1 CORINTIOS 11:32 - Dios Rimashcata Quillcashcami

³² Apunchic Jesús llaquichishpaca ñucanchicpish cai pachapaclla causaccunahuan ama jatun llaquiman richunmi llaquichin.

Nuevo Testamento en Quichua Cañar 1996

³² Apunchic Jesús llaquichishpapish, ñucanchicllatac alli yachacuchun, shinallatac cai pachapaclla causaccunahuan pacta ama jatun llaquiman richunmi, chashnaca llaquichin.

1 CORINTIOS 11:32 ပူးပေါင်းရင်းမြစ်များ

2 SAMUEL 7:14

Ñucaca paipac taitami casha. Paica ñuca churimi canga. Pai mana allita ruhuacpica, shuc taita churita varahuan llaquichic shinami llaquichisha. Huañuna aichayuc runacuna shinami llaquichisha.

SALMOS 118:18

Mandac Dios ñucata sinchita llaquichishpapish, mana huañuchun saquircachu.

ISAÍAS 1:5

¿Ima nishpatac ashtahuan llaquichishca canata munanguichic? Umapish tucui chugrishca, shungupish tucui nanaihuanmi canguichic.

JEREMÍAS 7:28

Chaimantami canca: “Cai llactapi causaccunaca paicunata Mandac Diostaca mana cazurcacunachu. Allita ruhuachun yachachishcatapish mana uyarcacunachu. Paicunaca cashcata ninataca saquishcami” ningui» nirca.

SOFONÍAS 3:2

Mandac Dios rimashcatapish mana uyanchu, alli tucuchun nishpa llaquichicpipish, mana cazunchu. Diospacman mana cuchuyanchu, Mandac Diospica mana shunguta churanchu.

ROMANOS 3:19

Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata chasquiccunaman huillacun. Chaitaca yachanchicmi.

ROMANOS 5:16

Dios cuyashpa cushcaca, mana shuc runa juchallishca shinachu carca. Chaica, Adán juchallishcamantami, Diosca taripashpa llaquichinaca yaicurca. Shina cacpipish, Dios cuyashpa, cushca Jesucristoca tauca juchayuccunatami Diospacman cutichishca.

1 CORINTIOS 1:20

Shinaca, ¿maipitac chai yachaisapaca? ¿Maipitac chai yachachicca? ¿Maipitac cai pacha yachaimanta ricuchicca? Cai pachamanta yachaitaca Diosmi pucllaita shina ruhuashca.

1 CORINTIOS 1:21

Diosca, cai pachapi causaccuna paicuna yachashcahuan paita ricsichunca mana saquinchu. Alli huillai paicunaman pucllashca shina cacpipish, Diosca maijanpish paita criccunatami cuyashpa quishpichisha nicun.

1 CORINTIOS 11:30

Chaimantami cancunapurapica tauca ungushcacuna, irquiyashcacuna canguichic. Maijancunacarin ña huañushcacunami.

1 CORINTIOS 11:31

Manarac micushpa, ñucanchic quiquinllatac ima shina cashcata alli yuyarishpa micushpaca, mana juchanchishcachu canchicman.

1 CORINTIOS 11:33

Chaimanta cuyashca criccuna, Apunchic Jesús huañushcata yuyarishpa micungapac tandanacushpaca, shuyanacushpa micunguichic.

DEUTERONOMIO 8:5

Shuc taita paipac huahuata cunac shina, canta Mandac Dios cunac cashcataca yuyaringuichic.

1 TIMOTEO 1:20

Chaicunaca Himeneo shinallatac Alejandromi chashna tucurcacuna. Paicunatami Diosta ama camishpa catichun nishpa, Satanasman curcani.

1 JUAN 5:19

Ñucanchicca Diospac huahuacuna cashcatami yachanchic, shinallatac cai pachapaclla causaccunataca diablo mandacushcatami yachanchic.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.