1 CORINTIOS 10:21 - Dios Rimashcata Quillcashcami

²¹ Mana (chai ratollatac) Apunchic Jesuspac vasomantapish, diablopac vasomantapish ubiai pudinguichicchu. Shinallatac mana Apunchic Jesuspac mizamantapish, diablopac mizamantapish micui pudinguichicchu.

Nuevo Testamento en Quichua Cañar 1996

²¹ Apunchic Jesusta yuyarishpa, vinota ubiangapac tiyarishpaca, mana cutin diablopacta ubiangapacpish tiyarinachu canguichic. Shinallatac Apunchic Jesusta yuyarishpa tandata micungapac tiyarishpaca, mana cutin diablopacta micungapac tiyarinachu canguichic.

1 CORINTIOS 10:21 ပူးပေါင်းရင်းမြစ်များ

1 REYES 18:21

Chashna tandachicpimi, gentecunapac ñaupaman Elías cuchuyashpaca: —¿Ima horascamantac cancunaca cashna ishcai yuyaihuan causagringuichic? Mandac Dios, Dios cacpica, paita catichicyari. Mana cashpaca Baal dios cacpica, paita catichicyari— nirca. Shina nicpica, gentecunaca imata mana nircachu.

ISAÍAS 65:11

Ashtahuanpish cancunaca Mandac Dios ñucatami saquircanguichic. Ñucapaclla urcutapish cungarircanguichicmi. Suerteta cuc diosman carangapacmi mizata tendircanguichic. Causaipi alli mandac nishca diosmanmi vinota curcanguichic. Chaimantami chai allpacunataca mana japinguichic.

JEREMÍAS 44:8

Cancunaca Egipto llactapi causangapac yaicumushpaca cancuna ruhuashca shuctac dioscunaman inciensota rupachishpa, ñucata piñachishcamantami cancunallatac tucuringuichic. Shinami shuctac llacta gentecunapac mana alli nishca, burlashca causanguichic.

SAN MATEO 6:24

Maijanpish ishcai amotaca mana servi pudinchu. Chaica, shuc amotaca piñangami, caishuctaca cuyangami. Shuc amo mandashcataca cazungami, cutin caishuc amo mandashcataca mana cazungachu. Chashnami maijanpish charicyana yuyailla cashpaca, Diostaca mana servi pudinga.

1 CORINTIOS 10:16

Dios cushca vinota ubiashpa, Diosta pagui nishpaca, ¿manachu Cristopac yahuarhuan shuc shinalla tucunchic? Tandata micushpaca, ¿manachu Cristopac cuerpohuan shuc shinalla tucunchic?

1 CORINTIOS 8:10

Caicunata yachashca jahua, ruhuashcalla diosta adorana huasipi chai diosman cushca aichata can micucta maijan manarac sinchi cric ricushpaca, ¿manachu paipish chai shina ruhuasha ninga?