1 CORINTIOS 11:4 - Dios Rimashcata Quillcashcami

⁴ Maijan caripish, umata tapallishpa, Diosta mañashpa, mana cashpaca Diosmanta huillacushpaca Cristotami pingaichin.

Nuevo Testamento en Quichua Cañar 1996

⁴ Maijan c'aripish Diosman mañacushpa, mana cashpaca Diosmanta huillacushpa umata tapallishpaca, uma shina mandac Cristotami pingaichin.

1 CORINTIOS 11:4 ပူးပေါင်းရင်းမြစ်များ

2 SAMUEL 15:30

Davidca llaquillami umata quillparishpa, lluchu chaquilla huacashpa olivos yuracuna tiyac huichaita llucshirca. Shinallatac tucui paihuan caccunapish umata quillparishpa huacashpami huichai llucshirca.

2 SAMUEL 19:4

Ashtahuanpish jatun mandac ñahuita quillparishpa, sinchita llaquirishpaca: «¡Ñuca huahua Absalonlla! ¡Absalón ñuca huahualla, ñuca huahualla!» nirca.

MIQUEAS 7:6

Churica taitatami camishpa rimanga. Ushica mamatami macanga. Nueraca suegratami llaquichinga. Piñaccunaca quiquin huasi ucupurallatacmi.

HECHOS 13:1

Antioquía pueblo tandanacushca criccunapica, Dios ima nishcata huillaccunapish, yachachiccunapishmi tiyarca. Paicunaca: Bernabé, Níger nishca Simón, Cirene pueblomanta Lucio, Galilea llactata mandac Herodes-huan huiñac Manaén, Saulomi carca.

1 CORINTIOS 11:14

Cari acchata huiñachishpa, pingai tucushcataca, quiquin yuyaillatacmi ricuchin.

1 CORINTIOS 11:5

Huarmicuna umata mana tapallishpa, Diosta mañashpa, mana cashpaca Diosmanta huillacushpaca cusatami pingaichin. Umata mana tapallishca huarmica, acchata pitishca shinami.

1 CORINTIOS 12:10

Maijantaca milagrotami ruhuachin. Maijantaca Dios ima nishcata huillactami ruhuan. Maijantaca alli Espíritu cashcata yachactami ruhuan. Maijantaca mana yachashca rimaicunata rimactami ruhuan. Maijantaca chai mana yachashca rimaita entendichictami ruhuan.

1 CORINTIOS 12:28

Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, cuyaita mana charishpaca, ima mana canichu.

1 TESALONICENSES 5:20

Dios ima nishcata huillactaca chasquinami canguichic.