

Chaimantami cancunaca Judío cashpapish, griego cashpapish, servic cashpapish, mana servic cashpapish, cari cashpapish, huarmi cashpapish Cristo Jesus-huan shuclla tucushcamantaca, tucui mashnami shuc shinalla canguichic.

EFESIOS 3:6

Chai pi mana yachashcaca caimi: Quishpirinamanta alli huillaita uyashpa crishcamantami mana israelcunapish, israelcunahuan pacta japina cashcata japingacuna. Paicunapish shuc cuerpo shina cashcamantami, Jesucristomanta Dios cusha nishcataca chasquingacuna.

EFESIOS 4:5

Chashnallatac Apunchic Jesuspish shucllami. Crinapish shucllami, bautizarinapish shucllami.

EFESIOS 5:26

Diospaclla tucushpa causachunmi Cristoca tandanacushca criccunataca yacuhuanpish, pai rimashca shimihuanpish chuyayachirca.

EFESIOS 6:8

Cancunaca amopacta ruhuac cashpa, mana amopacta ruhuac cashpapish, imapish allita ruhuashcamantaca Apunchic Jesusmanta japina cashcataca yachanami canguichic.

COLOSENSES 1:27

Chashnami Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

1 PEDRO 3:21

Chai yacuca bautizarinatami ricuchicurca. Yacupi bautizarishpaca, Jesucristo huañushcacunapuramanta causarishcamantami, cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Diosta mañana yuyaicunatami cun.