1 CORINTIOS 10:18 - Dios Rimashcata Quillcashcami

¹⁸ Israelcunata ricushpa yuyarichic. Animalta huañuchishpa, altarpi rupachishca aichata micuccunaca, ¿manachu Dios-huan shuc shinalla tucuncuna?

Nuevo Testamento en Quichua Cañar 1996

¹⁸ Israelcunata*f** ricushpa yuyarichic. Animalta huañuchishpa, Diosman cushpa, altarpi rupachishca aichata micuccunaca, tucuimi Taita Dioshuanca shuc shinalla tucuncuna.

1 CORINTIOS 10:18 ပူးပေါင်းရင်းမြစ်များ

LEVÍTICO 3:11

Chashnami curaca altar jahuapi rupachinga. Tucui chaicunaca Mandac Diosman cushpa rupachishcami canga.

LEVÍTICO 7:6

Chai ofrendaca Diospaclla chicanyachishcami. Chaimantami curacunalla Diospaclla chicanyachishca pushtupi micuna can.

LEVÍTICO 7:7

Juchamanta animalta cushpa rupachic shinallatacmi pandarishcamantapish ruhuana can. Chaicunata ruhuangapacca shuclla mandashcami tiyan. Chai ofrendataca rupachic curami japinga.

ROMANOS 1:3

Cai alli huillaica Diospac Churi, Mandac Jesucristomantami huillacun. Pai Runa tucungapacca, ñaupa mandac Davidpac huahua huahuapuramantami huacharirca.

ROMANOS 4:1

¿Imatatac ñaupa taita Abrahammantaca nishun? ¿Paica imatatac japishca canga?

ROMANOS 4:12

Abrahamca circuncisionta ruhuashcacunapacpish taitami. Paicunaca mana circuncisionta ruhuashcallachu carca. Chaica, Abraham manarac circuncisionta ruhuashpa, crishpa causacushcata caticcunami carca.

1 CORINTIOS 9:13

Diosta mañana huasipi serviccunaca, chai huasiman apashca micunatami micun. Chai altarpi serviccunaca Diosman cushcatami micuncuna. Chaitaca cancunallatac yachanguichicmi.

GÁLATAS 6:16

Cai ñuca nishca shina causaccunamanpish, Dios tucui acllashcacunamanpish Dios llaquishpa, sumac causaita cushca cachun ninimi.

DEUTERONOMIO 12:17

Cancuna causana llactapica chungamanta shucta cushcatapish, mushuc vinotapish, aceitetapish, punta huachashca huagratapish, ovejatapish, cushami nishca ofrendatapish, quiquin munaimanta cushca ofrendatapish, alzashpa cushca ofrendatapish mana micui pudinguichicchu.

HEBREOS 13:10

Ñucanchicca Diosman cushpa, rupachina shuc altartami charinchic. Chai altarmantaca, Dios-huan tupana huasipi servic curacunaca mana micui pudinchu.