1 CORINTIOS 10:4 - Dios Rimashcata Quillcashcami

⁴ Dios cushca ubianatami ubiarcacuna. Paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

Nuevo Testamento en Quichua Cañar 1996

⁴ Dios cushca ubianatapish ubiarcacunami. Paicunaca paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

1 CORINTIOS 10:4 ပူးပေါင်းရင်းမြစ်များ

GÉNESIS 40:12

Shina nicpimi Joseca: —Can muscushca quimsa ramaca, quimsa punzhatami nisha nin.

GÉNESIS 41:26

Canchis sumac vacacunaca canchis huatatami nisha nin. Canchis racu trigo umapish canchis huatatami nisha nin. Cai ishcai muscushcaca shucllatami nisha nin.

SALMOS 105:41

Rumi quingraita chaupishpami yacuta llucchirca. Chai yacuca chaquishca allpacunatami jatun yacu tucushpa callparca.

SALMOS 78:15

Shitashca pambapica Rumi quingraita paquishpami yacuta llucchishpa ubiachirca.

SALMOS 78:20

Riqui, rumi quingraita paquishpami yacuta llucchishpa, pambacunapi caita chaita callpacucta ruhuarca. Chashna ruhuacpipish, ¿tandata carai pudingachu? ¿Pai acllashcacunaman aichata carai pudingachu?» nircacuna.

ÉXODO 17:6

Ñucaca Horeb urcu jahuapimi cambac ñaupapi casha. Can rumipi varahuan huactacpica, chaimanta yacuca llucshingami. Chaipica ubiangallami— nirca. Moisesca israelcunata pushaccunapac ñaupapimi chashna ruhuashpa ricuchirca.

ISAÍAS 43:20

Ñuca acllashcacuna ubiachun shitashca pambapi yacuta llucchicpi, chaquishca pambapi yacuta cucpimi, sacha animalcunapish, chacal animalcunapish, huahua avestruzcunapish ñucata alli ningacuna.

ISAÍAS 48:21

Chaquishca pambata pushacpipish mana yacunayachircacunachu. Rumimantami yacuta llucchirca. Jatun rumi quingraita paquicpimi, yacuca callparca” ninguichic» ninmi.

DANIEL 2:38

Cambac maquipimi cai pachapi causac runacunatapish, sacha animalcunatapish, jahuata volashpa ric animalcunatapish mandachun churarca. Canmi chai curi umaca cangui.

DANIEL 7:17

“Cai chuscu jatun animalcunaca cai pachata chuscu jatun mandaccuna mandangapac shamuna cashcatami nisha nin.

NÚMEROS 20:11

Chashna nishpami, Moisesca maquita alzashpa, paipac varahuan ishcai cutin rumi quingraipi huactarca. Chashna huactacpica, achca yacumi llucshirca. Chai yacutami tandanacushca israelcunapish, paicunapac animalcunapish ubiarca.

SAN JUAN 4:10

Shina nicpimi Jesusca: —Canca Dios imata cusha nicushcatapish, pi yacuta mañacuctapish mana yachanguichu. Yachashpaca, canracmi: “Yacuta carai” ninguiman. Chashna mañacpica, causaita cuc yacutami cuiman— nirca.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 7:37

Fiesta tucuri jatun punzhapi Jesús jatarishpa sinchita rimashpaca: —Maijanpish yacunayachicca ñucapacman shamushpa, yacuta ubiaichic.

GÁLATAS 4:25

Agarca Arabia llactapi tiyac Sinaí urcutami nisha nin. Chai urcuca Jerusalenpi causaccunatapish, huatashca shina causacuc tucui paipac huahuacunatapish nisha ninmi.

DEUTERONOMIO 9:21

Ashtahuanpish cancunata pandachic beci diosta ninapi rupachishpa, ñututa ruhuashpami urcumanta shamuc yacu huaicupi shitarcani.

COLOSENSES 2:17

Tucui caicunaca ima tucuna cashcata ricuchic llandu shinallami carca. Ashtahuanpish cashcata ricuchingapacca, Cristoca ñami shamurca.

HEBREOS 10:1

Moisés mandashcacunaca Dios quipata allita cugricushcata ricuchicllami, ashtahuanpish mana chai shamuc shinachu. Chaimantami Moisés mandashcacunata pactachishpa, huatanta animalta rupachishpaca, Diospac ñaupapi jaicapi mana jucha illac cai pudin.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.